• الاله الا الله
•🌟 اهم شي وكومنت 🤍
الجده غدير: ياويلي انتن للحين فيذا !
جيلان تجمع شعرها الكيرلي مجدله بعض الخصل ، بلوزة عاري النحر قصيرة وتنروه سماوي : طيب طيب داخلين بس اعدل شعري !
ضي بضحك ، فستان ابيض مخصر اكمام طويله قصير وكعب ابيض والشعر ويفي : وي جده وش فيتس الحين بنطلع !
قصيد جت ، جمبسوت الهبة والشعر استريت على ويفي : هلا هلا ياحي من جانا
هناي تقدمت تسلم عليها : الله يحييس
قصيد باعجاب : وش ذا الجمال !
هناي ببتسامه: تسلمين ياحبي
الجادل : يالله ندخل ؟
قصيد : اوه من ذي الحلوه ؟
الجادل: والله مالحلو غيرتس
دخلو وجلسو والبنات جب بعض ، هناي تراسل : اقولك مقدر اطلع اصبر الى ان تخلص العزيمه
عبدالرحمن : وش ذنبي طالعه بدون مااشوفتس !
هناي ببتسامه مخفيه : بلبيت يصير خير
عبدالرحمن ابتسم : اقولتس
هناي عرفت انه راح يقول شعر : اسلم
عبدالرحمن : هَا هُم يرونَكِ دُونَ جهدٍ بَالغٍ
يا ليتنِي كُلّ النّاظرينَ إليكِ
هناي احمر وجهها وصارت تهف على وجهها ، ضي بستغراب :بنت وش علامتس !
هناي تتصنع الابتسامه : لا لا مابه شي
ضي حطت يدها على وجهه هناي : حاره فيتس حراره ؟
هناي : لا لا
الود جت ، فستان موف قصير الى الفخذ وكعب اسود والشعر ويفي شنطه سودا مناكير بنك : السلام عليكم
الكل قام يسلم ، ام سليمان اعجبت بـ الجادل : الجادل ؟
الجادل لفت : سمي
ام سليمان :سم الله عدوس
الجادل: امين
ام سليمان : وين امتس ؟
ام محمد : بنتي وش بغيتي ؟
ام سليمان قربت وشاورتها : وش رايك ؟
ام محمد بفرح : مدري بشاور ابوها
الجادل همست لـ هناي بستغراب : ابك وش السالفه !
هناي كاتمه ضحكتها : ياغبيه راح تخطبس
الجادل وسعت عيونها بصدمه: ويش !
« الجهه الاخرى مجلس الرجال »
الجد منصور بضحك : ايه ايه عرفته
ابو محسن فاطس ضحك : يالله ههههههه
ابو تركي : يارجال
الجد منصور: اسلم
ابو تركي : خطبة ضي بنتي قريب والملكه بعدها كلكم معزومين
يوسف لف على محمد الي كان يهوجس : محمد !
محمد ببرود : لبيه
يوسف : سمعت وش قال عمي !!
محمد تكتف : ايه وش اسوي عاد البنت شافت نصيبها
يوسف ؛ انت تبي تجلطني !
الجد منصور بفرح : ومن بتاخذ ؟
ابو تركي : سعود بن مطلق
الجد منصور انقلب وجهه : ذا ارخمه والله ما ياخذ حفيدتي !
محمد بثقه: شفت
يوسف : وشلون دريت !
ابو تركي : يبه انا عطيت الرجال كلمه وخلاص تم الموضوع
الجد منصور بعصبيه : تكسر كلمتي !
ابو تركي : اسف يبه
الجد منصور صد : بصرك بس اذا سوى كيني ميني مالي دخل
يوسف : تم الموضوع
محمد بجمود : هي بتكون لي يعني بتكون لي وبتشوف عطني شاهي عطني بس
«فــي سيارة عبدالرحمن »
عبدالرحمن ببتسامه: يالله حيه
جيلان : الله يحييك
عبدالرحمن: الله الله جيلان وسمي الغالي معنا اليوم
جيلان : شفت ياحظكم
هناي : ياكبر حظوظنا قولي
عبدالرحمن: مانسيتو شي ؟
هناي : لا
جيلان : لا
عبدالرحمن: هجل مشينا
هناي ببتسامه : ممكن نمر البقاله ؟
عبدالرحمن: من عيوني ياعيني
هناي : تسلم عيونك
عبدالرحمن مد يده لها ومسك يدها من وراء، جيلان تحسن انها غلط بينهم
هناي : جيلان
جيلان : هلا
هناي كانت بتفك يدها من يده بس شد يده عليها : اح
جيلان: علامتس !
هناي طقت يده وقالت بهمس : ورع !
عبدالرحمن ببتسامه مخفيه : والله مالورع الا انتِ
منصور كان نايم : وش فيكم !
عبدالرحمن نزل : اقعدن بجيب الاغراض
هناي : بس انت ماتدري وشهن
عبدالرحمن لمح فستانها الاحمر وقال بحده : عبايتس !
هناي تتفقد : وش فيها !
جيلان : يقصد سكريها
هناي سكرتها : اها
عبدالرحمن: ايه شبغيتن ؟
«فـــي بيت ابو همام»
الريم تكلم الوصوف: مالي خلق اقوم من الشبريه
الوصوف : اقولج خلصي !
الريم قامت : برمسك اذ خلصت
الوصوف: ترا جاهز الريوق اترياج
الريم تمسح عيونها : ياخي للحين فيني رقاد
همام دخل وقعد على السرير : وايد يوعان !!
الريم مدت له مفتاح المطبخ : اقبظ لا تخبر امي
همام ببتسامه: احبج
دخلت ام همام : شنو تسوون !
همام خبى المفتاح : ماقانسوي شي
ام همام : يياين اهل ابوكم
الريم مسكت راسها : اخخ ياراسي
همام : الله يحيهم
« فــي الجهه الاخرى من الزيارة »
جُند : ياخي ترا مابه احد
انس : اصبري بس نروح نجيب الكوره
جُند : ياابن الحلال وش ذا الظلمه !
انس ركض : هاذي هي
جُند : ياولد !
خــالد جاء من وراء ظهرها : مين انتِ !
جُند انفجعت : يمه
خالد : انتي الي وش جابس فيذا
جُند بعجله : انس اخلص اخلص
خالد عرف صوتها وقال بغيره : منا الطريق هناك مجلس الرجال !
جُند مسكت يد انس : كنا بنركب السيارة بس ماشفت من الظلام
خالد طلع جواله وبدا يكشف وحطه على عيونها وسرح في عيونها الحاده وقاطع سرحانه صوتها العذب : خالد !
خالد حس انه يوصفه هاذا البيت من الشعر " قالت خالد وقلت عروق قلبي سمي " : سمي
جُند بخوف من الظلام ماانتبهت : يالله نروح لهم
خالد : يالله
« فــي قسم عبدالرحمن »
عبدالرحمن جالس عند التلفزيون يتابع مسلسل جات هناي وهي للحين بلفستان : هاه وش تبي عشاء ؟
عبدالرحمن لف وصار يطالعها من فوق الى تحت الاحمر اخذ قلبه من اقصاه ، ولا المناكير ولا العيون ولا وش يوصف ويخلي : اقربي
هناي نست انها للحين بلفستان وجلست جنبه وبعدت شعرها للجنب الثاني وهب عطرها وحس وده يخليها بصدره وجاء بخاطره شعر يوصف حالته : ريحته من كل زهرٍ منتقاه
و الزياده للخزامى و النفل صافيٍ مثل المطر فوق الصفاه باسمٍ مثل البشاير بالأمل
جامعٍ من كل زين منتهاه مستحيل الوصف في خلي سهل كايدٍ ما هو يلين لمن بغاه
يرتفع عن كل سقطات الزلل
هناي ببتسامه مدت يدها لوجهه برقه وباسة خده وتقابلت عيونهم ولكل احد منهم مشاعر ودها تتفجر : والله اني ابتليت بحبك واحلا ابتلاء
عبدالرحمن بهيام : بهاك اخذ قلبي وحبك اخذ قلبي وعروقه
«تحت في الصاله »
جيلان تهمز ارس ابوها : بابا
ابو عبدالرحمن: عيون ابوس
جيلان : اغني لك ؟
ابو عبدالرحمن: يالله اطربينا
جيلان : اشر لي بالمنديل آه وقال انا ماشي
فستانه كحلي طويل ياهوه في الدرب اهو ماشي
ابو عبدالرحمن : ياهوه
جيلان فطست : اشر لي بالمنديل آه وقال انا ماشي فستانه كحلي طويل ياهوه في الدرب اهو ماشي
ابو عبدالرحمن: ياهوه
جيلان : بالله على هونك ياه ياسيد كل الحي
محلى غزل عينك آه تكوي فؤادي كي
ابو عبدالرحمن : يالالا
جيلان باست راس ابوها وهي تضحك من كل قلبها : بايا احبك احبك
ابو عبدالرحمن مسك يدها وباسها : وانا احبس يابنتي
مشاري : الله الله اختي العزيزة تغني
جيلان : لا تكلمني زعلانه منك
مشاري جلس جنبها : وش فيها عنقودتنا ؟
جيلان : ماوديتني عند صاحباتي
مشاري : ذي الشله مستحيل اوديس بيتهم
ابو عبدالرحمن: ليش وش فيهم ؟
مشاري : حقين شيشـ** و عيـا***
أبو عبدالرحمن: لا لا ذول يابابا تبعدين عنهم
جيلان بزعل : ابشر
مشاري نغزها : نروح كوفي ؟
جيلان بفرح : جد ؟
مشاري تكتف : يالله روحي البسي عبايتس
جيلان : ناخذ معنا هناي ؟
مشاري: مدري عنس بس يمكن مشغوله
جيلان : طيب
« بعد مرور شهر»
هناي : قلت لس ماني رايحه مكان !
ام عبدالرحمن : انتِ تحسبيني بسكت على صراخك ذا !
هناي : انا بروح غرفتي راسي مصدع لو سمحتي !
ام عبد الرحمن شدتها من يدها ورجعتها لنفس المكان : شوفي ترا اقدر اطيح الي في بطنس واخلي في بالس اني اقدر بعد ازوج ولدي نجلاء
هناي : تخسين
ام عبدالرحمن كانت بتمد يدها على هناي بس مسكت يدها : تراني مو اصغر عيالس فاهمه !
ام عبدالرحمن: لا انتِ ناويه على نفسس !
هناي تجاهلتها ونزلت مع الدرج ، ام عبد الرحمن قبل تنزل راحت دفتها مع الدرج
ام عبدالرحمن بتمثيل صراخ : عبدالرحمن عبدالرحمن تعال تعال
عبدالرحمن طلع مخروش. :وش فيتس !
ام عبدالرحمن: زوجتك طاحت
عبدالرحمن بصدمه لف على الدرج وصرخ : هناي !!!
يوسف طلع على الصراخ : وش فيكم !
عبدالرحمن بحده وخوف : صد بشيل مرتي
يوسف نزل راسه : ابشر
عبدالرحمن يحاول يصحيها : هناي هناي !
ام عبدالرحمن: ياويلي خذها المستشفى
عبدالرحمن شاف الدم اخلاص حس انه راحت من يده هناي وولده : يمه يمه عبايتها
ام عبدالرحمن تضحك بخفوت ولف عليها عبدالرحمن: العبايه يمه !!!
ام عبدالرحمن : طيب طيب
«فــي محـِل الورد »
ضي : حلا حطيها هنا عادي
حلا : طيب
ضي : الريحه حلوه افف
حلا : مره
ضي : طيب بروح اشوف وش فيه نواقص وتجيس
حلا : تمام
ضي سمعت صوت الباب : اول زبون حماس
حلا : والله مليون
ضي : تفضل
عبد الكريم: ودي بوكس احمر
ضي : اوكيه نص ساعه وراح يكون جاهز
حلا : هاه ايش الطلب ؟
ضي : حطي بعدك عني
حلا : اوه طربانه ههههه
ضي ترقص خفيف : ابعدك عنــي !!
حلا بضحك : ياحلوك
ضي : انتي الي ياحلوس
حلا : يالله بجهز البوكس
ضي : انا بروح اجيب الورد
أنت تقرأ
اهوجــس وياخذنـي علـى بــابــك الهوجاس .
Romanceمُبهرتي الاولى ～ كُتبت بواسطِة : النِور ✍🏻
