.
«~ غرفة الحــريم ~»
الجده غدير: وين البني !
ام هناي : عند النياق
الجده غدير: انا ماقلت يسوون السحور !
ام محمد : سويناه يايمه خلاص
الجده غدير: خلهن يجن ياويلنهم مني !
ام محمد تحرك السحور : يستانسن اشوي خليهن
ام سليمان: ايه اشبك عليهم ؟
ام هناي ضحكت : صدق اشبك هههه !
الود قامت : وين البنات ؟
ام سليمان: عند الناقه
الود تكتفت : ليش ما قوموني !!
ام سليمان: انا قلت لهم شفتك تعبانه
الود : بطلع برا
ام سليمان: انتبهي ياماما
الود هزت راسها : ابشري
طلعت وكان ظلمه بس شافه ضواء خفيف ومشت ناحيته شافت رجل قاعد يرسم موج وغيوم عاتمه ماتعرف مين بس راحت له : مين انت ؟
مشاري طالعها : انتِ الي مين ؟
الود مهتمه بش اسمه رسم جلست جنبه : الله ترسم ؟
مشاري يطالعها بستغراب : ايه
الود ميلت راسها ؛ موج ؟ انت قد رحت البحر ؟!
مشاري هز راسه بلا : اذا رسمت موج يعني قد رحت ؟
الود ؛ طيب ليش ترسمه ؟
مشاري وهو يكمل الرسمه : الموج يشبه مشاعرنا مانقدر نتحكم فيها والبحر اصلن يعتبر علاج سحري ويكون ملاذ للكل خصوصاً يكون تحت ضغط ، نفس وهج الحياه ولكن أنا مثل البحر صدره يهيج وظاهره سَاكن .
الود : في كل مره كانت أدخل فيها البحـر كان عذب مالح لكن مافي مثل جماله .
مشاري ابتسم: شرايك تكملين الرسمه ؟
الود بفرح : صدق ؟!
مشاري عطاها الفرشه : اكيد
الود اخذتها : وش اسوي ؟
مشاري مسك يدها وصار يرسم ، الود : تجنن
مشاري :وش اسمتس ؟
الود رجعت شعرها ورا اذنها : الود
مشاري رفع حاجبه : اخت سلوم ؟
الود هزت راسها : ايوا
مشاري شتت انظاره : وش جايبتس ؟
الود : كنت ادور البنات ؟
مشاري : ليش وينهم !
الود : ماما تقول انهم عند الناقه
مشاري قام : هناك اكلابه
الود قامت معاه : يامامي الحمدلله اني مارحت
«~عــند البنات ~»
البنات كلهم يركضون لناحية البيت ، جُند كانت في المقدمه الا تحس انها صقعت في شي صلب وطاحت ونطقت بتالم : اح وش ذا !
ولفت على البنات شافتهم موقفين وقدامهم العيال ولفت للي ماد يده ومشغل الكشاف ، خالد حس انه عرفها : جُند ؟
جُند ستغربت وشلون عرف انها جُند من بين كل البنات وقامت بدون ماتمسك يده : ايه
تركي : وش جايبكم هنا في نص ذا اليول !
جُند ركضت لناحيته وحضنته : فيه اكلاب اكلاب وفيه كلب قاعد يشد عبايتي !
تركي حظنها وضحك : افا جُند تخاف من كلاب !
جُند : مايضحك !
عبدالرحمن يدور هناي بس مالقاها مع البنات : وين هناي !؟
ضي تتلفت : مدري كانت تركض معنا !
عبدالرحمن بدا الخوف يدب بقلبه وصار يركض ويناديها يسمع صوت ونين بس مايدري وينها وبدا الكل يدورها ، هناي تسمع ندا بس ماتقدر تتحرك بسبب قرصت العقرب وقالت بضعف : عبدالرحمن!
عبدالرحمن سمع صوتها واتجه لمكان الصوت : هناي !!
هناي : عبدالرحمن هنا !
عبدالرحمن شافها ماسكه رجلها : وش فيتس !!
هناي ماسكه العبره : رجلي تعورني
عبدالرحمن : ماتقدرين تمشين ؟
هناي : اقدر بس اشوي اذا مشيت عورتني
عبدالرحمن: اشيلتس ؟
هناي : لا عيب !
عبدالرحمن ضحك : انا زوجتس !
هناي عضت شفتها : بس بيضحكن علي !
عبدالرحمن شالها : لقيتها خلاص
هناي مغطيه وجهها بصدر عبدالرحمن واخذها للبيت ، دخلها ومكان في احد غيره هي وهو فقط : اشوف رجلتس ؟
هناي مدت رجلها وكشرت من لالم : يعور
عبدالرحمن مسك رجلها وبدا يشوف وش الي يعورها الا يشوف شي كانه تورم وعرف انها قرصة عقرب اخذ جواله ودق على الاسعاف : لا تخافين خلاص كل شي زين شي بسيط
دخلت جيلان بخوف : وش فيها ؟
عبدالرحمن : روحي جيبي ثلج
جيلان راحت ، هناي ببكى : دحوم يعور !!!
عبدالرحمن مسك ملامحها :جعل الي فيني فيتس ! قلتلتس كل شي تمام صح لا تبكين ؟!
جيلان جابت الثلج : هاك
عبدالرحمن وحط الثلج على رجلها الى ان جات الاسعاف وعالجت القرصة
«~ فـي حـِوش الرجال ~»
الجد منصور يكلم هناي : طابت رجلتس ؟
هناي : زينه الحين ياجد
الجد منصور: ليش مارحتو في الصباح زين !
هناي : كنا طفشانين
الجد منصور: مانتو طالعين مره ثانيه الا معاكم العيال مفهوم !
هناي : مفهوم ياجد
جُند : ياجد ترا هي راعية الفكره !
هناي ضربتها : كذابه ياجد !
الجد منصور ضحك : لا تضربينها !
يوسف همس لـ تركي : جدي يضحك معجزه !
الجد منصور بعصبيه : وراكم تتهامسون ؟
تركي : سلامتك ياجد
عبدالرحمن مد يده : خلاص ياجد ؟
الجد منصور عطاه الجوال : ايه خلاص
عبدالرحمن اخذ الجوال وقام عن الجلسه ، الجد منصور: وين رايح !
عبدالرحمن: جوالي بيفضي بروح اشحنه
محمد صب له من الشاهي : واضح
يوسف ضحك : يلعب على نفسه خله ههه
عبدالرحمن يكلم : تعورتس ؟
هناي : اشوي
عبدالرحمن ابتسم: الحمدلله
هناي : دحوم جده تهاوشني ماتهاوشهم
عبدالرحمن: ليش ؟
هناي : تقول اني انا الي طلعتهم !
عبدالرحمن: لا لا مايحق لها عطيني اكلمها !
هناي مدت الجوال لـجدتها : هلا ؟
عبدالرحمن: هلا بالغاليه
الجده غدير : هلا بحفيدي الغالي
عبدالرحمن : الله يخليتس لنا يالغاليه
الجده غدير: هجد زوجتك ذي مطلعتن البنات في نص ذا اليول !
عبدالرحمن: لا لا تضلمينها هي قالت بس ماتوقعت يوافقون اعرف زوجتي انا !
الجده غدير: الله الله تعال اخذ السحور بس !
عبدالرحمن: ابشري
هناي : هاوشتها ؟!
عبدالرحمن: ايه ماعليتس ههههه
« فـي الديره بعد مرور ٩ ايام »
الكل كان مترقب لـ التلفزيون بعد الفطور ، ولاغلب يدعي بكرا العيد ولاغلب العكس وهل الشهر ناقص او كامل كان هاذا السؤال يشغل كل السعوديه ، جُند : مره طولو !
الجده غدير: شكل بكره العيد
ام محمد : يارب بس للحين ما اعلنو
الجده غدير: اسكتو اسكتو بنسمع !
المعلق: غدا سيكون اول ايام عيد الفطر المبارك كل عامآ وانتم بخير .
الجده غدير ببتسامة: كل عام وانتو بخير .
جاهم منصور يركض : بكرا العيد !
هناي : درينا ياماما
الجده غدير: ياالله نجهز البيت تدرون كل الديرة العين يجون عندنا كل عيد وزينو الفناجيل ولبيالات ولتوزيعات خلاص !
ضي : ابشري ياجده
جُند : انا علي التوزيعات مالي دخل !
هناي : انا كنت بقول !!
جُند : راحت عليتس ههه
قصيد قامت : روح اسوي ماسك من تبغى ؟
هناي : مايحتاج بشرتي نظره
جيلان : واضح مره هههه
هناي : خير لا تتنمرين !
الجده غدير: من تجي تحنيني ؟
هناي : يعني مين بسحنيس غيري ؟!
الجده غدير: انا ادري انتس انتي اسنع وحده فيهن
هناي شمقت لهم : ادري يا جده
جُند : احلا من يشمق وه بس هههههه
هناي شمقت لها ثاني مره : اسكتييي بس !
قصيد تطل من الشباك : جوجو تعالي شوفي ههههه
جُند فزت راحت لها : يوه حالتهم صعبه ههههه
الجده غدير: انكن بتسون زيهم الحين
هناي بتشمات : ياالله روحو شغلو المويه
ام محمد ضحكت : يالشماته ههههههه
ام عبدالرحمن نطقت بحقد : توكم تدرون انها شماتهم وقليلة حياء.!
هناي تجاهلتها بس ردت الجده غدير: اقولتس تراها متربيه مليون مره مو مثل تربيتس لا تخليني اتكلم !
ام عبدالرحمن قامت وطلعت من الجلسه ، هناي ابتسمت لـ الجده غدير: ياجده الحين بتروح تعلم عبدالرحمن وبتزيد كلام !
الجده غدير: وهو يصدقها ؟
هناي ابتسمت وهي تحط حناء : لا مايصدق
الجده غدير بتسمت : هاذا العشم فيه ولد سالم
«~ فــي الحـوش الساعه ٣ ~»
الي يدور ثوبه والي يدور جزمته والي يشغل البخور والبعض راحو للمسجد ، خالد : ورع محمد قم !!
محمد انقلب للجهه الاخرى : طيب طيب
يوسف : ترا بعلم جدي !
محمد : بتنقلعون عن وجهي ولا وشلون !!
الجد منصور: ماقام !
محمد : بلحقكم ياجد !!
الجد منصور: اروحي القاك في المسجد فاهم !
محمد : وراكم وراكم
يوسف : ماينفع معك الاجدي
محمد طفى النور : لو ماتروح انت وهو والله كف !
«~ في غرفة الحريــم ~»
هناي لبست " فستان اسود وشعرها ويفي ومناكير احمر : هاه بنات حلو
جُند تركت فرشه البلشر : واو قمر قمر !!
هناي اخذت شعرها لـ الجهه لاخرى : صدق ؟!
قصيد : والله حلو
ضي جات " فستان علاقي بلون الاخضر الفاتح وشعرها استريت وطايح على وجهها : جده اروح ابخر مجلس الرجال اكيد مافي احد ؟
الجده غدير: ايه لانوار طافيه مابه احد !
ضي راحت للمجلس ومعها المبخره وفتحت الانور شافت شخص واضح توه قايم من النوم ، وسعت عيونها بصدمه وسقطت المبخره : يمه !
محمد رفع راسه بصدمه من الصوت الانثوي الي با كامـل جمالها الأنثوي ، وخرجت ركض من المجلس وهي مصدومه ، ذهبت الى الغرفه وذهبت وكان لم يحدث ، عند محمد الي متصنم من جمالها ومن صوت كعبها و والوحمه الي متوسطه كتفها ولا من شامة خدها ! ، هناي ضحكت على وجهها المخطوف : علامه وجهتس ؟!
ضي شمقت لها : مافيني شي !
قصيد " فستان بنك ومناكير بنك فاتح وشعرها ويفي وحاطته على الجنب ومنزله غرتها : واضح يابيبي هههه
جُند " فستان علاقي حرير شعرها استريت ومناكير ابيض : وجهتس مخطوف وانا اختس وش صار ههه ؟
الجادل ضحكت "فستان مخصر بني عاري الاكتاف ولاكمام طويله وشعرها ستريت وحاطه عليه لولو : صدق وش صارلتس ؟
ضي : بس زلقت
الجده غدير قامت : بخرتي المجلس ؟
ضي : ايه ياجده
الجده غدير: اخلصن الحريم في الصاله
ام محمد : ايه يابنات اخلصو
الجادل مسكت يده امها : هاذي ام حمودي اف اف وش ذا الجمال يبوي !
ام محمد استحت: انتي المزيونه والله
ام سليمان تلبس الكعب : ورا ماتورين ولدي ذا الزين !!؟
الجادل استحيت ورجعت شعرها ورا اذنها : خاله !!
الود " جمبسوت ازرق وشعرها ويفي بلكامل مناكير بنك : اوه امي حجرت لك ههههه
جيلان "فستان اخضر وشعرها رافعته ذيل حصان ومناكير ابيض : شفيكم على جادلي !!
« فــي مجلس الرجال »
المجلس كان مليان بلرجال والاطفال ورقص بسيوف ، عبدالرحمن: محمد عطني السيف !
محمد عطاه السِـيف وبدو يلعبون ، الجد منصور يحب عرض عبدالرحمن لانه يشبهه بشبابه: عاش ولد سالم !
عبدالرحمن ابتسم : تسلم ياجد
محمد ضحك : جدي مبسوط اليوم
عبدالرحمن اخذ السِـيف لليد لاخرى : مره هههه
تركي ويوسف وخالد ومشاري اخذو سيوف وبدو يعرضون وكان المـِنظر مهيب ابو عبدالرحمن : ونعم والله في ال منصور
قام الجد منصور بيكمل معاهم واخذ سيف بس ماقدر يشيله بلكـَامل تقدم عبدالرحمن ومسك معاه السيف : يعيش منصور العز
مشاري ضحك : صدق انها عز
محمد رفع السـِيف وهزه وصار يعرض باتقان
«~ فــي صالــَة الحريـم ~»
ضي سرحت في الشباك ، الجده غدير: ياضي علامتس ضيفي الحريم !
ضي لفت : ابشري
هناي تهمس لـ جُند : اختس فيها شي
غزيل "فستان اصفر الى الفخذ عاري الاكتاف : انا ملاحظه مره سرحانه
جُند : شغلها عندي اصبري بس اخلي العيد يخلص
هناي غمزت لها : وش بتسوين ؟
الحرمه جات تسلم ووقفت هناي تسلم : السلام
الحرمه : وعليكم السلامه يابنيتي من العايدين
هناي ابتسمت : من السالمين والغانمين
الحرمه طالعت هناي من فوق الى تحت : يبنتي محجوزه ؟
الجده غدير ضحكت : وش الي محجوزه يا ظبية البنت متزوجه هههه
ظيبه انحرجه : اسفه يابنيتي
هناي : لا ماعليتس بعدين بنتس مامن احراج
ظبيه جلست : ياحلوها جمال واسلوب
منصور ركض لها وهمس في اذنها : عبدالرحمن يبيتس
هناي : وين ؟
منصور : في المجلس الي ورا
هناي قامت وهي تمسك يد نايا الي بدت تمشي اشوي و سعود للحين وراحت للمجلس وحلست تنتظره دخل : يالبيه وش ذا المزه !
هناي وقفت وتقدمت تسلم : من العايدن !
عبدالرحمن ابتسم وحظنها : كل عام وانتِ بحظني وفي بيتي وفي قلبي يارب
هناي بادلته : امين ياروحي
عبدالرحمن باس راسها ووخرها عن حظنه : وش ذا الزين !!
هناي : اعرف !
عبدالرحمن : وقسم با الله انتس كتله من الكبرياء والنرجسيه هههه !
هناي : تعال اصب لك قهوه ؟
عبدالرحمن غمز : واحلا قهوه
-
اتمنى تنال اعجابكم ، لا تنسون النجمه والتعليق رايكم يهمني جدآ 💙 .
أنت تقرأ
اهوجــس وياخذنـي علـى بــابــك الهوجاس .
Romanceمُبهرتي الاولى ～ كُتبت بواسطِة : النِور ✍🏻
