انا المذنبه وانت البريء

الـذنب الـ ١٥

#انا المذنبه وانت البريء

- قراءه ممتعه لخدودكم الحلوه .
- كاتبتكم فاطمه جميل .

_____________

نهله..

طاحت غزوه واني جنت يمها كبل شلت راسها خليته بحضني واضرب بوجها ضربات خفيفه ركضت منادم جابت مي ومسند فوك راسها كاعد ع ركبه وما مبين علي أثار التوتر وكلها تباوع ..

بعياط قوي
مسند : شيلي ابنج ودخخخخلي لجوه يلاااااا

شالت ابنها رنا ودخلت لجوه بقت امي ومياس وعبد وحره ومنادم كلنا فوك راسها مشت ربع ساعه وهي مكاعده ..

اخذها مسند من ايدي وشالها للغرفه كلنا مشينه وراه صاح ع عبد يجيب جهاز الضغط جابه واجه دخل للغرفه خلاها ع چربايه ..

ويسوي مساج لايدها وكل ساع مسح گصتها من العرگ، امي كاعده بهي الصفحه وتمسح بوجها وكلنا واكفين ..

مسند : هي دوم طيح بس هل مره ماكو

عبد : كوم خل ناخذها للمستشفى

مسند : هسه ضغطها مابي شي

شالها مسند وصاح ع عبد يروح ويا والبنات كلهن خايفات اباوع لساعه 10 ونص بليل، امي كالت اروح صاح عليها مسند كال ولا وحده تروح لبست البشت متجاهله كلامه ..

كبل صعدت وره ومسند بالصدر وعبد يسوق خليت راسها بحضني ودموعي ينزلن حيل خايفه عليها ..

حاسبتها اكثر من اخت، ماحسيت الا وشويه وصلنا نزل سند وشالها وكام يصيح

مسند : سديه حاله طارئة سسسسديهههه

جابوا سديه وحطوها بيها اخذوها لغرفه الطوارئ وكلنا منتضرين بره كل ساع تطلع ممرضه وماتحجي اجه الدكتور الجبير دخل ومسند يلوب يلوب كل ساع يستغفر ويمسح بگصته ويفرك عيونه رحت يمه ..

نهله : سند لا تخاف مابيها شي يجوز نزل السكر عدها لو شي

ما جاوبني خليت ورجعت كعدت ع كرسي تأخروا الا طلعوا طلع الدكتور راحله مسند ركض واني وعبد وراه ..

مسند : ها دكتور بشر مرتي بيها شي

- وين جنت عن مرتك

مسند : دكتور شبيها

- من شوكت مزوجين انتو ؟

كال هيج ونزل مسند غلط وسب عليه كاله وقت هل سوالف كلي شبيها والدكتور بالكوه الا حجه

- مرتك عدها فتحه بالقلب

مسند : شنو ءءء فتحه فتحه شنو !!

- مثل ماسمعت، عدها هل فتحه من الولاده ومحد يعرف بيها وماعرف اذا يعرفون بيها او هي تعرف بيها وكل ما تكبر تكبر الفتحه وياها وهسه كبرانه الفتحه اذا نسويلها عمليه نجاحها يكون 5% ما أكد اي نجاح بهل عمليه