My First Love Is A Superstar (GirlxGirl) [ Currently Re-reading & editing ]

CHAPTER 23

Elena's POV

Pagpasok ko sa aking kwarto ay nadatnan kong nakahiga na si Kassandra sa ibabaw ng aking higaan. Nakapantulog na ito at halatang handa nang magpahinga.

Great! At ngayon saan ako hihiga? Tanong ko sa aking sarili dahil walang sofa ang kwarto ko katulad sa kwarto niya.

Kaya naman iginala ko ang aking paningin sa paligid habang tahimik lamang din akong pinagmamasdan ni Kassandra.

Sa lapag na lang siguro ako matutulog. Sabi ko sa aking sarili.

Ngunit ihahakbang ko pa lamang sana ang aking mga paa para maghanap ng mahihigaang blanket nang pinagpag ni Kassandra ang kabilang side ng hinihigaan niya.

"I know what you're thinking. But YOU are going to sleep here beside me." Nakangiting sabi nito sa akin.

"No!" Napapailing na agad kong sagot.

Ngunit tinignan lamang niya ako ng masama.

"Humihilik ako. Magigising lang kita." Palusot ko.

"Nope." Agad na tugon naman nito.

"Mabaho hininga ko, bad breath ako kapag gabi lalo kapag umaga---"

"Liar." Putol nito sa akin habang dahan-dahan na bumabangon mula sa kanyang paghiga.

"Atsaka malikot akong matulog." Dagdag na pagdadahilan ko pa. Ngunit nagkibit balikat lamang siya.

"Edi yayakapin kita." Pangungulit din niya.

"AYAW KO!" Bigay diin na pagtatanggi ko.

"Why? What is wrong? Besides...parehas naman tayong babae." Patuloy na pangungumbinsi pa rin niya. Tsaka ito tuluyan na muling tumayo habang diretso ang mga matang nakatingin sa akin.

Marahan na inihakbang nito ang kanyang mga paa palapit sa akin habang iyong mga mata niya ay para bang nag-aakit pa.

Oh my gulay! Ba't ba siya ganito? Pinakakaba na naman po niya ako!

Kaya dahil doon ay napalunok ako ng mariin bago napaatras ng dalawang beses palayo sa kanya.

"STOP where you are." Pigil at pagbibigay nito ng warning sa akin ngunit hindi ko siya pinakinggan.

Aba! Mahal ko siya pero hindi naman niya ako pwede diktahan ano? May sarili akong isip at desisyon. Kaya sa halip na makinig sa kanya ay muling inihakbang ko pa papalayo ang aking mga paa.

Hanggang sa biglang naging seryoso ang mukha niya at basta na lamang siyang napairap sa akin.

"Fine! If you don't want to sleep with me in one bed then sa kwarto ko na lang ako---"

"Oo na! Sige na. Tss!" Tuluyang pagpayag ko sa kanya.

Ay marupok! Tuyo ng aking isipan.

Pakipot much, pero gusto naman pala. Dagdag naman ni inner self.

"Good." Sabay higa nitong muli sa higaan nang may matagumpay na ngiti sa kanyang labi.

Hindi ko napigilan ang mapailing na lang sa kanyang kakulitan. Hmp!

Jusko! Paano ako makakatulog nito eh may hot na dyosa akong makakatabi sa pagtulog? Tanong ko sa aking sarili habang dahan-dahan na inihahakbang ang mga paa patungo sa kabilang side ng kama.

"At paraan saan naman yan?" Tanong nito sa akin nang mapansin niyang naglalagay ako ng unan sa pagitan naming dalawa.

May pagkaalanganing napangiti ako sa kanya bago napapakamot sa aking batok.