انا المذنبه وانت البريء

الـذنب الـ ٣١

#انا المذنبه وانت البريء .

- قراءه ممتعه لخدودكم الحلوه .
- كاتبتكم فاطمه جميل .
-يابه اعذرونه ع تأخيره مانشرت احتراماً لسيد الشهداء ( ع ) وحعوضكم ببارتين والثالث اذا اكدر بليل ينزل ..

_________________

غزوه ..

بقيت ويا لثاني يوم والاكل يا من المستشفى لن جان اهلي يا من اهله يدزونه وبقيت اوكله واجيبله العلاج رغم الممرضين ما عافوا ثاني يوم ..

سووله استماره لحتى يطلع وما تأخروا شويه واجوي كالوا نطلعه وهو كالب وجه عليه مدري شبي ، طلعوا واخذاني شرف وطلعنه لبيت اهلي بقى بالي يمه كل ساع
اتصل علي ومايرد ..

اتصلت ع عبد من اول رنه رد

غزوه : هلا شونك ؟

عبد : هلا غزوه الحمد لله خويه وانتِ ؟ خوماكو شي متصله عليه

غزوه : حرام اتصل عليك؟

عبد : ههه اكيد لا بس استغربت

حسيته متوتر ويحجي بلهثه سئلته ع مسند وكالي زين سديت الخط وعزلت البيت وسويت حمله علي مادري منين جايني الواهس والوضع
بالبيت هادئ والكل ساكت مادري
شبيهم وليش هل هدوء ..

تعدى اليوم هيج واليوم الثاني جنه كاعدين بالصاله اني وماما بابا وشرف طلعوا بشغل وماعرفنه شنو هو ؟

هي تتصفح بتلفونها واني هم ،، فجأه نشوف منال هي وشرف وشكلها يخوف ضعيفه
وسواد جوه عيونها مو طبيعي
وشفتها زرگه ..

ركضنا عليها بلهفتنه امي تبوس بيها وتبجي وتعاتب واني هم كعدنا بالكاع نحضن بيها وهي بس ساكته

ام غزال : يروح امججج مناللل فدوه لعينجج مابيج شي مو مابيج شي

هزت براسها بمعنى مابيه بقيت ابوس بيها واسولف وياها بهدوء

غزوه : تعالي نسبح نرتاح يلا

شرف : خلوها ترتاح

ام غزال : وين ابوك شرف ؟

شرف : جاي يحققون ويا حتى بس ترتاح نمنم ياخذون اقوالها

باوعتله منال وراحت وياي بهدوء دخلتها سبحتها ولبستها واخذتها للچربايه تمددت ونامت بحضني وهي بس صافنه وساكته

غزوه : ماريد اضغط عليج عيوني نمنم بس مابيج شي مو ؟

منال : مابيه

سكتت عنها شويه وغفت وهي بحضني والدنيا صبح كمت بهدوء منها وسديت الباب وطلعت
واني ما مصدگه ابد رادت تدخل امي اول ماطلعت بس ماخليتها كلت الها تعبانه شوي واجاني اتصال ..

من نهله حاجيتها وفرحت حيل من عرفت سويت غده وتغدينا ومنال بعدها نايمه وبابا بقى يسولف النه ع موضوع وشون
طلعوها ..