انا المذنبه وانت البريء

الـذنب الـ ٤٦

#انا المذنبه وانت البريء .

- قراءه ممتعه لخدودكم الحلوه .
-علقوا بين الفقرات عيوناتيي .
- كاتبتكم فاطمه جميل .

________________

اباوع نفسها اي نفسها هي ، جمالها وعيونها ورموشها الكثيفات تقدمت عليها وعيوني تلالي

فرح وحزن ولهفه كلهن هل مشاعر بنفس الوقت لكن بنفس اللحضه راحت كل هل مشاعر

من شفت شخص واكف يمها وايدها بيده وتضحك وبيناتهم طفل صغير لازم ايدها

ولازم ايده وصاير بينهم والضحكه ماليه وجوهم سادت ملامحي واسود وجهي واختفت

ابتسامتي عكس من شفتها ، اباوعلهم من بعيد والخنگه بلعومي ابلع ريك وارمش بقوه

اخفي دموعي الاعلنت ع نزولها ..

رجفت ايدي وگلبي بنفس الثانيه دك گلبي بقوه من شفته تقدم عليها كلش وباسها بخدها وهي تضحك

- هويتي غيري واني من صغري هاويچ !

.
.
.
.

فزيت من نومي الهث وتعبان استغفرت ربي وتوجهت للمطبخ شربت مي ، هدوء البيت يخوف بس صوت البنكه بي ..

اجاني صوت رنة التلفون من الغرفه رحت علي ورديت

مسند : ها فراس بشررر ولك ؟

فراس : خويه ماكو لا مستشفى لا عياده لا فندق لا مطعم ماكو ولككك فص ملح وذاب وعلي

مسند : استغفرالله استغفرالله بس کلي شون هيج بلحضه راحتتتت چانت يم عيني اني بيدي دزيتها للعياده اجيت لگيت بس حره ماكوووو هي مختفيه ماكووووو

فراس : استهدي بالرحمان هسه نلگاها وين تروح متگلي وين تروح ؟

مسند : خايب ماتعرف هي الذيبه اكثر مني ولك البراسها تسوي وعلي

فراس : بس لا علمود الطفل !!

مسند : ليش اكو غيره هل زر** من نعله ع ابيه اي والله ضلت دك وتنوح طفل ما طفل وهسه راحت من ايدي لا هي ولا الطفل

فراس : عمي حقها البنيه تريدلها جاهل تلعب وياه بس شوف وجهك تنسد نفسيتها

مسند : فراس روح روح لا والكفل زينب اشرب من دمك

سديت الخط لبست وتوجهت لجميع اقاربها ماخليت عمه خاله عم خال جد كلها فريتها وما الها أثر ..

الكاتلني اكثر عفتها هي وحره كتلهن ثواني وراجع رجعت لكيت غزال ماكو وحره بس تصفن ركضت عليها

مسند : شصايررر حره ؟

حره : لاء ماكو ماكو شي بس تعبانه شوي

سندتها عليه ومشيتها لكفتريا جبتلها كيك وعصير اكلتهم وجوها مخطوف

مسند : غزال وين ؟