اهوجــس وياخذنـي علـى بــابــك الهوجاس .

Pary 17

-

« فــي مدرسة الثـنوية للبنات»
الفصل ازعاج بمعنى الكلمه وتصفيق وهوشه وطبعآ الاستاذه غايبه ، قصيد : وربي طفش !
غند : وش رايكم نهرب ؟
سلوى : انتِ فاضيه تعهد وبعدين حنى على وجه تخرج ؟
جُند قامت: بنات بروح اشتري فيه احد يبي ؟
سلوى تطلع فلوسها وكانت بتقول الطلب بس قاطعتها جُند ببتسامه وهي تحفظ بسرعه : كروسان و شكلاته ومويه
سلوى ابتسمت غصب وبانت غمازتها الي بوسط ذقنها : عليتس نور
جُند طقت الصدر : غنوده علي
غند ارسلت لها بوسه وهي مره تحب جُند لانها تعرف ظروها : احبتس
جُند غمزت ؛ احبك ذي وفريها لـ الي خبري خبرتس ههههه
غند احمرت ملامحها " مخطوبه رغم صغر سنها والزواج بعد سنه بس بينهم تواصل" : بنت !
قصيد ضربت كفها بكف جُند : حلوه ههههه
جُند لفت على قصيد : طبعآ حليب فروله كلعاده ياخي غيري !
قصيد : وش اسوي احبه !
راحت جُند تشتري وقعدو البنات يساولفون ، جت مرح : اهلآ بنات اشتقتو لي صح
غند : مره ليش غايبه اسبوع خير !!
مرح طالعت قصيد من فوق الى تحت : من الجديده بشلتنا ذي ؟
جُند دخلت ومعها كل الاغراض بكرتون : قصيد
مرح : اسم جديد حلو
قصيد : لا مو مره جديد ترا اغلب الرياض اساميهم نفس اسمي شدعوه ؟
مرح جلست مكان جُند الي جنب قصيد : ماعندنا حصه بنشب لكم
جُند : ياخي بنشوفس في الفسحه قومي !
غند : صدق بعدين الراقبه ناشبه لتس مدري ليش ؟
قصيد : صدق مره بروح الحمام فتشتني وش باخذ يعني خير
«فـــي بيت ابو عبدالرحمن ٨ ص»
ابو عبدالرحمن: رتبتو اغراض الكشته ؟
هناي : ايه بس باقي هاذا الحاجز الي بين الحريم والرجال بس مدري وش اسمه نسيت
ابو عبدالرحمن ضحك على وصفها : عرفته يابنتي عرفته
عبدالرحمن: خلصنا يبه بس باقي ننتظر مشاري ترا طول المفروض نقومه
مشاري يفرك عيونه: قمت قمت لحول انت في راسك حرش!
هناي تعدل جلالها : خلاص خله علامك صاير نشبه
عبدالرحمن رفع حاجبه بتهديد ، هناي صايره تفهمه ومره: خلاص سكتنا
جيلان : بابا باقي ترا نشتري غازيات
ابو عبدالرحمن : والله اني داري ارسلت يرسف يجيب ونمشي وبعدين وين امتس ؟
هناي كشرت من سمعت طاريها ما عاد تطيقها من بعد ماطيحتها وصايره تتجنبها ، جيلان ؛ تجهز اغرضه
مشاري : خلصت هاه يالله بنروح الحين يعني
عبدالرحمن قام لناحيته وضرب كتفه : اقصر صوتك !
هناي ملاحظه مزاجه من بعد مكالمته مع عقاب ، مشاري: ابشر
«فــي غرفة الود »
نايمه وكل اشوي امها تقومها عشان تتجهز للكشته طبعآ ام محمد ماقصرت اعزمت كل الي يعزون عليها : ياماما ود قومي !
الود يالله تصحص : يالله يالله
ام سليمان: قومي ياامي انتِ بروح اقوم اخوك
الود هزت ارسها وقامت تاخذ شور وبعد دقايق اخرجت وجففت شعرها الي اخر كتفها وكثير ، واتجهت لناحية الدولاب واخذت جنز وبلوزه بيضاء ساده ، بعد ماخلصت البست عبايتها البنك وتحجبت ونزلت تحت ولقت اخوها يفطر بروقان عرفت انه مكلم الجادل لان اول مره يقوم وهو مروق ، سليمان : هلا اهلا باختي الحلوه الجميله المزه
الود ضحكت وهي تتوجه لناحية طاولة الطعام : خل هاذا الكلام لـ الجادل
أم سليمان: يازينها زيناه
الود : والله ما الومك تجنن قسم انها عسل
سليمان بمزح : متى الزواج اعجلو !
ام سليمان: ايه بكره ههههه
الود ضحكت غصب: عاد وده هههه
أم سليمان: يالله اعجلو عشان مانتاخر وبعد نستاذن لـ اختكم
سليمان تكتف : انا قلت لها تغيب بس ماتسمع احسن
ام سليمان: على كيفك عليها اختبار
الود : وتعرف مستحيل تفوت يوم تغيب في الا الخميس ولاحد ماخذته اجازه غريبه ذا الخميس ماغابت صدق ؟
سليمان: ايه انا وش قولك من صبح ؟
الود : معليش تعرف اني فاهيه
سليمان اخذ التميسه حقتها : ايه كملي
الود كشرت لثواني : خير !
ام سليمان طالعت ساعتها : يالله تاخرنـا
« فــي بيت ابو محمد »
محمد يعاتبه : ليش ماتقولي على الاقل !
خالد : ياخي ترا قرصت عقرب
محمد : ذا العقرب بيوديك في القبر خير !
ام محمد تمسح على خالد : بسم الله على ولدي !
ابو محمد : تراه صادق كان خبرتنا على الاقل
الجادل: صدق عيب والله عيب
خالد : والله اني ماني بزر
الجادل ضحكت :واضح
خالد : واضح في ارسس حرش ؟
محمد : اقول اقعد بس للحين ماخلصت كلامي !
خالد طفش من النقاش : خلاص اسفين سيد محمد
محمد بعصبيه : يبه بروح اركب الاغراض
ابو محمد هز ارسه : طيب
الجادل: شفت عصب يعيه منك
خالد حطها تحت ذراعه : قسم بالله اذا ما فكيتيني منس بـ
محمد صرخ : وش بتسوي
خالد قمط : بحب راستس
«فـــي الكشِــته »
شبت النار والكل متدفي من البرد ، هناي تلحف عيالها من البرد : برد مره
الجادل: مو مره الا مليون
ام محمد زادت حطب وبدو يدفون اشوي اشوي وبدت السوالف تغطي المكان ، جُند : جبت شي حصري
هناي : وشهو ؟
جُند : توقعو يالله اتحداكم؟
ضي : لعبه ؟
جُند : لا لا
قصيد : عود ؟
جُند طلعته : صح بس مااعرف له
هناي : اشوف
جُند : هاتس
هناي مسكته : وش تبون اعزف ؟
جُند بذهول: تعرفين ؟
هناي هزت راسها ؛ عندي عازف عود وتبغيني ما اتعلم ؟
جيلان : بغني يالله
قصيد : والله حماس !
هناي : اغنيه جيت بسكن قصر حبك
جيلان ببتسامه عدلت جلستها : من حظك اني حافظتها
هناي بدت : يالله
جيلان بدت تتمايل مع الدقه: جيت أسكن قصر حبك وأتربع عرش قلبك وأتمكن قبلهم
حاوطوا سور المدينة وحبسوا
قلبي رهينة ما كفوني شرهم
كبلوني بالسلاسل ومنعوا قلبي
يواصل باتحرر منهم
ولكل مندمج ويصفق ، قصيد : مشاالله صوتك يجنن
جيلان : تسلمين
هناي ببتسامه: بنات من صورت ؟
الجادل ببتسامه : عندي الحين برسله
هناي ضحكت: يافاهمني ههههه
« فــي الجهه الاخرى »
عبدالرحمن متلثم من البرد وكان مشاري يسولف عليه واقبل عليه منصور يحظنه صاير يحس انه ولده مو اخو زوجته : يامرحبا صدق ارحب
منصور بحماس : تدري تدري ان كان معي حلاو واكلته كله
عبدالرحمن: مشاالله كان عطيتني كنت جوعان
منصور طلع من جيبه حلاو مخبيه : لا تعلم تركي
عبدالرحمن ضحك غصب : لهدرجه يخوف ههه
تركي قام يطلق رجليه بس حس انه فيه كائن جي تحته ونزل عيونه تحت ولا يشوف رجل : اخو ضي !
قصيد فزت بخوف : يمه !
تركي : وش تسوين هنا برد ؟!
قصيد تمسح على رجلها : افكر
تركي ضحك : تفكرين بعيالك يعين ؟
قصيد بذهول : وش تقول انت ؟!
تركي جلس : امزح امزح صدق وش تفكرين فيه ؟
«فـي الطرف الاخر »
سليمان مسك يدها : اكلمك اليوم ماتردين. فيك شي ؟
الجادل ابعدت خصلات شعرها : لا بس حبيت اتغلى
سليمان : على كيفك !
الجادل: اكيد على كيفي
سليمان مسك خدها : كف ترا كف
الجادل كشرت لثواني : يعور ترا !
يوسف درعم : قفطتكم !
سليمان: الله يخرشك ورع !
يوسف وسع عيونه : انا ورع ياوغد ؟
سليمان: كانه يسبني !
يوسف : ايه اسبك عندك شي !؟
سليمان قرب : ايه اني بكسر ضلوعك !
الجادل بعصبيه : والله والله اعلم محمد عليكم ترا !
يوسف : تعلمين علي اعلم عليتس
الجادل تكتفت : يالله روح علم !
منصور: وش فيكم ؟
الجادل حست بيد سليمان على ظهرها : ولا شي
منصور بستغراب: ورا وجهتس احمر !
الجادل شالت يده : مافي شي نروح الخيمه
سليمان : لا والله ماتروحون !
منصور : ليش ؟
سليمان طلع من جيبه فلوس : هاك عشرة ريال روح اشتر من البقالة الي تبي
منصور بفرحة : صدق
الجادل وسعت عيونها بصدمه: خير !
سليمان هز ارسه : ايه
منصور راح يركض يقول لـ تركي ، سليمان اخذها فحضنه : وش الي خير ترا ابوك الي سامح لي ماخذ الاذن
الجادل : حتى ولاو !
سليمان حط يده على خصرها : وش الي حتى ولو !
الجادل احمرت ملامحها : يعني مايصلح
« فــي جهة الحريم »
هناي ببتسامه تكلم غزيل: تقفين من زمان عنك
غزيل ضحكت : وش الي من زمان عندي ترا الاسبوع الي راح شفتس
هناي عدلت جلستها : حتى مااقدر كان جيتي معنا !
غزيل : كان ودي بس ماقدرت تدرين عرس اختي قريب مره اذا الاسبوع ومره مشغولين
هناي بفرح :الله يوفقها انشاء الله
غزيل : امين يارب
هناي : احس بشعور غريب ان رمضان على الابواب
غزيل ضحكت: حسبت لحالي هاذا وهو باقي له اسبوعين
« فـي بيت علي وميلا »
ميلا : تعال اطبخ انتِ مالي خلق
علي ؛ اوه الحلو زعلان !
ميلا صدت : لا تكلمني !
علي جلس ومسك يدها : افا صدق وش سويت ؟
ميلا لمعت عيونها : غايب ثلاث ايام ولا تدق وش تسميه هاذا ؟
علي : تعرفين اني كنت مسافر واليوم جيت يابعد الدنيا انتِ اسف لا تبكين
ميلا مسحت دمعتها الي تمردت على خدها : مالك حق ماتدق ترا
علي حظنها : نسيت الانسان ماينسى
ميلا ابعدت ؛ ترا كنت محاربة سرطان لا تحسب اني مقدر احاربك انت بعد
علي ضحك : ايه يصير خير
ميلا ببتسامه: تراني صادقه
علي : تتعشين ولا بتنامين ؟
ميلا انسدحت: مالي خلق اطبخ اطلب من ماك
علي جلس جنبها : ايس كريم ؟
ميلا فزت بحماس : جوي
علي سحبها لحظنه : انتِ الي جوي
ميلا باست خده : يالله اطلب
علي مسك قلبه ؛ اخخ ياقلبي بس
ميلا عدلت جلستها : علي
علي : قلب علي
ميلا : بكره الي جايين
علي : طيب ؟
ميلا بحيره : وش اسوي
علي : اول مره يجون يعني ؟!
ميلا : ادري مو اول مره بس
علي تنهد : مها بنتجي ؟
ميلا تضيع الموضوع : ايه بس مو عشانها
علي : الا عشانها يابنت والله ماهتميت لها ولا طقيت لها خبر
ميلا : اعرف بس
علي قام يجيب اطلب : لا بس ولا شي انا مكتفي فيك وبس
« فــي شقة عقاب »
قام وماله خلق شي على صوت الجرس : دقيقه
عبدالرحمن: عقوبي !
عقاب : لا السكني
مشاري طل : اهلا ياحبيبي
عقاب مسك راسه : لا كملت
خالد : لا لا للحين ماكملت
محمد ضحك : لا جد الحين كملت ههههه
عقاب : ادخلو ادخلو
خالد راح للمطبخ : عقاب وين الشاهي ؟
عقاب: دوره وتلقاه
عبدالرحمن: وش اخبارك ؟
عقاب تربع : زين وانا كل يوم مقابلك مرتز في المكتب
عبدالرحمن ضحك : لهدرجه شاب عليك ؟
عقاب شم ريحة حطب: وين كنتو ؟
مشاري: كلعاده في البر
عقاب : والله اني مشتهي حطب
خالد صرخ : تتحوم ؟
عقاب ضحك : اتوحم عليك
خالد : اوه يا انه راح يطلع مزيون
محمد : خله خله مافهما
عقاب انسدح على رجل عبدالرحمن : برقد ياناس !!
مشاري : يعيال بلوت ؟
خالد : جوييي !
«فــي قسم عبدالرحمن »
قام على صوت هناي وهي تنوم سعود غفوته وقال لـ هناي تجهز ثوبه دخل الحمام اكرمكم الله ولبس وحط عطر وجات هناي تبخره ، عبدالرحمن ببتسامه: تبخريني معرس
هناي ضربت صدره : في احلام اليقظه
عبدالرحمن : اسمعي
هناي جلست على السرير : كلي اذان صاغيه
عبدالرحمن تنهد : بسافر
هناي اختفت ابتسامتها : كم يوم ؟
عبدالرحمن: يومين او ثلاثه مدري على حسب الشغل
هناي راحت لـ سعود تهزه وهو من الاساس نايم : ترجع بسلامه
عبدالرحمن حس بزعلها : يابنتي والله صار سريع سريع نسيت اعلمتس
هناي وعيونها تلمع معلنه البكاء: طيب ماقلت شي انا !
عبدالرحمن ماغفلت عن عينه لمعت عيونها : عيونتس تقول !
هناي نزلت دمعتها : لا تروح !
عبدالرحمن مسح دمعتها : يابنتي تحسسيني راح اموت هناك ؟!
هناي : بسم الله عليك لا تقول ذا الكلام !
عبدالرحمن باس راسها : لا تصيحين طيب طالبس
هناي : بشتاق لك
عبدالرحمن: يخسى الشوق كل دقيقه داق عليتس
هناي ضحكت من مزحه وانه يبغى يغير جوها لو قليل : وعد ؟
عبدالرحمن : وعد
« فــي شركة من الشركات المعروفة »
جيلان : خلاص علمتس كل الخطوات
البنت : مشكوره ياروحي انتِ
جيلان ابتسمت: الله يسلمك حبيبتي
اتجهت لـ مكتبها تستريح بعد دوام طويل جلست على الكرسي ورجعت راسها لورا بتعب : ياالله
دخل هذام بلملفات : السلام ..
عدلت جلستها بخرشه : يمه طق الباب !
هذام كتم ضحكته : ابشري
جيلان: وش بغيت ؟
هذام حط الارواق ؛ ابغاكِ توقعين عليها
جيلان اخذت الاوراق تقراها : طيب
هذام : خلصتي ؟
جيلان: توني
هذام : انتظر
جيلان حطت رجل على رجل ؛ اوك
• بعد دقايق •
هذام بطفش : اخلصي تاخرت
جيلان اخذت القلم ببرود ووقعت : خلاص خلصت تقدر تروح
هذام بحده : لا با الله !
-
رايكم بـ البارت يهمني ، لا نتسون النجمه ❤️‍🔥!