اهوجــس وياخذنـي علـى بــابــك الهوجاس .

Part 25

-

«~ فــي المستشفى ، الطوارئ ~»
خالد ساكن في مكانه وهم يخيطون الجرح ويطالعها وهي تبكي ؛ يابنت مافيني شي خلاص بتسى !
جُند تمسح دموعها : بس يعور !
خالد ضغط على الجرح : هاه مايعور
الدكتور ضحك لانه اوجعه بس يحاول مايبين : خلصنا تقدر تروح وتاخذ مضاد
خالد لبس ثوبه : يالله مشينا
خُند سبقته : ادري
خالد ابتسم بهدوء وراح ياخذ من الصيدلية مضاد ، وركب السياره ومرت فترة هدوء ونطقت: لا تعلمهم بشي !
خالد طالعها ورجع انظاره لامام : ليش ؟
خُند : لان لو قلت لهم مارح يخلوني اطلع مره ثانيه !
خالد هز راسه : يصير خير
جُند مدت يدها لراديو وكانت بتشغل بس نطق : مايشتغل الا بشريط عنيه في الدرج
اخذت الشريط و اشتغلت اغنية " العيون السود " وصار يغني معاه وركز على هاذا الجزء • ابيك بكل ماربي عطاك من الحلا والزود وابي كلك وابي قلبك وابي خيره وابي شره • لفت عليه تطالعه او بالاصح تتامله اول مره تشوفه هاذا القرب وتشوف ملامحه ، لف عليها ونطق : معجبه ؟!
جُند : يع الثقه الي مو محلها !
جالد ضحك : اخيرآ رجعتي جُند !
«~ منطقة كــِابرون ، النمساء ~»
الجادل اخذت كرت ثلج ورمتها اتجهه وهو صدها ونطق : تعقبين
الجادل سوت كره ثانيه ورمتها على وجهه وغطت وجهها : اوه اسفه !
سليمان : اوريك يابنت صالح !
الجادل: سلوم خلاص عاد نمزح بعدين انت لابس خوذه !
سليمان مد يده لها : تعالي !
الجادل صغرت اعيونها : احس فيه غدره !
سليمان : انا تجي مني الغدره !
الجادل: قلت احس والحين بتاكد !
سليمان طالع فيها : مافي ثقه !
الجادل مسكت يده :تعال بركب دباب !
سليمان شد على يدها : يالله امشي
اخذو دباب ونطق سليمان بعد ما ركلت وراه : اتمسكي !
الجادل : ازهل بس ودي اسوق
سليمان ضحك : اخاف تغرزين !
الجادل نزلت : لا ماعليك
سليمان نزل وخلاها تركب قدام : ياالله ورينا
الجادل ركبت وبدت تسوق وطلع شعرها من ورا سليمان قرب ملامحه من عنقها وتحديدآ شعرها ونطق : مغيره عطرك !
الجادل وقفت : وش دراك
سليمان ابتسم: بس عرفت
الجادل: ليكون تعطرت منه !
سليمان اشر على نفسه : انا !!
الجادل: ايه انت !
«~فـي المطــبخ قسم عبدالرحمن ~»
هناي تقفل الثلاجه : مافي نونو !
نايا ضربت رجلها بلارض : ايس ايس !
هناي : لا مافي خلاص اليوم !
نايا راحت لصاله ونطقت : بابا ايس !
عبدالرحمن مسك يدها : تعالي
هناي : يوه جاء الدفاع !
عبدالرحمن يبعدها : خلي بنتي تاكل !
هناي كشرت : بس اكلت اليوم كثير !
عبدالرحمن طالع لـ نايا الي تنقي اي ايسكريم : هاه خلصتي يابابا !
نايا اخذت ثاني : ثعود بعد
عبدالرحمن ابتسم: ياجعلني انا !!!
هناي صدت : هاذي اخرتها اخذتك مني !
عبدالرحمن سحبها ناحيته وباس خدها : احبك بس ذي اخذتني !
هناي حطت يدها على صدره : بس انا اخذتك قلبها !
عبدالرحمن تنحنح وابعد : الوعد بعدين ياهنو !
هناي رفعت حاجبها : علامه وجهك حبيبي انقلب !
عبدالرحمن مسك انفها : انا وش قلت الوعد بعدين !
هناي غمزت بدون قصد : ليش مى الحين ولا مستحي !
عبدالرحمن شدها لناحيته : قد زي الغمزه !
هناي : هو انا غمزت اوه مادريت ؟!
عبدالرحمن: اهجدي !
هناي راحت للغرفه : لا تكلمني روح لهاذيك النتفه وترا ماتختفي هي وسعود الا وراها بلا !
عبدالرحمن راح لصاله : ماتسوي شي بنتي شاطره
هناي : ابغا اطلع طفش والله
عبدالرحمن سكر جواله : وين تبغين !
هناي بتفكير : ودي بـ المول
عبدالرحمن لف على نايا : ودها بنتي ؟
هناي ضربته : خير انا الي قلت !
عبدالرحمن ضحك : ياربي احد يغار من بنته !
هناي صدت : لا تكلمني!
سعود تقدم لناحيتها وحضنها : ياجعلني بس !
عبدالرحمن: ولد ابعد عن زوجتي ؟
هناي باست خد سعود : وه ياناس !
«~ فــي الليل ، عند الخيول ~»
يديها محاوطه كوب الشاهي وعليها جلال تتامل النجوم بهدوء ، الا تشعر باحد جلس بجانبها الجلال الشال لناحية ملامحها ، محمد : ضي !
ضي كانت بتقوم بس مسك يدها : بقولتس شي وروحي الله يستر عليتس
ضي جلست : سم !
محمد طالع القمر : ابيتس
ضي لفت عليه بصدمه وطاح الجلال ، كان بيلف بس تمالك نفسه ، محمد وقال بغصه : بيتس بلحلال ..والله اني ماكذب بكل كلمه راح اقولتس اياها .. خطبتس من ابوتس الي هو عمي لكن رفض مادري وش السبب ورحت لجدي قال انت رجال مايعيبك شي لكن البنت نفسيتها تعبانه وانا تدرين كم سنه اطلبس من ابوتس ؟ سنتين وهو يرفض وارجع احاول ذليت نفسي عشانس !
ضي بلعت ريقها بعدم حيله :مابيدي شي شايف حالنا متشتت ابوي في مكان وحنا في مكان !
محمد يشتت انظاره : يعني لو طلبتس من تركي بتوافقين ؟
ضي رفعت اكتافها وعضت شفتها تكتم بكاها : مدري
محمد قام وكله خذلان : اخذت الاجابه الله يوفقس بحياتس واعرفي اني دايم بحبتس .
ضي ماتدري توافق ولا ماتوافق الحيره ماكلتها اكل هي ودها ودها وبقوه وتحبه من هي صغير لكن بعد التجربه الاولى ماوده ابدآ ، غطت وجهها تبكي بكل مافيها كان ودها تقوله انا عطيتك عيوني ليه تبكيها !! ، تحبه ماتنكر بس ماتبي اذا اخذها تصير روح بلا جسد ماتبي تظلمه معاها .
عند محمد المكسور جدآ التقى في خالد الي كان يهوجس وجلس جنبه ، محمد ببتسامه وراها الف وجع : ماودها وانا اخوك
خالد هز راسه : الله يوفقها
محمد نزلت دمعته ومسحها : الله يوفقها
خالد : ياجعلني !
محمد بضيق : ماودي ابقى هنا
خالد بتسغراب : وين بتروح
محمد اخذ جواله : الحرم
خالد : ليش اول مره ؟
محمد : طالبيني الشغل
خالد : ومتى الطياره ؟!
محمد : الليله
خالد : الليله من غيري يدري انك بتروح !
محمد ؛ محد
خالد : بكتب في قروب العايله
محمد قام : باقي على الرحله ساعه
خالد قام وحظنه : استودعتك الله
محمد ربت على كتفه : انتبه لعمرك و لامي وابوي وانتبه لها
خالد ابتسم لانه حرص عليها بعد الي حصل : ابشر
محمد : وترا عبدالرحمن يدري
خالد : استودعتك الله
محمد: هاه انتبه لنفسك!
خالد ضحك : ابشر
«~ فــي الفنــدق ~»
الجادل نص نايمه وسليمان يسحب البطانيه : ماودك تخليني انام !
سليمان : خلاص نوم
الجادل قامت : هاه قمت !
سليمان جايب لها الشوكلاتة الي تحبها : عجبتس !
الجادل كشرت : بس انا مسويه دايت !
سليمان : تنقصين وش انتِ كلك اعضام !
الجادل ضربته : لا تسبني ! تراني محاميه وممكن ارفع عليك قضيه !
سليمان ابتسم: من سبك حبك ، يمه خفت والله منك يالنتفه !
الجادل فزت : سلوم !
سليمان: عندك شي قولي !
الجادل مسكت يده : بسوي مقطع اسكن كير وابغاك انت المودل !
سليمان: لا لا بشرتي وش زينها
الجادل: ادري انت وش زينك بكبرك بس محتوى وكذا تدري !
سليمان غمز : خلاص سوي عشان اخقق البنات !
الجادل رفعت حاجبها وقامت: قدها !
سليمان سحبها : خلاص نمزح !
الجادل لفت للجهه الاخرى : لا تكلمني !
سليمان ابتسم و همس باذنها : اسف !
الجادل ابعدت شعرها عن اذنها : ما اسمع !
سليمان رجع على ورا وضحك : اسفه يا احلا و ازين زوجه بـ العالم !
الجادل ابتسمت : خلاص سامحتك
سليمان ربت على ارنبة انفها : وين العقد الي جبته لك !
الجادل شتت انظارها : في الشنطه ليش ؟
سليمان ابتسم وتلفت يكتم ضحكته : ايه في الشنطه ! جيبيه طيب ؟
الجادل قامت وصرخت : سلوم !
سليمان قام للغرفه و وقف عند الباب وهو متكتف : لقيتيه !
الجادل تحوس في الشنطه : لا وينه !
سليمان طلعه من جيبه : لا تضيعينه !
الجادل تقدمت عنده واخذته : وين لقيته !
سليمان تكتف : لقيته طايح
الجادل هزت راسها : يمكن طايح مني بس مااذكر طلعته
سليمان: المهم وانتبهي لا تضيعين الاسوراه !
«~ فــي الاسطــبل ~»
قصيد فوق الخيل : تركي ابغا البحر !
تركي : زين بعدين لا تقولين خايفه ولا شي !
قصيد هزت راسها : طيب !
تركي اخذ خيل وركب : مشينا
قصيد مسكت الجام : اعرف
تركي : لا تشدين!
قصيد : تركي !
تركي : خلاص خلاص تعرفين !
قصيد تقدمت وابعدت عنه وصرخ : تبغينها كذا !
قصيد ضحكت : والله انك سبك ههههه
تركي لحقها : جُند معلمتس ذي الكلمه انا اوريها واوريتس
قصيد بدت تشد اكثر على الجام وبدا الخيل يركض بكل مافيه : ولفت عليه اتحادك !
تركي شد على الجام وصار بينهم مسافه بسيطه ويغلبها الا يرتفع الخيل على اقدامه الخلفيه وهو محذرتها من ذي الحركه ووقف محله وهي انطلقت لضحكاتها وعرف انها خدعته ولحقها الى ان وصلو للبحر وخفف السرعه ولفت عليه بضحكه : سبقتك !
تركي بعصيبه ضربها بخفيف على راسها : كم مره قلت لتس لا تسوينها !
قصيد مسكت مكان الضربه وكشرت : لا تضرب !
تركي : قلتلتس كم مره لا تسوينها !
قصيد صدت : طيب ترا كنت امزح !
تركي : زعلت ! ولو طحتي على ورا راسس بيتضرر !
قصيد ضربت خوذتها : لابسه خوذه !
تركي يقلد صوتها : وضهرتس !
قصيد تنهدت : خلاص مارح اعيدها !
تركي هز راسه وهو كاتمه ضحكتها : شاطره
قصيد: تركي بسالـّك
تركي : سمي ؟
قصيد : وش الون الي تحبه ؟
تركي بتفكير : الاسود
قصيد هزت راسها ، تركي لف عليها : ليش تسالين ؟
قصيد: بس سوال
«~ فــي بيت علي و ميلا ~»
اتجهت له تركض وهي تبكي ومعاها تحليل الحمل : علي !!
علي خاف : وش فيك !
ميلا عطته التحليل : شوف !
علي اخذ التحليل وطالعها بصدمه : كذابه !
ميلا ببكى : والله
علي اتجهه لها وحضنها : الحمدلله
ميلا : ماني مصدقه الحمدلله الحمدلله
علي : بنروح نفحص عشان نتاكد !؟
ميلا هزت راسها وراحت تجيب عبايتها: طيب
علي جلس ينتظرها وجات واتجهو للمستشفى وراحو لدكتورة وكشفت عليها وطلعت حامل وبشهر الثاني ، الدكتوره بفرحه عارمة لانهم من زمان ودهم : مبروك المدام حامل وبشهر الثاني
علي : الله يبارك فيك يادكتوره
ميلا غطت وجهها : احس ببكي مره ثانيه !
علي : لا لا خلاص يادكتوره ماصدقنا توقف بكى طول الطريق !
«~ في المكان المعتاد ، المغرب ~»
الود تبغا تعتذر له بعد الي سوته ، جلس جنبها : السلام ؟
الود ؛ وعليكم السلام
مشاري طالعها :وش بغيتي ؟
الود تطالع الارض : اسفه على الي قلتك هاذاك اليوم
مشاري: لا عادي
الود طلعت من وراها لوحه : هاذي هديه رسمتها بس مو مره حلوه بس عادي
مشاري اخذ الوحه الي كان محتواها " البحر هي وهو " انبهر اول مره كذا : مشاالله اول مره ؟
الود هزت راسها بحماس : حلوه !
مشاري ضحك على حماسها : مو حلوه الا تجنن!
الود : كنت احسب انها مارح تعجبك .
مشاري بزلت لسان : كل شي منتس حلو
الود استحت : شكرآ
مشاري لف عليها : ود !
الود تعدل على نطقه : الود الود !
مشاري: مو ود اسهل ؟
الود تكتفت : لا احب اسمي كذا
مشاري هز راسه : مسويه تان ؟
الود مدت يدها جنب يده : ايه حلو ؟
مشاري طالعه يده مقارنه بيده يدها نتفه وسمرا من التان وهو طبيعي : حلو
الود ضمت رجولها : ميم ؟
مشاري تلفت بمزح : مين تكلمين ؟
الود ضحكت : والله اسهل ميم
مشاري : ميم ميم تم
الود تذكرت ونطقت بحماس : تدري انا مصممه ؟
مشاري ضحك : عندس ربط سوالف بس احبها
الود نزلت راسها بخجل : تسلم بس احسها سبه !
«~ فــي الغرفــة ضي ، العشاء ~»
هناي تكلم ضي : طيب ليش ماتبغين تجين !
ضي ذبلانه : لا مالي نفس
هناي : مو اكل هو ترا على طاري الاكل والله لا اقعد فوق راسس وتاكلين !
ضي بكت : مابغا شي لا تضغطون علي !
هناي حظنتها : خلاص ياروحي بس والله لصحتس!
ضي بادلتها الحضن وشدت عليها : تعبت تعبت !
هناي باست راسها : عشان محمد ؟
جُند دخلت واشرت لـ هناي وش فيها وجلست جنبهم ، هناي ابعدتها : محمد له خص بلموضوع صح !
جُند استغراب : وش السالفه !
هناي اشرت لها تسكت : صح !
ضي غطت وجهها بضعف تهز راسها باكيد ، هناي : طيب قولي وش صاير ؟!
ضي ابعدت يديها عن وجهها ودموعها على خدها : ماصار شي !
هناي : بتقولين ولا انادي امي!
ضي قالت كل شي من سالفة المستشفى الى الاسطبل ، هناي قامت ولبست اي عبايه جات بوجهها ، جُند تطالعها بصدمه: بنت علامتس !
هناي بغضب تلبس نقابها : مالتس دخل !
ضي تطالعها وتبكي : لا سوين شي مانبي مصايب !
هناي طلعت من الغرفه من دون ولا حرف وراحت لناحية المجلس كانو كل العايله مجتمعين و وقفت بوسط المجلس ، عبدالرحمن عرفها واشر لها وش جابك ؟ ، هناي بقوه : جد ؟!
الجد منصور ببتسامه: سمي ؟!
هناي تكتفت تطالع بجدها الي متوسط المجلس : بقول ذا الكلام لكل الي بلمجلس وانت من ضمنهم صح انك جدي على العين و الراس بس مو تقطع نصيب اختي عشان ماضي سابق و الولد خابرينه ماتجي منه العيبه طيب ندري انك تحب ضي بس تقطع نصيبها وانت تدري ان كلام الناس مو هين وخصوصآ انها مطلقه ! ترا محمد طالبها منك ومن ابوها لكن وش نقول الكل يرفض من كلا الطرفين عشان وعشان ! وصدقوني ولا رجال بلعالم بيصون كثره .
الجد منصور بعصبيه: انتِ فاهمه وش تقولين !
هناي ضحكت بسخرية : ماعادني هناي الصغيره الحين عندي ولد وبنت ولا احد يقدر يتحكم فيني ولا في اهلي !
ابو محمد بغضب : بنت !
هناي ببتسامه: ياعم المفروض توقف مع ولدك مستوعب انه انرفض لمدة سنتين ! سنتين !
عبدالرحمن ابتسم بهدوء وهمس : ياحلو المعصب !
الجد منصور سمع همس : امسك مرتك !
عبدالرحمن عدل جلسته : ليش امسكها حراميه هي قالت الحق !
—-
لا اوصيكم ☀️