My First Love Is A Superstar (GirlxGirl) [ Currently Re-reading & editing ]

CHAPTER 25

Elena POV

Nasa kwarto na si Kassandra kaya naisipan naming tatlo na manood na lang ng movie habang nagpapaantok.

Plano rin kasi ni Roxanne na dito na lang siya matulog sa unit ni Kassandra ngayong gabi. Nagdala na nga rin siya ng bihisan just incase.

Habang si Luna naman ay...hindi ko alam.

Mukhang kanina pa kasi siya tahimik at nakakunot na naman ang noo. Parang galit na naman sa mundo.

Habang nanonood kami, hindi ko mapigilan ang hindi tumawa kahit na wala namang nakakatawa sa pinapanood namin dahil thriller ito. Kung titignan para akong kinikilig kahit hindi naman dapat.

Kaya napatingin iyong dalawa sa akin. Bale nasa pagitan din kasi nila ako. Nasa kanan ko si Roxanne habang nasa kaliwang bahagi ko naman si Luna. At parehas silang kunot noong tinignan ako nang may pagtataka.

But I don't mind them.

Naaalala ko kasi iyong itsura ni Kassandra kanina na kunwaring natutulog at pasimpleng ibinukas ang kanyang mata. Sumakto kasi talagang nakatingin din ako sa kanya. At ang cute niyang tignan kapag nahihiya, biglang nagsusungit, may pa-walk out pa siyang nalalaman.

"Pffftt." Pigil tawa ko bago napatakip ng aking bibig.

"Will you please just watch?" Saway sa sakin ni Luna nang may mataray na tono bago ito napailing.

Iirapan ko lamang ito kaya ginantihan din niya ako ng pag-irap bago siya napa-cross arms.

"Panira talaga ito ng moment kahit na kailan."

"May sinasabi ka?"

Hindi ko alam na napalakas pala ang pagkakasabi ko na dapat ay sa isip ko lang. Kaya muli ko siyang tinapunan ng pamatay na tingin.

"Wala." Tipid at inis na sagot ko.

Ngunit nawala ang pagkumot ng aking noo nung biglang maaninag ko na may paparating sa amin. Nakapatay na kasi lahat ng ilaw at tanging 'yung TV lamang ang nagsisilbi naming liwanag sa paligid.

Nagising pa yata namin si Kassandra. Ani ng aking isipan.

Umusod si Roxanne sa pinakadulong bahagi ng sofa. Kaya naman agad na tumabi si Kassandra sa akin habang nasa kaliwang bahagi ko pa rin si Luna.

Ayaw naman paawat sa pag-ovethink ng aking isipan dahil napapagitnaan na ako ngayon ng mga dyosa.

Naramdaman ko 'yung pagdikit ni Luna sa akin kaya medyo umurong ako ng konti kay Kassandra, ngunit ang hindi ko alam eh magiging sobrang lapit pala ng mukha namin sa isa't isa.

Sabay kaming napatikhim ni Kassandra at kapwa umiwas ng tingin sa isa't isa.

"Ba't ba kasi tayo nagsisiksikan rito? Eh pwede namang maupo sa iba." Reklamo ni Luna ngunit wala kahit isa sa kanya ang pumapansin dahil si Roxanne ay abala sa panonood at talagang naka-focus sa takbo ng story habang kami naman ni Kassandra ay medyo awkward.

Pikit na ibinabalik ko ang aking focus sa movie na pinanonood namin ngunit ang isip ko ay lumilipad na at naka-focus na lang kay Kassandra.

Argh! Frustrated na tumayo ako dahil parang biglang ang init ng pakiramdam ko.

"M-Magpapahangin lang ako." Paalam ko sa kanilang tatlo bago mabilis na nagtungo sa terrace ng unit ni Kassandra.

Agad na nagpakawala ako ng hangin sa ere noong makalabas ako. Sinalubong din ako ng malamig na simoy ng hangin kaya napayakap ako sa aking sarili.

Tahimik na pinagmasdan ko na lang ang mga kumukutikutitap na mga ilaw na nagmumula sa iba't ibang gusali mula sa unahan.

Nabanggit ko na ba na inyo na ang building ng Penthouse ni Kassandra ang pangalawa sa pinakamataas na gusali sa lugar na ito? At nasa 40th floor ang kanyang unit, at isa sa pinakamalaki at maganda.