.
«~فــي المستشفى تحديدآ غرفة ضي ~»
هناي : انت تمام ؟
ضي : الحمدلله
الجد منصور: انشاء الله بتصير احسن
ضي : تراني بخير وش فيكم
هناي حظنتها : طلعي الي فصدرك ياروحي
ضي ابتسمت : مافيني شي وش فيتس
هناي : متاكده ؟
ضي ضحكت : يعني بكذب ؟
الجده غدير: ايه نبي نشوف ضحكتس الحلوه
ضي : تسلمين ياجده
عبدالرحمن من ورا الستاره : الحمدلله على السلامة
ضي : الله يسلمك
عبدالرحمن: لا تحاتين بناخذ حقس يابنت منصور
ضي : انشاء الله
عبدالرحمن: هناي مشينا
هناي قامت ولبست نقابها : انتبهي لنفسس
الجد منصور: عاد يابنتي اذا حتجتي شي كلمني محمد بيقعد هنا
ضي ابتسمت : ابشر
الجده غدير باست راسها : هاه لا اوصيس
ضي اخذت يدها وباستها : الله يخلتس لنا
بعد خروجهم جلست على السرير ونهارت بكى متقدر تجامل اكثر ماتبغى تبكيهم معها ولا تبغاهم يبكون عليها تحس كلها يتقطع ، حطت راسها على المخده وصارت تصرخ فيها وشهقاتها وصلت لـ محمد ، وده يواسيها بس ماهو محرم عليها اخخ يالقهر الحين هي تعتبر مطلقه والطلاق مو عيب لكن فيه ناس عقليتهم خايسه مثلهم .
«~ فــي شهر رمضان المبارك يوم ٢٠ ~»
كانت العائلة مجتمعه على الافطار وكل واحد في السفره يحاول يتناسى مشاكله ، محمد اجتمع مع سعود واعترف بكل الي صار وصار عليه قضيه عنف ودخل السجن سنة وغرامه ٥٠ الف ، الجد منصور شاف سرحانهم : هاه وش عندكم ؟
محمد ابتسم : ماعندنا شي
الجد منصور: ايه واضح
عبدالرحمن: جدي قافط الوضع ههه
الجد منصور ضحك : اسمعو بنمشي الليله لـ الديره
يوسف بتسليك : ياوك يالحماس
خالد : مره يحمس صح
الجد منصور : ايه الديره زينه
عبدالرحمن يضحك عليهم : صح
خالد نغزه : ورع !
محمد : وش فيها الديره !!
خالد بنص عين : مافيها الا الخير
الجد منصور: ياالله قومو صلو صلاة
عبدالرحمن : ابشر
«~ فــي صالــة النساء ~»
الجده غدير قامت : اذا خلصتن صلاه
هناي : ابشري ياسيدة كل البنات
الجده غدير استحت : يابنت !
هناي : فديت الي استحت وه صدق هههه
منصور جاء ركض: جده ترا محمد ماحلب الغنمه !
الجده غدير: انا اوريك فيه ذا السمرمدي
الجادل: جده الا اخوي !
الجده غدير : انتِ واخوتس مخانيز
الجادل: افا ياجده صدق !
هناي بضحك : احسن
جيلان عطتها سعود الي صاير مره يشبه عبدالرحمن : امسكي ورعتس !
هناي اخذته : بسم الله على ولدي !
جُند : بنات مين راح تلعب معي كيرم ؟
جيلان جاها اتصال : جيتس بس بصلي
هناي مدت يدها ؛ خذيني معتس
جيلان سحبتها وراحو يصلون ، جُند سحبت على العبة وراحت تكلم : يابنت الحلال اعتقيني !
قصيد : مدري احس اشتقتلك !
جُند : طيب ليش ماتجين معنا الديره !
قصيد : مدري احس احراج
جُند تكلم ماهي مع الدنيا : ماعليتس مافي احراج ولا شي
قصيد : حمستين !
جُند جلست : ترا اخلي تركي يجي ياخذت مافي مشكله
قصيد اول ماسمعت اسمه ارتبكت : لا لا ماله داعي اقول لـ سلوم
جُند : ترا بنمشي الليله
تركي جاء : هاه وش تسوين هنا !
جُند : جالسه
تركي جلس جنبها : كيف نفسية ضي ؟
جُند : مب ذاك الزود بس فيه تحسن
تركي : الحمدلله
جُند ضحكت على هدوء قصيد: وش علامتس ؟
قصيد: بقفل ياحبي
جُند لفت على تركي أستغرب: ليش ؟
قصيد بتسليك : بروح اجهز شنطتي
جُند ضحكت : ياالله اعجلي بنمرس
قصيد: والله مايحتاج !
جُند ؛ علي الـطـ
قصيد ضحكت : بتطلقين من !!
جُند : ايه صح نسيت
قصيد : ياالله باي ياحبي
جُند : باي
تركي بلقافه ؛ من كنتي تكلمين !
جُند : قصيد !
تركي : اها
جُند : احس حماس بنروح الديره
تركي : يوه جندوه متحمسه لديره !
جُند : ايه ليش !
تركي جاته رساله من قروب العايله : يقولون ركبو الشناط ياالله وانتِ اول الركبين معي
جُند : ازهل والله وترا بنمر ناخذ قصيد بعدين راح تجي خالتي ام سليمان
تركي تنهد : طيب
«~ فـــي السيارة محمد ~»
كان معاه امه وابوه الجادل ومنصور وضي ، واسياره ضلام والهواجيس واسياره هدواء الكل نايم الا ضي ومحمد مافي الا صوت المسجل اغنية غرام اطفال المليائه بالهواجيس • غرام أطفال جمعنا وكنا بشعور كبار وفا قلبي مثل ماتوفي العشاق أو أكثر أحب بجد ماألعب مثل منهم في سن صغار ولا أذكر قلبي لو مره معاها كذب وقصر •
كانت تتبادل بينهم النظرات وكل واحد منهم غارق في الهاجس ، حطت راسها على القزازه تتفادا نظراته
«~فــي ســيارة تركي ~»
سوالف وضحك وشاهي وحب ، كان معاه جُند و امه وابوه و قصيد وام قصيد والود وجيلان وام عبدالرحمن والجادل ، تركي : يمه تقفين !
ام تركي : تراك كبير !
تركي غمز لـ قصيد : يمه !
قصيد استحت وصدت ، ام تركي شافته ؛ ياولد !
تركي : سمي !
ام تركي : خل عندي ذي الحركات بخطبها !
تركي نسو الطريق ولف عليها : صدق !!
ام سليمان في وادي : من سعيدة الحظ ؟
جُند تصور للستريك : سفره مافيها نفس ثقيله وطبعآ بعزمكم على عرس اخوي
تركي ضحك : لا اوصيكم اول الحظور انتم
جُند : شفتو حتى اخوي يقولكم تعالو يعني انا ماعزمتكم هو الي قال !
ام تركي ضحكت : ياولد انتبه لسياره بس
تركي : من عيوني يالغاليه وياخالتي هههههه
ام سليمان : يازينك بس
الود قامت من النوم : وش فاتني !!
جُند لفت الكاميرا عليها : قامت الفاهيه الله يعين الي بيتزوجها بس نايمه
الود تتثاوب : وشدعوه !
قصيد : جُنوده ماصار استريك صار فلوق هههه
الجادل: صدق !
جُند : حرام عليكم ترا ذي بس نبذه للحين مادخلنا في الاصلي اذا دخلنا الديره
الجادل مسكت راسها : تونا في البدايه ياويلي !
الود : اللع يعينكم هههههههه
تركي : يمه الحين جدي ترا طردنا يقول انا وجدتكم بنروح لحالنا !
ام تركي : خلهم يعيشون الرمانسية هههههه
جاتها رساله واخذت الجوال • هلا والله •
سليمان • ليش ماركبتي معي •
الجادل• مقدر امي رفضت •
سليمان • الكلام جاء من الحكومه ما لنا شغل فيه يتطبق 😭 •
الجادل • وغصب عني 😭 •
سليمان • طفش والله ! •
الجادل • افا بس تطفش وانا موجوده ! •
سليمان • احب المهتم والله •
الجادل • وانا احبك كلك قسم ! •
سليمان • بتخليني اصدم كذا ! 😭 •
الجادل ضحكت • خلاص اسفه ههههههه •
جُند ببتسامه : الله الموضوع فيه ضحك !
قصيد: شكله موضوع يستحق الضحك ورينا !
«~ فــي سيارة عبدالرحمن ~»
هناي : شوف صاير مره يشبه لك
عبدالرحمن : ايه صار مزيون زيي
هناي : انشهد
عبدالرحمن ابتسم: يابنت ترانا في طريق سفر !
هناي ضحكت : خلاص بسكت
عبدالرحمن: احسن لس !
هناي : ابغا انام !
وقف السيارة : عطيني اياه
هناي خافت : وشلون راح تسوق !
عبدالرحمن ضحك: ماعليتس اعرف
هناي : صدق ؟!
عبدالرحمن: ماتثقين فيني !
هناي ميلت راسها : ربط المواضيع عندك !
عبدالرحمن : فكي النقاب بشوف وجهتس !
هناي : تصدق نسيت !
عبدالرحمن شغل المسجل : اسمعي اسمعي
هناي ضحكت: كلي اذان صاغيه
عبدالرحمن بدا يغني معها :
وين ما كنت التقي فيه بالي
خاطري لك يا غلا دوم توا عشت
وراح احيا في غيمه حكاويك
يلي باسمك ترتفع كل الاعناء
هناي ببتسامه: صدق احبك واحبك واحبك
«~ فــي ديــِره العيَن ~»
الجده غدير: ياالله نظفن البيت
جُند : ياجده مره تعبانه
ام تركي تحس راسها يوجعها مو اي وجع : والله كلنا تعابه
هناي : جده تعرفين انا صرت امقدر ؟
الجده غدير دفتها بلعصا : اقول قومي بس !
هناي كشرت لثواني : بشري
قصيد : ياجده انا ما اسوي شي ضيفه صح
الجده غدير: ايه يابنيتي
جُند : خير ظلم !
الجده غدير: اقول قومن اخلصن لا اشوف وحده جالسه !
ضي : جده بطلع برا
الجده غدير: روحي يا امي
هناي قامت وسفطت قميصها عشان مايجيه مويه : ياالله بنات تخلص !
قصيد قامت : بروح معاكم
الجده غدير: هماتس كنتي بتقعدين ؟
جيلان : خليها ياجده تنكرف اشوي
ام سليمان تتلفت : وين الود ؟
قصيد : ماما نايمه
ام سليمان: اتركيها امس مانامت عدل
هناي اخذت سطل الماء : بنات من تعبيها ؟
جيلان : عطيني
هناي : جده روحو برا بلحوش عشان نغسل البيت ؟
الجده غدير : اني بطلع عليتس بلحلم
هناي شالت نايا وسعود : جده خليهم عندس
الجده غدير: خلاص عطيني
«~ في الطرف لاخر من البيت ~»
العيال يغسلون المجلس والحوش و الفرشات ، الجد منصور: ياولد تركي !
تركي بضحك : عيونه
الجد منصور بعصبيه: نظف زين الصابون كله بملابسك !
تركي رجع يتزحلق في الفرشه : من عيوني ياعيوني انت
خالد فطس ضحك : مقدر مقدر ههههههه
محمد كتم ضحكته : تركي تراك مو طبيعي اليوم !
منصور ناقد : الله يعينك على نفثك
عبدالرحمن : صدق والله
منصور نط : صوت الباب بروح افتح !
عبدالرحمن بتهرب : ياالله تعال
الجد منصور: عبدالرحمن!
عبدالرحمن: يمكن احد يخطفه بحميه
منصور باسلوب تركي : لا تحميني احمي نفسك اول
تركي : كفو والله
عبدالرحمن ضحك : واضح تربيتك هههههه
الجد منصور انسدح ؛ اخلصو انا بقيل اشوي اقوم اشوفكم مخلصين !
يوسف ضحك : ابشر ياجدو
خالد : واطلق جدو في العالم هههههه
عبدالرحمن حس ان منصور تاخر : بروح اشوف منصور
محمد : ايه تاخر
«~ عنـــد باب الـِشارع ~»
عبدالرحمن اتجه لـمنصور : وش تسوي ؟
منصور رفع كتوفه : مدري واحد مااعرفه يسال
عبدالرحمن بعده عن الباب : خلاص ادخل بشوف
مصلح : يوه كبرت !
عبدالرحمن ابتسم: اكيد بكبر
مصلح : عبدالرحمن عرفتني ؟!
عبدالرحمن يحاول يتذكر : لا والله
مصلح : انا ولد ابو سعيد
عبدالرحمن ببتسامه: ياهلا والله اقلط اقلط
مصلح : الله يسلمك والله
عبدالرحمن بصراخ : ياعيال جهزو القعود
محمد : ليش ؟
عبدالرحمن: عندنا ضيف
محمد جاء : هلا والله !
مصلح سلم : هلابك
الجد منصور فاتح عين وحده : يالوغدان وينكم !
عبدالرحمن جاء ومعها مصلح : جد هاذا ولد ابو سعيد
الجد منصور جلس : يامرحبا يامرحبا اجلس اجلس
عبدالرحمن : بروح اجيب القهوه
محمد قام : لا لا اجلس انا بروح اجيبها
سليمان : علي بـلملازيم
محمد ضحك : خلاص روح وانا داري منت رايح تجيب قهوه
سليمان غمز ببتسامه : يافاهمني
الجد منصور: لا تتاخر
سليمان : ابشر
جاء جلس منصور : من انت ؟
مصلح تذكره : يوه منيصير كبرت والله
منصور : اسمي منصور
مصلح : يازينك بس تشبه هناي
عبدالرحمن بحده : وش دراك بها !؟
مصلح خاف من نظراتهم : اذكرها يوم كنا صغار
عبدالرحمن ابتسم بسخرية : احسن لك تمسحها من ذاكرتك
«~فــي غِرفة البنـات والحـريم ~»
الجده غدير: ابك قومن سوو السحور !
جُند : ياجده تونا الساعه ١٠ !
الجادل : هناي سكتيهم راسي عورني !
هناي : وش الي سكتيهم ترا بس نايا الي تبكي اصبري
الجادل قامت واخذت سعود : وه ياحلو الساكتين
هناي ضحكت: اخبرهم ازعاج !
الجادل: امزح معتس
قصيد : من مايحب عيال هنو ؟!
جيلان: صدق عسولين
هناي ارسلت لها بوسه : احلا عمه والله !
جيلان : واحلا ام بلكوكب !
الجادل قامت للمطبخ ، جُند : على وين ؟
الجادل برتباك : بروح اشرب مويه حرام !؟
جُند ببتسامه سخريه : روحي روحي ههههه
الجادل: افرشي افراشي معتس
جُند : ابشري كم جادل عندنا
الجادل رجعت شعرها وراء : طبعآ وحده
هناي : بنات وش رايكم نطلع ؟
جُند : والله فكره
قصيد : ياالله قدام
جيلان قامت : ياالله قبل جده ماتدري
ضي دخلت : هي داريه داريه
هناي مسكت قلبها : روعتيني !
ضي اتجهت لعبايتها : ياالله انا محرم بحميكم هههه
هناي : بس ورعاني من يمسكهم ؟
ام هناي منسدحه : حطيهم عندي
هناي اتجهت لـ امها : احلا ام صدقوني
جُند : والله فكره
قصيد : ياالله قدام
جيلان قامت : ياالله قبل جده ماتدري
ضي دخلت : هي داريه داريه
هناي مسكت قلبها : روعتيني !
ضي اتجهت لعبايتها : ياالله انا محرم بحميكم هههه
هناي : بس ورعاني من يمسكهم ؟
ام هناي : حطيهم عندي
هناي اتجهت لـ امها : احلا ام صدقوني
«~ فــي المطبخ ~»
الجادل راحت لـ الشباك : موجود ؟
سليمان: لا موجود في قلبتس
الجادل طلعت له : اشتقت لك
سليمان فتحت حظنه : اكثر والله
الجادل اتجهت له وحظنته : مو كثري
سليمان باس راسها:ريحة شعرتس حلوه !
الجادل مسكت يده : تعال نقعد على الزلفه
سليمان جلس جنبها وطلع بكت الدخان : سولفي لي !
الجادل شكرت : مو قلت لك اتركه !
سليمان : ودي بس مقدر يانظر ذا العين !
الجادل مدت يدها : عطني بجرب
سليمان رفع حاجبه : على كيفك !
الجادل: اذا انت تدخن انا ابدخن
سليمان ضحك : ارفعي علومك بس
الجادل اخذت البكت من يده وانحاشت : اخر مره !
سليمان وقف وراح ياحقها : بنت !!
الجادل خبت البكت ورا ظهرها : نشوف وشلون راح تاخذه !
سليمان قرب منها وطبع قبله على خدها وحس برتخائها واخذ البكت ونطق بضحك : الحين دريت صدق انك خفيفه !
الجادل ضرب رجلها على الارض : مو على كيفك غش !!
سليمان مسك يدها ونطق بضحك: تعالي تعالي بس
«~ عند النيــاق ~»
ضي : بنات مو المفروض حنا عند البيت الحين !
جُند تحضن ناقتها : اشتقت لها !!
ضي : على كيفتس انا مشتاقه اكثر منتس !
هناي : بنات فيه صوت كلاب !!
قصيد تمسكت في عباية هناي : يا مامي !!
جُند ضحكت ؛ والله انكم رخوم ههههه
جيلان خافت : صدق قاعده اسمع اصوات اكلاب
ضي : خلاص خل نمشي ؟!
جُند : لا انا بقعد مع ناقتي
هناي راحت هي والبنات : بكيفتس
جُند خافت بس تحاول ماتبين : خوافات
جيلان ؛ احس لتس امشي معنا !
جُند : لا ماني خوافه زيكم !
جيلان : انتبهي بس !
جُند تسمع اصوات الكلاب تقرب ماحست الا الي يسحب عبايتها : يمه !!!!
هناي : خلي عنتس التمثيل !
جُند وهي تنسحب وتصارخ : بنات فيه شي يسحبني !
ضي ركضت لناحيتها ؛ وش فيتس !!
جُند فلتت نفسها من الكلب ونحاشت : راكضي اركضي !!!
ضي غيرت مسارها : وش فيه !!!
جُند وهي تلهث : كلاب كلاب !!
ضي لفت على ورا وشافت مجموعة كلاب وراهم : بنات النحشهه !!!
———————
{ عدلت تعدي بسيط ، لا تحرموني من النجمه ويهمني رايكم 💙💙💙! }
أنت تقرأ
اهوجــس وياخذنـي علـى بــابــك الهوجاس .
Romanceمُبهرتي الاولى ～ كُتبت بواسطِة : النِور ✍🏻
