انا المذنبه وانت البريء

الـذنب الـ ٢٠

#انا المذنبه وانت البريء

- قراءه ممتعه لخدودكم الحلوه .
- كاتبتكم فاطمه جميل .

_________________

غزوه ..

سمعتهم هيج يحجون رجعت خطوه لوره ودموعي نار وچوني ع وجناتي نززني صوت
رنا وهي تگول

رنا : عفيه خوش تربيه تتسمعين عليهم

مسحت دموعي بدون متشوفني وتركتها ونزلت لجوه لگيت البنات يبدلن طالعات يخبلن بقى عمي وعمتي يقنعنون بيه وگالوا خاف مسند مايقبل كتلهم لا قبل واصلاً كال روحي بس مابيه حيل عافوني ع راحتي وراحوا ..

كعدت بالمطبخ ودموعي ما وگفن ولا للحضه ، اتذكر كلامهم وابچي قهر ،نزلت رنا وهي مبتسمه ابتسامه شريره حيل صايره مطايقتها وصلت يمي وگالت .

رنا : عليمن تبچين لازم كاتلج رجلج!

تجاهلته ومشيت قبل لا اصعد ع درج سمعتها وهي تگول

رنا : ههه لو يحبج مايگرب ايده عليج

شطت رحت يمها وحجيت بعصبيه وصوت عالي وجان عمي ماموجود طلع وياهم وعقيل كذالك

غزوه : باع لججج لا سند ولا غيره يفكج مني اذا طخت براسي والله ماخلي شعره براسج

رنا : دروحي روحي يوميه عياطكم واصل لسابع جار

غزوه : مالج دخل بينهههههه

رنا : صوتج ولج لا حضج اطيحه

غزوه : تربيه ماكو لو بيج خير ما ذبج رجلج عدنه واحنه بيتنه مملي زلم

ماحسيت الا ومالشه شعري بكل قوتها صرخت بعلو صوتي وملشت شعرها وضربتها وهي تغلط وتسب واني ساكته بس دموعي تجري ..

ضربتها برجلها حيل وطيحتها بالگاع خليتها وصعدت لفوك الهث وگلبي ينبض بقوه لگيت مسند بعده نايم استغربت ..

مسحت وجهي واخذت شهيق وزفير ، وصلت يمه وجهه احمر حيل ، خليت ايدي ع گصته حرارته مرتفعه بشكل مو طبيعي ركضت جبت كمادات ومي بارد ثلج وما لگيت رنا گلت راحت تهجج الناس ..

ركضت للغرفه وضليت اسويله كمادات اخليها ع گصته وينز ، وخرت الغطه عنه وفتح عين وهمس ..

مسند : غزالتي !

غزوه : عيونها

بعدها ماحجه شي ، شويه حرارته انخفضت وصارت احسن بس بقى يهلوس بصوت ناصي

مسند : قرة عيوني

بقت هل كلمه بحلگه وماكو غيرها ينطق بيها مادري شيهلوس بس غلست بقيت گاعده يمه ولازمه ايده وكل ساع اشوف حرارته ، ندسته بكتفه بخفه فتح عيونه حمر دم ..

غزوه : سند گوم اسبح حتى تصحصح شوي

مسند : ماگدر

غزوه : گوم اني اساعدك