اهوجــس وياخذنـي علـى بــابــك الهوجاس .

Part 27

_

هذام ركض اتجهه ولف يده ونطق بحده : وش مسوي يالخسيس !
سالم كشر بالم : ماسويت شي !
هذام لف عليها : وش مسوي !!
جيلان ويدها ترجف: يتحرش !
هذام طالع فيه وشد على يده : هاذا الي ماسوى شي !
سالم بالم : كذابه
جيلان تقدمت اتجهه بغضب ورفست رجله وطاح : تكذبني عيني عينك !
هذام طلع جواله ودق على الشرطه ، وجاء المدير على صوت الصراخ : وش فيكم !
هذام لف على جيلان : اي يد ؟
جيلان استغربت: اليمين
هذام هز راسه ودعس يد سالم برجله : عشان مره ثانيه ماتتعرض لبنات الناس !
المدير مايدري وش السالفه : هذام !
هذام سمع صوت سيارات الشرطه ونطق بحده : تسمع مستقبلك كله بيكون هناك وانشاء الله تخيس عندهم!
دخل رجل الشرطه واخذ سالم الي يحلف ويصراخ انه ما سوى شي ، لف على جيلان : انتِ تمام ؟
جيلان تحس كتمه : ايه تمام ! بروح لغرفتي
لحقها هذام يحس فيها شي وما حسب حساب انها بتفك النقاب وتحط الطرحه على اكتافها وتنثر شعرها الكيرلي ، وصد انظاره عنها يفك الجزء من الثوب المحيط بالعنق بتوتر حس الدم توقف في جسمه .
«~ فــِي الفنــِدق ~»
يتابعون فلم وفشار وحلويات مندمجين مع الفلم، الجادل لفت عليه : سلوم !
سليمان مركز مع الفلم : لبيه
الجادل : جوعان ؟
سليمان لف : لا ليش ؟
الجادل تكتفت ورجعت تتابع : طيب
سليمان: انتِ جوعانه ؟
الجادل: لا
سليمان: اكيد ؟
الجادل: اكيد
سليمان: والله اني شاك تبين طيب اندومي ؟
الجادل فزت ؛ فيه ؟
سليمان اخذ جوال : كان قلتي انتس جوعانه !!
الجادل: ياخي استحيت
سليمان ضحك : ليش !!
الجادل: انت مو جوعان اكل مع من ؟
سليمان ابتسم بهدوء: اكل معتس ولا همتس
الجادل حاست شعره : شاطر
سليمان: باستا ولا ستيك ؟
الجادل: كلهم
سليمان ابتسم: تم
الجادل تلعب بيدها : فيه فرايز ؟
سليمان: فيه فيه
الجادل رجعت ظهرها على وراء تكمل فلم ومدت يدها له : تعال
سليمان ابتسم ومسك يدها وباسها وجلس وحاوطها وحس انها تطلع شي من وراء ظهرها : لا لا لا !
الجادل هزت راسها بنعم بخبث : الا الا الا
سليمان انحاش وركضت وراه ترش عليه بمسدس المويه وقفل على نفسه الغرفه ، الجادل كشرت : سلومم !!
سليمان جلس على السرير : ماني فاتح احلمي !
الجادل تنهدت : يهون عليك اتخليني هنا لحالي !
سليمان : مايهون بس لظروف احكام
الجادل ؛خلاص مارح رش مويه اطلع
سليمان: كذابه
الجادل: والله
«~ فــي قصر عبدالرحمن ~»
دخل القصر وهو كله تعب من كثر الشغل دخل للغرفه واتجهه للحمام ياخذ شور يصحصه ، طلع بعد فتره من الزمن واخذ غفوه بسيطه وقام على صوت نايا الي جنبه : وش تسوين ؟
نايا : مامي تقول خلاث نوم !
هناي ترتب التسريحه : ياالله قوم !
عبدالرحمن ابتسم ؛ عندكم شي وشهو ؟
هناي راحت لناحيته : وش رايك ؟
عبدالرحمن طالع شعرها الي قاصته الى اكتافها ومدرج ومسويه غره وصابغته : حلو بس الطويل احلا
هناي: دحوم بتخليني اتحسف !
سعود حظن هناي : ماما هلوه !
هناي : ياربي اكلك !!
عبدالرحمن قام وباس راسها: حلوه بكل حالاتس قصير طويل بنظري حلوه!
هناي : طيب احبك !
عبدالرحمن ابتسم: ابيك ماضي وحاضر و مستقبل ليتس تدرين وش كثر احبتس !
هناي حظتنه وتنهدت من كبر الشعور الحلو الي تحسه : لو بغيت الروح هي من نصيبك وان بغيت العين ترا انت نظرها
عبدالرحمن باس عنقها وفكها : القلب لا شاف حكيك طابت اوعاجه صدق !
«~ فــي المدينه المنوره ~»
محمد : خلصنا
عادل : الحمدلله
محمد : بتقعد هنا ؟
عادل : لا بمشي الرياض تخاوي ؟
محمد : ياولد مالي غيرك مشينا
عادل اتجه لسياره وشغلها وركب جنبه ، محمد : وقف عند البقاله
عادل : ليش ؟
محمد: واضح انك مو حق سفر
عادل وقف عند البقاله : انزل انزل بس !
محمد ضحك ونزل للبقاله وشال الي يحتاجونه ورجع وحط الاكياس وراء : ياالله
عادل : حمود
محمد يفتح العصير : سم
عادل : الحين انت تحب ؟
محمد طالعه بصمت ونتهد : لا
عادل هز راسه : ليش ؟
محمد ضحك بحرقه : وش الي ليش ؟
عادل : خلاص خلاص
محمد : وش الي في جوفك قل
عادل : لا خلاص
محمد هز راسه : شغل لنا شي
عادل حط اغنيه انسان اكثر ، محمد بدت عنده الهواجيس لو كانت الحين زوجته لو كانت بين احظانه ، عادل طق اصبعه : يوه يالهواجيس !
محمد كشر : اهوجس وتسال ليش؟! قومني معك يامزعج !
عادل ضحك : وراك عصبت !
محمد رجع راسه وغمض : مانيب معصب برقد !
عادل : سولف معي اخاف تصدم !
محمد : عادلوه سق وانت ساكت !
عادل كتم ضحكته : ابشر
«~ فــي المركز الطبي للاسنان ~»
دخلت بنت و لفت السكرتيرة عليها : اهلا عندك موعد ؟
دُرر ميلت راسها: هاذا مو مكتب بابا ؟
يوسف رفع راسه : من بنته انتِ ؟
دُرر : اقولك مارح تجلسني ؟
يوسف ابتسم بسخريه : لا لا تفضلي
دُرر جلست : هاذا مكتب بابا انا ماتاكده !
يوسف : لا مو مكتب بابا !
دُرر : طيب تعرف وين مكتبه ؟
يوسف : ياادميه وش اسم ابوتس ؟
دُرر : اسمه عبدالوهاب
يوسف ضحك : انتِ بنت المدير ؟
دُرر : ايوا
يوسف : مكتبه فوق
دُرر قامت : يعني مو هاذا ؟
يوسف : انا جالس فيه متوقعه انه لبباكي ؟
دُرر : طيب لا تعصب !
يوسف : تبين ادلتس على مكتبه ؟
دُرر قامت : اذا مافيه تعب ؟
يوسف تنهد وهمس : عشان الترقيه
السكرتيره : اقدر اخذها انا !
يوسف : لا لا عادي
دُرر طلت مع الباب : يالله !
يوسف : لا ذي تتشرط
ركبو الاصنصير ولفت عليه : انت وش اسمك
يوسف : قبل اشوي طالعه من مكتبي وما تدرين وش اسمي !
دُرر : ماركزت
يوسف تنهد : يوسف
دُرر كشرت ؛وانا دُرر
يوسف : عاشت الاسامي
دُرر : الله يسلمك
يوسف اتجه لمكتاب المدير وهي وراه : هاذا هو
دُرر دقت الباب وسمح لها بدخلون ، عبدالوهاب: ياهلا ياهلا
دُرر اتجهت له تحظنه : اشتقت لك !!
عبدالوهاب : من دلك على المكتب
دُرر تحاول تتذكر الاسم ؛ اتوقع اسمه يوسف ؟
عبدالوهاب : يوسف عاد اكثر واحد شغله كىيس بعيادتي
دُرر : بس مره نفسيه !
عبدالوهاب ضحك : هو كذا مع الي مايعرفهم بس انه رجال
دُرر : ماعجبني !
عبدالوهاب ضحك : نخطبه لك ؟
دُرر كشرت : !No impossible
عبدالوهاب دق على يوسف ، دُرر وسعت عيونها : بابا لا يجي !
عبدالوهاب : الا ابي اشكره عشان وصلك يابابا !
دُرر تكتفت وصدت عنه ، طق الباب  بعد مااذن له عبدالوهاب يدخل ونطق يوسف :السلام
عبدالوهاب اشر له يجلس : وعليكم السلام تفضل يا يوسف
يوسف جلس قدام دُرر الي صاده : بغيتني بشي ؟
عبدالوهاب: لا مب حبيت اشكرك انك وصلت بنتي دُرر
يوسف : شدعوه عادي لو بنت غيرها وصلتها
عبدالوهاب ابتسم: هاذا العشم فيك
«~ فــِي قصر عبدالرحمن ~»
جيلان : كذابه !
جُند تاكل فشار : والله هي تقول راح ترجع بكره بس لـ جده !
ضي : اكيد بيتها هناك
هناي : صح
جُند : بنات نتائج القبول راح تنزل !
هناي : احلفي !
جُند تدق على قصيد : والله دقيقه ادق على الفاهيه !
هناي نطت جنبها : بسرعه بشوف !
جُند : قصود !
قصيد نايمه ؛ نعم !
جُند : قومي نايمه !
قصيد: صوتي فيه نوم وش تتوقعين ؟!
جُند : اص اص نتائج القبول نزلت !
قصيد فزت تجلس : كذابه
جُند : والله والله اخلصي نفتح مع بعض !
قصيد دخلت : بشوف الحين
جُند دخلت وطلعت الرغبة الاولى التمريض وصرخت بفرحه : تمريض تمريض !!
هناي صرخت : مبروك ياروحي !
جُند : قصيد وش طلع ؟
قصيد صرخت : توقعييي !!
جُند : اخلصييي !!
قصيد: حقوق !
جيلان : مبروك ياروحي انتِ
قصيد: الله يبارك فيك ياروحي انتِ
ضي: خلاص يعني مافي خيول ؟
قصيد: مستحيل
هناي: ايه ذكرتيني عبدالرحمن عنده خيل اسمه الكسار
قصيد: باين من اسمُ يخوف
هناي : انا بنسبه لي يخوف عشاني مو متعوده عليه
قصيد : جربي تركبين ؟
هناي : لا لا اخاف
قصيد : جوجو !
جُند : عيوني ؟!
قصيد ؛ تدرين ود مسافره عندك في الرياض!
جُند : ليش ؟
قصيد: مدري عنها تقول يوم وراح ارجع
«~ فــي معرض الرسم ~»
دخلت المعرض واول مره تدخل معرض فخامة الرسمات وفخامة الديكور والناس الملتمين حول الرسمات ، تقدمت لشخص يشتغل وطلعت الجوال تفتح الرساله وقال لها تلحقه وفتح لها الباب ودخلت : ميم ؟
مشاري ابتسم من سمع حسها : هنا
الود : لوحدك ؟
مشاري ؛ ايه
الود جلست : وينك مختفي ؟
مشاري وزع انظاره على المعرض : شوفت عينتس اجهز المعرض
الود وسعت عيونها بعدم تصديق : كداب !
مشاري: ايه انا مسويه
الود : مره يجنن !
مشاري : وش اكثر شي اعجبتس ؟
الود بتفكير : احس الرسمات !
مشاري : وش بعد
الود : ايه و الديكور مره حيلو !
مشاري لف على لوحه امامهم : مالفتس شي غريب في الغرفه ؟
الود هزت ارسها ؛ انها كلها لوح غريبه ؟!
مشاري لف ارسها للوحه : وش رايتس ؟
الود ميلت راسها ؛ احسها مو غريبه علي ؟
مشاري: فقدتي الذاكره ؟
الود دققت فيها : هاذي لوحتي ؟
مشاري ضحك ؛ الحمدلله رجعت الذاكره !؟
الود لفت عليه ونطقت بحماس : كيوت مره بس مع عرفتها با لاول !
مشاري: معدل عليها بعض التعديلات
الود : ما كنت ادري انك مبدع هلقد
مشاري: وجهي ما يهيى اني بكون مبدع ؟
الود لفت عليه : وش دخل وجهك الحين !
مشاري ضحك وطلع من جيبه سلسلة لولو : سويتها لتس لما كنا في جده بس ما سمح لي الوقت اعطيتس
الود اخذتها تتحسس الولو : حلوه صدق حلوه !
«~ فــي مطــار جده ~»
الجادل: اخيرآ السعوديه !
سليمان: حيل مشتاقه ؟
الجادل: مره لدرجه ماتتخيلها
سليمان مد يده : يالله مشينا
الجادل هزت راسها : بس وين السياره ؟
سليمان: تبين قهوه ؟
الجادل : جوي !
سليمان : جلسي هنا بروح اجيب
الجادل: اكيد عارف طلبي ؟
سليمان ابتسم بهدوء: اكيد
الجادل جلست بعد ماراح وشافت قصيد من بعيد وراحت لها وحظنتها : يوه اشتقتلتس !
قصيد : اكثر والله !!
الجادل جاتها رساله من سليمان : اخوتس يدورني خلينا نروح
قصيد : مره مشتاقه له !
سليمان تقدم ناحية قصيد وحظنها ولف على الجادل وقبصها : اشتقت لك !!
الجادل كشرت بالم : ورع !
قصيد لفت : وش فيك ؟
الجادل ابتسمت : لا مافي شي ؟
«~ فــي بيت ابو عبدالرحمن ، الحوش ~»
تنتظر الاورق من هذام : وينك تاخرت !
هذام : ماني مندوب ترا ! في الطريق جاي
جيلان : اوكيه
مشاري : وش عندس ؟
جيلان جلست على الكرسي : انتظر الاوراق
مشاري ابتسم وجلس جنبها : غني اغنيه ؟
جيلان اشرت على عيونها: تامر من عيوني وش تبي اغنيه ؟
مشاري بتفكير : نويت البعد
جيلان : ذويق اخوي !!
مشاري ضحك: حافظتها ؟
جيلان هزت راسها : ابدا ؟
مشاري ابتسم ورجع ظهره على وراء وطلع جواله يصور : اطربينا ؟
جيلان : رسى موج البحر من يم بيتك
كأنه عن هــِوى الأيام داري
وقفت أسألك لكن ما دعيتك
أخاف الشــوق وحدود انكــساري
مشاري : الله الله
جيلان ضحكت : مشكور اخوي العزيز
يوسف جلس معاهم : وش تسوون ؟
جيلان : نسولف
يوسف : اها في ذا الحر
مشاري: والله ننتظر الاوراق
يوسف لف عليهم : ننتظر معكم
جيلان ضحكت : طيب سولفو وش صار في يومكم ؟
يوسف : والله كله مواعيد وتعب
مشاري: والله انا قاعد اشرف على المعرض
جيلان : ايه ليش سميته المعرض موج ؟
مشاري: ليش مو حلو ؟
جيلان : لا حلو بس غريب
مشاري : ورع يوسف روح سو شاهي السهره صباحي هنا !
يوسف : اوه ودي بس اخر العنقود تقوم
جيلان : انا عندي شغل
يوسف : وش الشغل ؟
جيلان مسكت كتف مشاري : اسولف مع اخوي وبعدين انت جيت اخر واحد !
يوسف :تراني اخوتس الكبير !
جيلان: وانا اختك الوحيده !
مشاري: اقوم انا يعني ؟
يوسف : مانيب قايم
دخل عبدالرحمن وطالعهم بستغراب ومعها نايا و سعود : وش قومكم ؟
يوسف ؛ لا تجلس !
عبدالرحمن: ليش ؟
سعود ركض لـ جيلان يحظنها ،جيلان ابتسمت : ياروحي انت اشتقلك تدري ؟
نايا جالسه في حظن مشاري : وانا !
مشاري وسع عيونه : سحبتي علي !
نايا باست خده : انت my dear
مشاري باس خدها : كيوت كيوت !
يوسف : مارح اروح !
عبدالرحمن ابتسم: وين ؟ تسوي شاهي ؟
يوسف : كنك داري !
عبدالرحمن: قم قم
يوسف : غدرت فيني
مشاري: ياخي ماخلصتو هواش ياالله قم !
يوسف قام : تراني مو الصغير هي
جيلان تودعه ببتسامة مستفزه : باي
مشاري : خذ نونو و سعود معاك
نايا ركضت ولحقها سعود للمطبخ ، عبدالرحمن ابتسم بهدوء يطالعها : وش صار معتس في الشغل ؟
جيلان اختفت ابتسامتها : ماصار شي
عبدالرحمن بجديه ؛ ليش ماقلتي لي او لمشاري ؟
جيلان شتت انظارها عنهم : مايحتاج حليت الموضوع ‏
عبدالرحمن: وشلون حليتي الموضوع ؟
جيلان : هذام دافع عني
عبدالرحمن: الحين تبدين هذام عنا ؟
مشاري: افرضي انه سوى شي اكبر !
جيلان يدها رجعت ترجف : لا تلومني خفت انكم تعصبون
مشاري رفع حاجبه بستغراب : احنا ؟
عبدالرحمن تنهد : حنا ندور مصلحتك
جيلان تجمعت الدموع في محاجرها: ادري !
مشاري حاوط اكتافها يحظنها وباس راسها : اعرفي اننا سندك ، ونشاءالله مارح نقصر معاك بشي عندك بدال لاخو ثلاثه
يوسف جايب الشاهي ونطق بستغراب : علامكم ؟
نايا اتجهت لـ مشاري تقوله وش صار في المطبخ : تدري عمو يويو حرق نفسه !
—
لا اوصيكم حبايبي 🌊 ، يحق لكم تتغلون تاخرت ادري 💙.
حسابي انستا : rweniih
حسابي تيك : rweniih