Uni
မနက်စောစောစီးစီးနှစ်ယောက်သားမင်္ဂလာဆွမ်းကပ်ရန်အတွက်မသွားခင်အရင်ဆုံးဝတ်စားဆင်ယင်ကြသည်။ခွန်းရောင်ခြည်ညကဥပဓိမောင်ပေးထားတဲ့လည်ကတုံးလေးနဲ့ပုဆိုးလေးအားဝတ်ကာခေါင်းသေချာဖြီးမိသည်။
ကိုယ်ကပြီးနေပြီ မပြီးသေးတာရေချိုးခန်းထဲကတစ်ယောက်။မင်္ဂလာဆွမ်းမို့မနက်အစောကြီးနှစ်ယောက်သား၅နာရီကတည်းကထကြကာစောစောသွားရန်ပြင်ဆင်ကြပေမဲ့အခုထိရေချိုးခန်းထဲကမထွက်လာသေးသူဟာဥပဓိမောင်သာ။
" ဟက်ချိ...ဥပဓိမောင် မင်းမပြီးသေးဘူးလား အဘယ်ကြောင့်များနှစ်လရှည်များရေမချိုးဖူးတဲ့လူလို့ချိုးနေရတာတုန်း...."
" မောင်ပြီးပြီ...ခနဘဲ..."
ရေချိုးခန်းတံခါးအားခေါက်ရင်းမကျယ်မတိုးအသံလေးနဲ့ပြောလိုက်တော့အထဲကပြန်ဖြေကြားလာသည်ကားခနလေးတဲ့လေ။အကျယ်ကြီးအော်ရအောင်လဲအိမ်မှာလူကြီးတွေကမနိုးသေးတာကြောင့်တိုးတိုးလေးသာပြောရခြင်း။
ခနကြာတော့ရေချိုးခန်းထဲကနေတစ်ခါတည်းအဝတ်အစားဝတ်လာသူဟာဆံပင်ရေစက်လက်ဖြင့်။
" ဘယ်လိုများ ကပိုကရိုဖြစ်နေရသလဲ...ရေတွေပြောင်အောင်မသုတ်ခဲ့ဖူးလားဥပဓိမောင်..."
" မင်းဘဲမြန်မြန်လုပ်ဆိုလို့လေ...ရတယ်ခနနေရင်ခြောက်သွားလိမ့်မယ်။ "
" ခက်တာဘဲဥပဓိမောင် ဒီလောက်စိုနေတာခနသာထားလိုက်ရင်နေမကောင်းဖြစ်လိမ့်မယ် ဒီကိုလာခဲ့..."
ရုတ်တရက်လူအားလာပြီးဆူပူလို့လက်ကောက်ဝတ်ကနေဆွဲကာကုတင်အောက်ကြမ်းပြင်မှာထိုင်ခိုင်းလို့ခွန်းရောင်ခြည်ကတော့အဝတ်တစ်ခုဖြင့်ကုတင်ပေါ်မှာထိုင်ကာဥပဓိမောင်ရဲ့ဆံပင်တွေကိုသုတ်ပေးရန်ပြင်လေသည်။
" ငါတောင်နှာချေမပျောက်သေးတာမင်းပါဖြစ်ရင်တစ်အိမ်လုံးကူးကုန်မယ် သဘောပေါက်သလား..."
" ဟုတ်ကဲ့..."
ဥပဓိမောင်ခွန်းရောင်ခြည်ကိုကျောပေးကာထိုင်နေပေမဲ့ခေါင်းကအနောက်ကိုခနခနလှည့်ကြည့်တာကြောင့်ခွန်းရောင်ခြည်ကဆံပင်တွေသုတ်ရင်းအရှေ့ကိုပြန်လှည့်လှည့်ပေးသည်။ထိုကိုသဘောတကျဖြင့်ဥပဓိမောင်ပြုံးမိသည်။
YOU ARE READING
နှလုံးသားရဲ့ အထူးဧည့်သည် ( complete )
Fantasy( ဥပဓိမောင် + ခွန်းရောင်ခြည် ) မဖတ်ခင်အသိပေးစာကိုဖတ်ပေးပါရန်။ ဤအရေးအသားသည်စာရေးသူ၏စိတ်ကူးသက်သက်သာဖြစ်တာမို့ တိုက်ဆိုင်မှု့ကြောင့်တစ်စုံတစ်ရာ နာမည် နေရာ အရပ်ဒေသ ( စသည် )တူပါကတိုက်ဆိုင်မှု့လို့သာမှတ်ယူစေလိုပါသည်။
