انا المذنبه وانت البريء

الـذنب الـ ٢٦

#انا المذنبه وانت البريء .

- قراءه ممتعه لخدودكم الحلوه .
- كاتبتكم فاطمه جميل .
- علقوا بين الفقرات .

_________________

نهله ..

رحت للكليه واستلمت النتيجه الحمد لله گد ظني صح مو هذيج الدرجات لكن نعمه اجيت ابشر اهلي والابتسامه ع وجههم

عبد : يابعد اخوچ والله كفووو

تقربت حضنته ورحت ع امي تبوس براسي وفرحانين فرحتهم بگلبي والابتسامه ابد ما فارگت وجهي ، كلهم تباركولي الوضع شويه تمام احسن من قبل دخلت ارتاح شويه واجتني مياس ..

مياس : حتجي امي تاخذني

نهله : سلمينه ع خالتي والبنات

تجاهلتها وهي تصيح وتعيط تريدني اقنع امها تبقى هنا ، غلست رحت دوشت ونمت للعصر گعدت لگيت البيت هادء ومابي اي صوت ولا منادم يمي ولا مياس ..

استغربت دخلت لغرفه امي ماكو لغرفه بابا هم ماكو اخر شي دخلت لغرفه عقيل لگيت الغرفه ضلمه اول ما دخلت شغلت الضوه وفززوني بصوتهم ..

حره : سبرايكككك

عبد : الثوله سبرايز يا سبرايك شعدنه متكليلي

ضحكت وهمه يصفگون والهلاهل مالت مياس خبصتنه رغم الحزن مبين ع وجهه لن حتروح قربتني امي عليها لحتى اكصص الكيكه

حره : اني سويتها

عقيل : جذابه اشتريتها من السوگ

ضحكنا وكملنا واني وشعري موضوع ثانيي وهم ناسين كلشي وفرحانين الي يمكن اكثر من فرحتي لنفسي قطعت الكيكه وشربنا عصاير ..

واكلنا الحفله بسيطه عباره عن كيكه وشموع وسبره يرشون عليه يا عبد يرش ع حره ويتعاركون ، گعدنه بالغرفه نسولف صفنت مكان غزوه ومسند خالي وهماتين بابا بالشغل انتبهت عليه امي وكالت

ام نبيل : ماما عيوني شبيج؟

نهله : ماما والله مشتاقه لمسند وغزوه

تنهدت وكالت

ام نبيل : اخ يا يمه دومك معذبني لمته ارتاح منك مادري

عقيل : خابرت فراس وگالي مكانه رحتله وسلمت علي وكال اسد ناجحه

عبد : غزاااااااالللللل

عقيل : خاب اي غزال

نهله : اي ادري بيها سئلت عليها صديقتها وكالت لي وشسمه هو اجه اخذ النتيجه مالتها

ام نبيل : شفتي سلمتي علي ؟

نهله : اي حضنته حتى الطلاب استغربوا كتلهم اخوي وسولفنه شوي وراح

عبد : عقيل وين همه هسه ؟

عقيل : ما احجي ولا اكول المهم هو زين