"ကိုကို ဆူးကို ရအောင် လိုက်ပါလား"
အလုပ်ခုံမှာ ရှုပ်နေသည့် အတ္တတယောက် နောက်ကနေ ပုခုံးကို ဖက်တွယ်လာတာ ဆိုလာသည့် ယုကိုကြောင့် အတ္တ သူမလက်တွေကို ကိုင်ကာ ခေါင်းစောင်းလှည့်ကြည့်လိုက်သည်
"ဘာလို့လဲခေးရဲ့"
"အဟွန်း ခေး တိမ်မဟာကို လိုချင်လို့"
အတ္တ သူမလက်တွေကို ဆွဲပြီး မျက်နှာချင်းဆိုင် ထိုင်စေလိုက်ကာ
"တိမ်မဟာကို လိုချင်ရင် ရအောင်ယူပေါ့ ဆူးမာယာနဲ့ ဘာဆိုင်လို့လဲ ခေး"
"ဆူးမာယာနဲ့ တိမ်မဟာနဲ့က ချစ်သူရည်းစားတွေ ကိုကို"
မျက်နှာကြီးစူပုပ်ကာ ပြောနေသည့် ယုကို ကြောင့် အတ္တတချက် စဉ်းစားသွားရသည် တခေါက် cafe ဆိုင်မှာ ဖြစ်သွားသည့် ဖြစ်ရပ်က တိုက်ဆိုင်မှု မဟုတ်ခဲ့ဘူးပေါ့
"နော်လို့"
"အော် အင်းအင်း"
အတွေးလွန်နေခဲ့ကာ သူမစကားကြောင့် အသိစိတ်ပြန်ကပ်ရင်း
"ဖြစ်ရမှာပေါ့ ခေးရဲ့"
ထို့နောက် ယုကို ကို ဆွဲဖက်လိုက်ကာ အနမ်းမိုတွေရွာချလိုက်လေနောက် သူတို့ ဦးတည်ချက်တွေက မွေ့ယာဆီ
........
ဆူးတယောက် ဒီနေ့မှ ဘားကို တယောက်ထဲ လာခဲ့မိသည် စိတ်တွေက ရှုပ်နေသည်မို့ ဘယ်သွားရမှန်းမသိသောကြောင့် ယောင်လည်လည်ဖြင့် ဘားကို ရောက်နေခြင်းပင်
သူမ ကော့တေးသောက်ပြီး ငေးနေစဉ် ဘေးနားလူတယောက် လာရပ်နေသလို ခံစားရသောကြောင့် ကြည့်လိုက်သောအခါ အတ္တ ဖြစ်နေလေသည်
"ဆူးမာယာ မတွေ့ကြာပြီးနော်"
ပြောပြောဆိုဆို သူမ ဘေးခုံမှ ဝင်လိုက်သောအခါ ဆူးတယောက်စိတ်ထပ်ရှုပ်သွားရလေသည်
စိတ်ရှုပ်လို့ တယောက်ထဲ လာပါတယ်ဆိုမှပဲ
"သူငယ်ချင်းကို မတွေ့ဘူးနော် တယောက်ထဲလား"
ခေါင်းတချက်ငြိမ့်ပြကာ မျက်ခုံးတွေ တွန့်ချိုးနေသည့် သူမကြောင့် အတ္တ ပြုံးမိသွားသည်
"ညီလေး ဒီကိုလဲ ကော့တေးတခွက်ပဲ ဆူးမှာ ဘာစိတ်ညစ်စရာတွေ ရှိလို့လဲ"
"မရှိပါဘူး"
"ကိုယ့်ကို ရင်ဖွင့်လို့ရတယ်နော် ကိုယ်တို့က မိတ်ဆွေတွေပဲမလား"
အင်းမလုပ်အဲမလုပ် ကော့တေးကိုပဲ သောက်နေသည့် သူမကြောင့် အတ္တ ရယ်ချင်လာရသည်
မင်းက ကိုယ်နဲ့ စကားမပြောချင်ဘူးပဲ
