My First Love Is A Superstar (GirlxGirl) [ Currently Re-reading & editing ]

CHAPTER 6

Elena POV

"Saan mo ba ako dadalhin? Baka mamaya ipa-salvage mo pala ako ha?" Medyo kinakabahan na biro ko kay Zoe.

Hindi lang pala medyo, kundi kinakabahan talaga ako.

Ito kasi ang unang gabi na makakasama ko siya at tanging dalawa lamang kami ang magkasama.

Wala na siyang ibang sinama pa except sa driver niya. Ito rin ang kauna-unahang niyaya niya akong pumunta sa isang lugar na hindi ko alam kung saan.

At unang-una bakit naman kasi ako pumayag na sumama sa kanya at hindi alam kung saan kami pupunta? 'Di ba? Edi hindi sana ako clueless ngayon.

Syempre, hindi ko maiwasang hindi maging paranoid dahil kahit paano kaibigan pa rin niya ang mga number one na nambu-bully sa akin, ano?

Narinig kong natawa ito ng mahina.

Nasa kaliwang side ko siya habang abala sa pagkalikot ng kanyang cellphone. Nasa loob pa rin kami ng sasakyan at habang abala sa pagmamaneho ang kanyang driver na si Kuya Jake.

At noong sandaling nagbaling ng tingin sa akin si Zoe ay bigla akong nagbawi ng tingin.

"Tingin mo ba ipapain kita sa mga kaibigan ko?" Natatawa na tanong nito sa akin. "Duh! Don't worry, piggy. I am not like them. Isipin mo na ang gusto mong isipin, pero kusang mawawala lahat ng kaba na nararamdaman mo kapag narating na natin 'yung pupuntahan natin." Pagpapatuloy niya.

Muli akong nagpakawala ng isang malalim na paghinga.

Ano pa nga bang choice ko kundi ang pagkatiwalaan siya. Total nandito na rin naman ako. 'Di ba? Magkasama na kaming dalawa.

"Isa pa, hinding-hindi kita ipapahamak." Dagdag pa niya bago hinawi ang ilang hibla ng buhok ko at iniipit iyon sa likod ng tenga ko.

Dahil sa ginawa niya ay hindi ko mapigilan ang manigas sa aking kinauupuan bago napalunok ng mariin. Pakiramdam ko rin kahit ang lamig na sa loob ng sasakyan dahil sa naka full ang aircon ay bigla akong pinagpawisan.

Lalong-lalo na noong inakbayan pa ako nito, dahilan para magkadikit ang aming mga katawan.

Eh may space pa naman ah? Hindi ba siya nasisikipan? Mataba ako oo, pero hindi ko naman sakop ang buong sasakyan o upuan para isiksik niya ang kanyang sarili sa akin. Duh!

"Ah eh. Z-Zoe, hindi ka ba nasisikipan?" Biglang tanong ko sa kanya. Pero parang wala itong naririnig at tinignan lamang ako sa aking mukha bago ako inosenteng nginitian.

Mabilis na napayuko ako dahil sa paraan ng pagtingin niya sa akin.

"Why? Ayaw mo ba ng masyadong close tayo katulad nito?" Tanong niya. "Ako gusto ko." Dagdag pa niya at mas lalong napangiti ng malawak. "Kasi ang sarap madikit sa'yo eh. Ang fluffy." Pagkatapos ay pinanggigilan nito ang magkabilaan kong pisngi.

Gosh! 'Yung mga pimples ko at oily face ko sobrang nahihiya sa kutis at kakinisan ng balat niya. Jusmiyo!

Hindi ko alam pero tunaw na tunaw na naman ako sa sobrang ka-clingy'han ni Zoe. Hindi ko akalain na makikita ko at ipapakita niya sa akin ang ganitong side niya. Plus, ang bango-bango pa niya palagi.

Kung alam lang niya! Gustong-gusto ko rin kaya na magkalapit kami palagi. Kaya lang nakakahiya kasi!

Kasi parang...parang ang sarap niyang i-baby?

Napangiti ako sa aking sarili ng maisip iyon. Ngunit agad ko ring iwinaglit iyon sa aking isipan.

Hayyy! Nangarap ka na naman ng gising, Elena. Hindi 'yun mangyayari dahil unang-una magmumukha ka talagang nanay niya. Tuyo ng aking isipan.