انا المذنبه وانت البريء

الـذنب الـ ٤٥

#انا المذنبه وانت البريء .

- قراءه ممتعه لخدودكم الحلوه .
-علقوا بين الفقرات عيوناتيي .
- كاتبتكم فاطمه جميل .

________________

غزال

ضليت ارتعش خوف ، صارت ايده تتلمس اعضائي واني انصعقت وصرخت بكل علو صوتي رغم مككمين حلگي ، رجيت البيت رج برجفتي ورعبي وكل هذا وعيوني مغمضه مدري مسدوده بشي ..

روحي مفرفحه حلگي مكمم صرختي مكتومه ضلوعي طكطك خوف شعور اشبه بالموت بشويه صار نفس حار يم إذني وهمس من همسته ارتاح گلبي تلقائياً كل شعور مريت بي رهبه خوف قلق توتر راح ..

مسند : كتلچ اضيع عليچ الهوى اذا حرمتيني منچ .

نفتحت عيوني واني صوتي مبحوح اباوعله ملثم بلثام اسود بس حواجبه الكثيفات وعيونه ضاهرات واني حيلي مهدود نضراتي بارده اتجاهه اخذني بحضنه بس جامده حرفياً حاسه بشعور لا شيء اتجاهه لا شيء .

تفلتت من اديناته ورحت للصاله والشموع طافيه والورد مخربط وكل الاجواء الرومنسيه صارت اجواء رعب كعدت ع قنفات مرعوبه وجههي شاحب لو يذبحوني قطره دم مابيه ..

اجه عليه بضحكه نازع اللثام كعد مقابيلي اخذ ايدي باسها واني اباوع ع فراغ ..

مسند : قرة عيوني هههه ردت انصب عليچ ، جاي تخوفيني وتندميني لن هيج سويت !

ضليت مصدومه ووسط تساؤلات وخرابيط وهو ولا كأنما كاعد يمي ويتبسم من شافني هيج ساكته وهادئه اي رده فعل ماعندي حضني وكال بصوت مملي حنيه

مسند : متعين روحيييي لو ادري مامسوي شي حبيت اغير مود العرك والرومنس كلت اسوي اجواء رعب وكذا يعععع من عمت عيني التوبه التوبه هاي هي اسف اعتذر

غزال : وخر عني .

دفعته بقوه ورحت ع غرفه وتمددت ونمت لثاني يوم الصبح لگيت نفسي بحضنه لا إرادي عضيته بأيده المحاوطتني ضليت مچلبه بيها فز برعب يريد يوخر ايده عني ماكو واني بكل حرگه لازمه ايده ونابته سنوني بيها ..

مسند : غزززززززززوه عوفينييييي

ضليت ساده بسنوني واقوي بالعضه اكثر وهو يريد يفلت ايده ماكو

مسند : اخ يا يابههههههه ولجج كافيييييي

لمن حسيت بطعم الدم الا عفته رحت غسلت وصحصحت تجاهلت صوته وعياطه وغلطه بس شفيت غليلي هاي هي هذا المهم ..

سويت ريوگ حسب نفرين لن گلت اذا ماسويله تگوم القيامه كعدت اتريك بهدوء وهو ما اله صوت ضليت الوب لمن رحت للغرفه بحجه التلفون لكيته كاعد يباوع ع عضه الي بچف ايده اخذت تلفوني وطلعت

مسند : عبالجججج انساها الججج اطلعها بضيم وضلايمممم والله

عفته وكعدت اتريك شوي واجه بس بالشورت اول ماكعد ع طبله كمت للغرفه رتبتها وعزلت كل الي مسوي راح ع هبه ..