#انا المذنبه وانت البريء
- قراءه ممتعه لخدودكم الحلوه .
- كاتبتكم فاطمه جميل .
_______________
مسند ..
طلعت وره الحجيه وصلتها ورجعت للغرفه دخلت لگيت غزال تبچي وتشهگ رحت بخوف متوجه الها ..
جانت كاعده ع جربايه ولامه رجليها ولازمه بيدها شال
مسند : شبيج غزال !!
تحجي وتناشغ
غزال : مشتاقه لاهلي
صفنت هاي صدك تحجي! واني روحي
راحت عبالي بيها شي !
مسند : هههههه شني زعطوطه تبجين ع اهلج !!
بقت مستمره بالبچي كعدت ع طرف الچربايه جانت نازعه شالها قربت ايدي ماسح دموعها
دفعتها ..
مسند : گومي نروح لاهلج نشوفهم يلا
مسحت دموعها وباوعتلي وكالت
غزال : چذب عليه ؟
مسند : والكفل زينب گومييي
،،
غزال..
گمت وبقى هو گاعد ع طرف الچربايه ويباوعلي رحت للكنتور طلعت كيلوت عريض وقميص نازل عن الفخذ شويه وباوعتله..
مسند : يا طلابه شيخلصج
طلع واني بدلت ومبتسمه جانت الساعه 5:30 بدلت بسرعه دك الباب كتله ادخل
مسند : كملتي !
غزال : اي يلا
باوعلي من فوگ لجوه وكال
مسند : طلعين هيج؟
غزال : اي
مسند : اول واخر مره طلعين هيج يلا امشي وراي
تجاهلته ونزلت ولكيت البيت هدوء شفت نهله واني نازله سبقني مسند كتلها
غزال : وين عماتج وخالاتج ؟
نهله : كلهم راحو ولكوكم نايمين وما كعدوكم وصبحتچ عند امي خلوهن ومياس بقت هنا
غزال : يمعوده يا صبحه ما اخذ منهن
سمعت صوت صياح مسند وركضت وصاحت وراي نهله
نهله : وين رايحين ؟
غزال : شويه ونجي
طلعت الطارمه جانت مغسوله والبيت يضوي وجانت اكو مثل الكرفان بطرف البيت ما نتبهت
اله فتحت الباب ولكيته منتضرني فتحلي باب الصدر وصعدت وصعد هوَ ..
بقى يسوق وهو ساكت حجيت بهدوء
غزال : شبي لبسي؟
عينه ع طريق ويحجي
مسند : بعد ماطلعين هيج
غزال : اشو ما لابسه شي ضيگ ليش ما عجبك؟
أنت تقرأ
انا المذنبه وانت البريء
Romanceالذنـبُ ذَنبي لم اكن اعل ماذا قد يحدث أو ماذا حدث ؟ كان كـلبؤبؤ الثمين وأضعتهُ من بين ايدي كابرت واعلت عليه ولكن حبهُ قد احيينني وأفاقني من ضلمتيٌ، كانت لهفتهُ وشوقهُ لي سبب لحبهُ وهوسهُ في تفاصيل وجهي الخلابه .. كان بريء العينين تشع عيناه بالكلا...
