انا المذنبه وانت البريء

الـذنب الـ ١٤

#انا المذنبه وانت البريء

- قراءه ممتعه لخدودكم الحلوه .
- كاتبتكم فاطمه جميل .

__________________

غزال ..

فتره من الزمن وندگ الباب واني بين النايمه وبين الگاعده غلست شويه هم رجع ندگ كمت لبست شالي باوعت لمسند نايم ..

ومخلي ايده ع عيونه، عين مفتوحه وعين مسدوده فتحت الباب والگى ولد صغير واكف ودموعه ع خده ..

همس بصوت خفيف
- امي وابوي تچاتلوا

خليت الباب مفتوح رحت لمسند بخوف هزيت كتفه بخفه ماكو صحت سندددد صارت ..

عركه فز ونزل طلعت شي طويل او مثل الروب يجي فانيله لبسته فوك لبسي ..

ونزلت وراه نزل وهو عيونه حمر وما يتحاجه دخل لغرفه البنات ماكو وجان ضوه الصاله ..

خفيف لونه وردي وغرفه عمتي كذالك راح للاستقبال ركض واني وين مايمشي ..

وراه نسيت الرجال غريب ضليت واكفه باب الاستقبال واصواتهم عاليه ..

اياد : وج وربج اكتلج اكتلج موتج ع ايدي

يصيح ومتشابك وياها وهي تبجي وتوخر بيده من شعرها جان لازمها حيل جهالهم جواهم تبجي وتلهث بأسم يمه وبويه دخل سند وخر اياد عن رنا ..

مسند : خويه اياد شسالفه كول يالله شجاك

اياد : كحـ** تريدد ضل هنا حتى تـ*** بكيفها بت الخـ**

باوعلي واشر لرنا

مسند : خويه رنا روحي وي غزوه تعاي غزال اخذيها

تقدمت اخذتها وهي تبجي وشعرها مكفش اخذت جهالها وصعدتها لغرفتنا ..

دخلتها وهي تبجي وتناشغ وجهاله يباوع بيها اخذت الجهال منها ونومتهم ع چربايه وغطيتهم وهي كاعده ع قنفه

غزال : جوعانه اجيبلج شي ؟

رنا : لاء

غزال : شبي وياج!

رنا : جنت نايمه اجاني شالني من ياختي ويچتل  بيه كتله شبيك يكلي شعندج تردين تضلين هني ماخليج تسوفلين والله العظيم مليت منه نهار كله يچتل بينه اني وفريخاتي وشابعين قهر وضيم النوم ما شايفينه

غزال : الله كريم يختي نامي ارتاحي شويه

رنا : ما تكصرين انتِ واخوي سند

طلعت غسلت وجهها ورجعت نامت بين جهالها ع چربايه شويه اجه سند يفرك بعيونه اشرتله اسكت طلعت وسديت الباب ضلينا واكفين باب الغرفه مالتنا

مسند : ابن الخـ** سلب راحتي وراي شغل

غزال : نام بغرفه الضيوف

مسند : غير بيها المره ام اياد

غزال : شبي هو !!

مسند : يكول ما اخليها عدكم كتله الصبح يصير خير اني اعرف شسوي هي مو اول مره يجيني نهار كله مرنخين عدنه لعبت رواحتنه اذا رتاحم كم يوم غير ترا مانصدك نكول لازم صاير شي، بس والكفل زينب اذا ما اطلگها منه ما اطلع سند ابن النعل مسلوبه راحتنه وياهم ع واهس