#انا المذنبه وانت البريء
- قراءه ممتعه لخدودكم الحلوه .
- كاتبتكم فاطمه جميل .
_________________
مسند : غغغززاللللل تعاييي وراييييي
نفضت من مكاني صوته صار صدى بأذني الكل انتبه عليّ وبوجوهم علامات استفهام عفت الكوب ومشيت جان واكف بالباب مالت المطبخ مراقب كل حركه تبدر مني ..
تمشيت بخطوات ثگيله وكل الي حوليه تباوعلي بنضرات استعزاز هيبه جبروت قوة ، زين وانا شون اباوع ع نفسي !!
غبية وثولة لدرجه بمُجرد حدث صغيرون وغلط مني انتهى كلشي بحياتي انتهت حريتي وطريقي الى المستقبل واحلامي البانيتها ..
انهدمت كل هل احلام بسبب موقف بدر مني زين معقوله تتغير مجرى حياتي بأكملها بمُجرد هل غلط !! وتتحول حياتي من الرفاه والجمال الى الضلام والتعاسه ؟
عقلي ماجاي يستوعب شنو جاي يصير وهل الاشخاص الي محاوطيني بهل بيت همَ وياي لو ضدي !
والي مدعوا بـ زوجي هل راح يجي يوم ويتقبلني كـ زوجه ويحبني او يبقى متجاهلني ولا كأن موجودة !!
اصفن واسرح بعالمنا الملئ بالاحداث المخيفه والمُرعبه لدرجه العقل رافض يستوعبها بحيث من تجي لشخص مايعرفك وتطرح عليّ كل اشيائك الي متعبتك يضحك عليك
وما يصدكك؟
طبيعي لانُ مرات محد يحس بالي انت بي ' فقط انت تحس بمشاعرك بضعغك بقوتك بفخرك من تسويلك انجاز ، بكل مرة اسوي انجاز ولو بسيط بحياتي افرح وارجع لاهلي واني شايله فرحه الطريق كلها وياي ..
اباوع وجهه بابا المليء بالنور وماما الي مستقبلتني بالابتسامه الواسعه وانا افتخر بنفسي اكثر منهم زين وهسه !!
ليش ماشوف الافتخار بالنفس ليش اشوف نفسي غبية ورخيصه ومالي احد مثل الي خلوه بغابة وتاهه بنص الغابة ومحد بهل مكان غير الذئاب والاسود !
الي ما تتقبل البشر بشكل ما !
رجعت لواقعي من سلسله افكاري انتفض خوف كلت شكو هل مره شصاير لا ونوب من الصبح تقدمت وهو واكف وعاگد حواجبه مشيت يمه
ابو نبيل : ها بويه خيرك شكو؟
ام نبيل : اسم الله يمه نززتها شبيك؟
مسند : عندي حجي وياها لتخافون ماكو شي، وايشي سمعوا طنشوا ماريد احد يصير بيني وبينها
حجه هيج واني زاد الخوف البداخلي زادت رجفتي زاد توتري ايدي بقت ترجف شبكت ايد بأيد اشرلي امشي كدامه مشيت درجه درجه وهو ورايه دخلت للغرفه ..
مسند : لبسج هذا بعدد ماريده، لابستلي مخصر مدري مزر* اطيح حضج والله مو عبالج ساكتلج
بهدوء
غزال : شبي لبسي؟
أنت تقرأ
انا المذنبه وانت البريء
Romanceالذنـبُ ذَنبي لم اكن اعل ماذا قد يحدث أو ماذا حدث ؟ كان كـلبؤبؤ الثمين وأضعتهُ من بين ايدي كابرت واعلت عليه ولكن حبهُ قد احيينني وأفاقني من ضلمتيٌ، كانت لهفتهُ وشوقهُ لي سبب لحبهُ وهوسهُ في تفاصيل وجهي الخلابه .. كان بريء العينين تشع عيناه بالكلا...
