انا المذنبه وانت البريء

مشاهــد

كل مشهد وابطاله ، يعني المشهد الاول الابطال يختلفون عن ابطال المشهد الثاني وهكذا..

المشهد الاول :

- حبيبيييييي

- يابعد عيون حبيبج لچ چتلتيني ع گولت اهل العماره

- اريد نوتلا !

- اصيرلج نوتلا يابعد هلي

- تحبني ؟

- غير اموت بيج

- كول والله ؟

- والعباس اخو زينب

- ههههه بالمستقبل نخلف ٤ ثنين الك وثنين الي ، ونسوي طوبه خماسيه

- شجاب الخمسه ع اربعه

- شمدريني ماعرف بالطوبه

- تحبيها

- اي والله كلش بس ماعرف بيها

- اشتعلوا اهلج ايوالله

- ههههه هاي شبيك

_________________

المشهد الثاني :

دفعني بقوه ع حايط ، اجر نفس وماكو الهوى ضاع عني بقيت ادفع بي ولا حياة لمن تنادي محد بالبيت بس اني وهو ولو اصيح اتعب نفسي غمضت عيوني مستسلمه للموت ، حجه من بين سنونه وعيونه ناطات

- محد ماسج غيري تفهمين لو لا !!!!

- مو ابنككك تفهم لو لا مو ابنكككك

زادت الخنگه اكثر ، اتسلى ع موتي احجي ويزيد اكثر

- ماريدك للموت والي بطني مو ابنك تفهم مو ابنك

- وجج وحق الكفل زينب اشرب من دمج اذا صدككككك

- اشرب ، هو صدك لا تواسي نفسك لا عبالك ما اسويها ، سويتها وهذا ابن غيرك

- والله هسه تسقطي

- مو بكيفك ابني وحره بي

- والكفل زينبببببب اموتجج

احجي وهو عيونه يشبن نار ، بقت ايده ع رگبتي والهوى مگطوع عني ، احجي واضحك ولا كأنما حتطلع روحي بيده ،،، من شافني صرت زرگه ومابيه قطره دم عافني نزلت ع گاع اتنفس بشراهه عبالك صارلي سنه ما متنفسه

- هذا ابني وتردين تقهريني وتكولين مو ابنك عبالج ما اعرفج

حجيت بكل ثقه وايدي ع رگبتي امشي بيها ع كيف وأثار ايده نابته ع رگبتي

- سوي تحليل وشوف ، اذا مو ابنك مو تحجي ترا كتلك اني كتلك يابه البطني مو ابنك ابن..

قبل لا احجيها هجم عليه وضربني يكل قوته حسيت فكي تكسر بيده شعري تملش بيده ، جر شعري بكل قوته واني ابد ولا طلعت صوت بس مبتسمه عبالك ما موجوعه ولا كأنوه وجع الدنيا كله بيه

- ولججج اسكتيييييي اسكتيييييييييي

_________________

المشهد الثالث :

يتمشى ويعيط بكل صوته ، واني رافع راسي بي اخوي الچان يبچي ع فلس من ابوي هسه يفتر بالديوان والكل محترمه

- خويه والله رايدها بالحلال يعني بشرفك اذا بالحرام المن جايك وجايبلك ١٥ سياره

- اخوي تصحيح مو ١٥ ، ١٨ سياره

- اي عفيه عليك ، والله رايدها ومتمنيها وكلشي تردون حاضر يمكم

- والله يا ابني اني عيوني الك ، واحنه لازم ناخذ رأي العائله والعشيره الجاعده جدامك

- يابه صبنا گهوه

- شمالك ما شايف هذا خامس فنجان

- هسه شارب من گهوتك

- والله عمي مادري شكلك بس مثل ماشوفني شوف اخوي مثلي وبمكانتي ورايدها والحب يايعيال مو حرام ، علي ( عليه السلام ) حب فاطمه الزهراء ( عليها السلام ) وتزوجها ، لو حرام مانخلق شي اسمه حب

حجه واحد منهم معگل شاب

- عيب عليك هيج حجي هذا ديوان وعشاير جاعده جدامك مو مال حب وغرام احجي عدل مثل الزلم

- نسيبي زلمه وخوش زلمه واليحجي مابي شي غلط مو ابو اسامه

- جايينك ومتعنين لا تردنه خايبين ابو **** 

- عيوني الكم صدك جذب گبعوها واخذوها

_________________

المشهد الرابع : 

- عومريييي

- هسه افرك حلگها احجي عدل بت الاوادم

- شوبيك

- بابا كافي مياعه ذكرتيني بوحده استغفرالله

رديت بعصبيه

- منيه هل وحده

- اي يبعد عمج هيجج

- اموتك ولك اذا تفكر بس تفكير هيج بس تفكير بغيري ازوعك العافيه

- لا مافكر لتخافين شعندي غيرك ابو سنون

- مناوي تجي مشتاقتلك

- نشاءالله عن قريب

- احوبكك

- اشتعلوا واليدج ايوالله

- هههههههههههههه

- فدوه لهل ضحكه يابعد شواربي

- احب شواربك ولحيتك الشگره

- اني احبج كلج

- كافي غزل شنيه خل نتعارك هههه

- ههههه

_________________

- عيوني اعرف مراح تفهمون شي من المشاهد لن الاسماء غير معرفه .. بعدين يتوضح كلشي .

- كاتبتكم فاطمه جميل .