_
مستلقيه على السرير ، بعد افواج من القُبل والاحضان ~
نطق بهدوء : اسف !
الجوهره قامت تجلس تاشر على عنقها ونحرها الي اهلكه قُبل : وشلون بقابل الناس بعد اسبوع كذا ! محمِـد !
تنهد نطقها باسمه بحد ذاته مغري : يا قلبه ؟
الجوهره توردت خجل تنطق : اكرهك !
محمد ابتسم : افا ! افا ولله !
الجوهره تجاهلته تتجه لدورة المياه تبلل وجهها تصحص ، بعد خروجها بدقائق اتجهت لناحية الدولاب تاخذ بلوزه بيضاء ولقنز ولفت نفسها بشال من برودت الغرفه واخذت كتابها تتجاهله نظري فقط لاكن قلبي لا ، جلس جنبها يتاملها اقل شي يسويه لجل يرضي قلبه مد يده يبعد شعرها عن وجهها : كلميني !
الجوهره هزت راسها : مارح اكلمك !
محمد ابتسم يلفها كلها اتجهه : غصب بتكلميني !
الجوهره تنهدت تتكتف : ايش اقول طيب !
محمد يمسك يدها : والله اني اسف يا عين ابوي انتِ !
الجوهره ضربت يده ونطقت تغرق محاجرها : طيب ايش اسوي ! الزواج باقي عليه اسبوع !
محمد ميل راسه بحنان : والله يتاجل و ما علي احد !
الجوهره طالعته : صدق ؟
محمد ابتسم يد يده ناحية وجهها : والله يا عين محمد !
الجوهره مسكت يده تشتت انظارها عنه : انا كمان اسفه !
محمد هز راسه : انتي بعيني مو غلطانه !
الجوهره رفعت اكتافها : محمد ! بس زعلت لاني بقابل الناس كذا !
محمد ابتسم هز راسه : لا ما عليتس ، نخليه بعد اسبوعين هاه وش رايك ؟
الجوهره ضربت كتفه تضحك : ما يضحك !
محمد ضحك : خلاص خلاص بعد ثلاثه ؟
الجوهره هزت راسها تزم شفايفها : كويس ؟
محمد ابتسم يد على يده : ناويه على عمرتس !
الجوهره غطت شفايفها تضحك : اسفين اسفين !
محمد مال لخده يُقبله : بكايه بنتي بكايه !!
« بـيت غادة ، غرفة الود »
متوتره وجدآ بعد ما صحتها اختها تصرخ تنطق انها صارت حرم مشاري احمرت ملامحها بعدم ادراك وفتحت جوالها تشوف رسالته : اجهزي الليلة بتصيرين حرم مشاري .
قصيد ضحكت من شافتها تركض لناحية الحمام وصرخت : بنت تراه الليله لسى احنا العصر !
الود ميلت راسها من باب الحمام نست كامل الرساله من الربكه - اكرمكم الله - : كذابه ! بنت بلا مزح !
قصيد سحبتها تحضنها : بشتاق لك كثير !
الود وسعت اعيونها : لسى ما رحت اصلا تودعيني !
قصيد ضحكت: نسابق الاحداث !
الود جلست على السرير تصارع شعورها وخجلت : بس ما خبرني !
قصيد لفت عليها : تعرفينه !
الود هزت راسها بخجل : ايه
قصيد عدلت جلستها : الحين اقولين لي كل شي ! مفهوم !
الود ضحكت : ما في شي يذكر ، مجرد صحبه !
قصيد ضيقت عيونها : صحبه ! ما اتوقع بس بمشيها !
دخلت امها غاده ونطقت تطالع قصيد : بكلم اختك ممكن تخرجين !
قصيد ميلت راسها : ماما ! اعرف وش بتقولين بجلس مارح انطق بشي !
غاده : تجلسين بهدوء! بدون تصياح !
قصيد هزت راسها بسرعه : خلاص وعد اجلس مودبه !
غاده لفت على الود هي في عالمها الخاص - تهوجس - ونطقت تبتسم : ودي ؟
الود طالعتها : سمي ؟
غاده ضربت قصيد بخفه : اتوقع قالت لك ولا ؟
قصيد تمسح على الضربه : ماما !
الود ضحكت : ايه قالت هي تمسك السانها اصلاً !
قصيد : خير تراني ساكته ما سويت شي للحين !
غاده ضحكت تمسك يدها بجديه : موافقه ؟ كانت موافقه بيجون اليلة ؟
الود توردت خجل : مدري انتي موافقه ؟
غاده : مو انا الي بتزوجه واعيش معاه انتي ! استخيري عندك الى المغرب اذا ما رتحتي بلغيني خلاص ؟
الود هزت راسها : ابشري !
غاده قامت تبوس راسها : لا تنسين اهم شي راحتك يا ماما !
الود اشرت على عيونها : من عيوني يا احلا ام في الكوكب كله !
خرجت غاده وهي متاكده من اسمها انها موافقه كلمت كل اهلها يجون يجهزون معاها ، لفت الود على قصيد الي عند دولابها مغطيه ووجهها من جمال الفستان ونطقت تضحك : اشبك ؟
قصيد طلعت الفستان الي مصممته الود خصيصآ لهاذا اليوم لانه وصف لها الفستان بخياله - فستان سماوي عاري من الاعلى ويتوسع من تحت ويزينه كرستالات بلون الازرق والفضي ويصير الي فوق الركبه - سرحت تتذكر وصفه الي كان عن كلام ونصفه وصف ~ رجعت لواقعها من صوت قصيد : ود !
الود طالعتها : هلا ؟
قصيد ميلت راسها : اخذه !
الود هزت راسها : مقدر يا قلبي اسفه !
قصيد : طيب برجعه اصلاً عندي احلا
« قصر الجد منصور »
دون استثناء كل واحد منشغل لان يوم مهم جدآ ، الجد يبغاهم كلهم حوله لقصر مليان جدآ ، نطقت هناي : بنات كم مره اقولكم لا تاخذون الفرش حقتي احتاجها !
جُند تعدل شعرها : مع من بتكون لفي وتعرفين مين !
هناي لفت وشافتها مع نايا الي تمسح بها وجهها يقال تحط بلشر ، ضحكت تتجه لها : احط لتس ؟
نايا هزت راسها : ابغا بس بابا يقول انا حلوه بدون شي !
هناي - فستان ابيض عاري من الاعلى مخصر ويتوسع من الاسفل ويميزه النقاط السوداء تاركه شعرها على راحته مسويه ستريت - : بس بلشر بس !
نايا : بس اشوي !؟
هناي ضحكت تهز راسها : ايه ما عليتس بس اشوي !
الجادل دخلت - فستان اصفر الون عاري الاكتاف يوصل الى تحت الركبه مسويه شعرها ويفي خفيف وبطنها بارز ومعطيها شكل لطيف - : ياربي انا يوم من الايام باكلها !
جُند ضحكت - جمسوت عاري النحر مخصر يلتفت حوله قطعه من الحرير وعلى الجنب لوقو يعطيه نوع من الفخامه طويل الاكمام ولاقدام شعرها ويفي بلكامل - : معك والله معك ! ما تحمل الطافه !
الجوهره - فستان ابيض في يزينه الاون الاسود حول الازاريز والارقبه طويل لا كمام يوصل الى نصف الرجل شعرها مسويته ويفي - دخلت عليهم ونطقت : بنات ترا بنهار ! وين لفالافات شعري !
جيلان وهي جاهزه وخالصه بس تنتظرهم يخلصون - فستان ابيض طويل الاكتاف يشد على الاخصر حبل ويوصل الي فوق الركبه - : بنات والله طفشت اخلصو !
~ مجلس الرجال ~
جالس بهدوء يرسم بعكس الكل الي محتاس بنفسه ونطق يجلس جنبه عبدالرحمن : مو متوتر ؟
مشاري ابتسم يهز : لا الي موترني اذا سالوني ليش ما جبت امك وش ارد عليهم ؟
عبدالرحمن ربت على كتفه : قلهم حصل لها اي شي غير الطلاق وانشاء الله ربي يحلها
مشاري شتت انظاره يرحع يرسم في دفتره الخاص : انشاء الله
خرج الجد منصور : يا الله مشينا ؟!
منصور : اروح اقول للحريم ؟
الجد منصور هز راسه : ايه قولهم تاخرنا !
منصور ركض نايحة الباب : ابشر
عبدالرحمن ابتسم يطالع مشاري : يا الله بسم الله
مشاري ضحك : متوتر اكثر مني انت !
يوسف نطق : دحوم شوف زين ؟
عبدالرحمن لف عليه يعدل اشماغه : كذا زين
مشاري - شماغ ابيض وثوب ابيض ~ مثل ما تحب الود ~ : وانا زين ؟
عبدالرحمن ابتسم : وشلون ما تطلع زين فهمني ! رزه رزه معرسنا !
ركضت ناحيته جيلان : بتروح بدون المجوهرات !
مشاري بتسم : والله انتي مجوهرتي !
جيلان حضنته تكتم عبرتها : مبروك يا روح جيلان انت !
مشاري حاوطها : افا جوجوتي تبكي وانا موجود !
جيلان ضربت كتفه تضحك : ايه الحين انت بتبكي جوجو !
عبدالرحمن حاوط اكتافها يضحك : الا اختي الصغيره عاد !
هناي ضحكت من شافت مكان الرصاص حلويات : بيبي انت !
عبدالرحمن رفع حاجبه يشر على دقنه الي فيه كم شعره شيب : تشوفين الشيب انتِ !
هناي مسكت يده بدون ماحد يدري ونطقت بخفوت : شايب فوادي !
عبدالرحمن ابتسم يسحبها لداخل وجلس على الكرسي وهي قدامه واقفه بستغراب : بشوف كشختس !
هناي ميلت راسها : الحين بيروحون و يتركوننا ! مو من جدك !
عبدالرحمن ابتسم يتكتف : وش علي منهم هم يروحون انا معي سيارتي ولا نسيتي ؟!
هناي : ادري بس راح نتاخر ! دحوم !
عبدالرحمن هز راسه : يا الله اخلصي عشان نلحق !
هناي بوزت تشيل عبايتها ونقابها ونطقت بغضب : ارتحت !
عبدالرحمن ابتسم يتامل ملامحها فستانها اناقتها الي تفوق الخيال ايه من الجمال ، قام يتجه ناحيتها
حاوط خصرها همس : كل شي فيتس بالغ الرقه !
هناي ارتجفت تحط يدها على صدره ونطقت بخجل : دحومي !
عبدالرحمن تامل كل جزء فيها : يا قلب دحومتس !
هناي مدت اناملها لخده تضربه بخفيف لانها تعرف انه مو بوعيه : دحوم ! ملكة اخوك بنتاخر !
عبدالرحمن ابتسم يمسح وجهه ونطق : اول ما نروج والله ما خليتس !
هناي هزت راسها تضحك : يصير خير !
عبدالرحمن رفع حاجبه: قدها ؟
هناي ابتسمت تشتت انظارها عنه : ايه وش يعني بتسوي ؟!
عبدالرحمن تقدم ناحيتها يُقبلها ، حطت يدها على خده بدون قصد الا من فرط المشاعر ابعدت تنطق: دحوم ! بس !
عبدالرحمن تنحنح يبعد عنها اخذ المفتاح يتجه للخارج ما يبغا يتهور و وراه ملكه : يا الله انتظرس في السياره!
هناي هزت راسها برتباك تاخذ عبايتها ونقابها تروح للحمام - اكرمكم الله - تعدل روجها وتلبس عبايتها ونقابها وخرجت بعد دقائق معدوده ، ركبت السياره ولفت بستغرب لوراء ونطقت : وين نوني وسعودي ؟
عبدالرحمن يحاول يتجاهل رائحه عطرها الي انتشرت في السياره : مع جدي قال بياخذهم
هناي هزت راسها ترجع نظرها لطريق ، لف عليها من شاف كوفيها المفضل : ودك ؟
هناي فزت بحماس تبتسم : والله ؟!
عبدالرحمن ابتسم يهز راسه : ايه والله ! اعرف الطلب ما يحتاج تقولين !
هناي ميلت راسها : تدري اني احبك حيل ولا ؟
عبدالرحمن ابتسم يميل راسه بتاكيد : بلاشك !
نزل يطلب وبعد دقايق اتجه لسياره يعطيها مشروبها واتجهو لبيت ام غاده ، لفت عليه لانه يجرب مشروب ما قد جربه في حياته كامله يبغا يماشيها بلجو ونطقت وهي كاتمه الضحكه : هاه عاجبك !؟
عبدالرحمن بتكسير من الطعم : حلو مره
هناي ضحكت يصدى صوت ضحكتها في السياره : مو لازم تشربها ! الناس اذاوق انت تحب الشاهي ؟
مد لها قهوته : خلاص اشربيها
هناي هزت راسها تاخذها : خلاص عطني عطني
عبدالرحمن: الله يعز النعمه بس
هناي ضحكت : خلك على الشاهي بس !
عبدالرحمن ابتسم بسخريه : وش فيه الشاهي الذ شي تذوقينه في حياتس كامله !
هناي هزت راسها : هو حلو الشاهي وما ننكر بس V60 غير مره غير !
عبدالرحمن رفع حاجبه : في احلامتس !
هناي ابتسمت : خلاص اتركه في الحلامي ودي به في احلامي
« بيت أم غاده ، غرفة الود »
بعد لبسها ومكياجها اتجهت تشوف شكله بلمرايه ، وسعت انظارها باعجاب بشكلها ابتسمت من مدح شجن لها : بسم الله عليك حلوه حلوه !
الود توردت ملامحها تضحك : والله الحين نهار !
قصيد عند الشباك ولمحت سيارات كثير ونطقت : يمه جو جو !
الود عضت شفايفها برتباك : خلاص اسكتي عرفت !
لمى ضحكت : خلاص لا توترين حبيبتي !
الود : اموت عليك والله !!
لمى ضحكت تحظنها " الود عندها لدغه بحرف الواو بس مو واضحه " : اموت عليك و على لدغتك !
دخلت غاده ونطقت تتامل بنتها بحب كبير اول بناتها ونطقت تكتم عبرتها : الناس ينتظرون تحت !؟
الود قامت تعدل فستانها بتوتر ونطقت : كثير ؟
جيلان ميلت راسها تطل عليهم : لا مو كثير احنا بس الي تعرفينهم
الود اتجهت تحظنها : اهلآ وربي اشتقت لك !
جيلان : اكثر يا حرم اخوي ؟
الود ضربت كتفها بخفه بخجل : كلهم تحت ؟
جيلان هزت راسها تسلم على الي في الغرفه ورجعت توقف قدام الود : ايه واتوقع اخوي مستعجل جايب المملك وبعد نص ساعه بتمكون
الود ميلت شفايفها : كذابه !
جيلان ابتسمت بخبث : ليه ما ودك ؟
الرد طالعتها بصدمه : الا ودي !
جيلان ضحكت من ردت فعلها ، دقايق لحد ما ستوعبت تضحك باحراج من ضحكهم : ما يضحك ترا !
ارتعبت من حست بكائن تحت اقدامها وابعدت : يمه وش ذا !
الود ابتسمت تمد يدها له تمسك فيها وشالته : هاذي ماڤي ترا ما تخوف انتي خوافه !
غاده بستعجال : خلينا منه الناس تحت يا الله ننزل !
قصيد مسكت يد الود البارده ونطقت تضحك : ياويلي على قولت جنده وش فيك ! بنت !
الود : لا تزيدين علي !
نزلو تحت كلهم واتجهت الود تسلم على الجده غدير الي ضحكت تسلم عليها ، ولا استغربت من عدم وجود ام عبدالرحمن لانه قايل لها السالفه من قبل ، جلست بعد افواج من السلام لكن بعد دقائق ناداها سليمان توقع بلعت ريقها بخوف شافت توقيعه ، باس راسها سليمان ينطق بضحك : موفقه يا روحي اذا ما ودك الحين عادي نسحب عليهم
الود ضحكت : لا والله
سليمان ابتسم يُقبل خدها : اخيرآ ابتسامه اخيرآ !
الود ابتسمت تاخذ القلم توقع بعد ثواني صدى صوت زغرطت الحريم بفرح ، خجلت كثير مو قليل ونطق سليمان يضحك : يا الله تعالي ينتظر معزبنا في المجلس
الود طالعته بفهاوه : ليش ؟!
سليمان ضحك : شوفه يا بنتي الشوف !
الود هزت راسها بتوتر : تعال معاي !
سليمان ابتسم بهدوء يحاوط اكتافها : اكيد بجي تعالي تعالي
« فندق في نيويورك »
قامت بعد يوم متعب جدآ وابتسمت من تذكرته بالامس " المغرب نزلت لسوبر ماركت تقضي لشقه وبعد انتهائها من الاغراض والمحاسبة خرجت ما حست الا بالي يشق شنطتها بمشرط من تحت وصرخت برعب من حط المشرط ناحية خصرها ويهدد e : اذا صرختي سوف اغرس هاذا السكين في احشائك !
ضي هزت راسها برعب ونطقت e : حسنآ ساعطيك ما تريده لكن اتركني !
ابعد منها بعد ما اخذ الشنطه بكبرها ما حس الا انه على الارض مغشي عليه ونطق بسخريه يمسح يده من التراب e : الكثير من الحثاله هنا !
ضي لفت عليه بخوف ونطقت بصوت مرتجف e : مــاذا حدث !
عقاب حس انه قد شافها بس هي ما تتذكره : انتي الي في الطياره ؟!
ضي ضربت راسها وهي من الفجعه ما عرفته : اسفه والله ما عرفتك بس ارعبني !
عقاب هز راسه : ما عليه بس لا تطلعين الوحدك بتطلع لك هاذي الاشكال منها كثير بعد !
ضي هز راسها تبتسم : على العموم مشكور
عقاب نزل لارض يشيل الاغراض لمتناثره : شقه ولا فندق ؟
ضي : فندق ليش ؟
عقاب رفع راسه لها : تبين اوصلك
ضي هزت راسها : لا بروح الحين بسيارتي مره شكرآ على مساعدتك
عقاب ابتسم يمد الشنطه لها : انتِ من ال منصور ؟
ضي ميلت راسها بستغراب : وش عرفك !؟
عقاب يحط يده في جيبه : من مصادري الخاصه !
ضي هزت راسها : لا تخوفني ! انت معاهم !
عقاب ضحك يرجع يتامل ملامحها الجذابه ما يعرف وش الي يجذبه ناحيتها تنحنح يطالع ساعتها من تاخر على الاجتماع : استودعك الله
هزت راسها تشتت افكاره من سمعت صوت المنبه وسكرته تروح تسوي لها فطور
« الــمجلس »
جالس في صدر المجلس بكل هدوء ظاهري بعكس قلبه الي يتراقص من الفرح ، في خاطر يرسم من قوة التوتر - الرسم يخفف من توتره كثير - دخلت ما شافت الا ثوبه من التوتر وحست بيد اخوها تنفلت منها ولفت تطالع ونطق : لا تطالعيني كذا ! بروح وراي معازيم !
الود فقدت الامل ورجعت تطالعه طالع غير عن العادة وسيم جدآ ، ابتسم يتامل الفستان ويتاملها هي بكبرها من جمالها الي ما يمل منها ، يحي في هاذي اللحظه كانه ما قد شافها الا اليوم ، تقدم ناحيته يُقبل راسها بعمق ومسك يدها يتنهد : اخيرآ حلالي ! بحظنك براحتي
الود طالعته تبتسم : كان يمديك من زمان وانا ترا كنت انتظر بس انت طول شغلك هناك كان عندك عذر
مشاري ابتسم بهدوء : يا جعلني فداس بس!
الود ابتسمت تحظنه : اسبوع واشتقت لك ! وش الطريقه !
مشاري ابعد عنها ينهد : الطريقه مدري كيف ماسك نفسي عنس الحين !
الود شتت انظارها تنطق : كيف
مشاري ميل شفايفه يقرب من ملامحها : مدري !
الود توردت ملامحها من قربه الشديد ، مشاري حاليآ مغرم وملهوف قرب وجهه يِقبلها مد يدها لوجهها الي يحسه حار من خجلها ، قاطعهم طرق باب ، ابعدت الود بخوف من انهم يشوفونهم وهم بهاذا الوضع ، ضحك مشاري يلف للجهه الاخرى ، دخلت ام غادة ومعها الدبله والعقد والجده غدير ضحكت من احمرار ملامح الود : وش مسويه بلبنيه يا مشاري ! وجهها مصبوغ !
مشاري رفع يديه للعلى : ما سويت شي هي الي تستحي مره !
الود وسعت عيونها من كذبه : كذاب !
مشاري ضحك : تبغين اقولهم ؟
الود توردت خجل ونطقت : انت ما تستحي !
الجده غدير ضربته : خلاص اترك ابنيتنا !
مشاري انتبه لـ لغاده وراح يسلم عليها واعتذر بانه ما شافها ونطقت غاده : تلبسها ؟!
مشاري هز راسه ؛ اكيد ذا شي اساسي !
مدت يدها الي ترتجف بخفه اخذ يدها يلبس الخاتم الي كان مصممه خصيصآ لها " يحاوطه لولو وبداخله حرفه و حرفها " نهارت عليه : يجنن مشاءالله!
الجده غدير ضحكت من مسك العقد ابتلش فيه : اساعدك ؟
مشاري لف لها ووجه يعبر عن النكبه : تقفين
الجده غدير اتجهت له تساعده وبعد ما لبسها وهي العكس خروجو يعطونهم راحتهم ونطقت الجده غدير قبل ما تخرج : لا تاخذ راحتك جدا ! ١٠ دقايق وناخذ بنيتنا !
مشاري ضحك يمسك يدها : يجيب الله مطر !
الود ابتسمت تتوردت ملامحها من مسكته قدامهم ونطقت : مشاري عيب !
مشاري ضحك من طلعت الجده غدير وهي تاشر على الساعه ونطق : اشتقت لـلدغتس !
توردت خجل تنطق : وانا اشتقت لك !
مشاري ابتسم يُقبل خدها : يا حلوتس بس !
الود جطت يدها على ازرير ثوبه بخجل : ميم !
مشاري تنهد : يا قلبه ؟
الود ابتسمت تاخذ دفتره الي ظاهر من جيبه : فيه رسمه جديدة ولا ؟
مشاري ابتسم بهدوء يرفع اكتافه بعدم معرفه : انتي اكتشفي !
الود فتحته تتصفح والمحت ورقه نصها مطوي من الاعلى وفتحتها ابتسمت تحب لحبه لها جدآ وتخجل من حبه " اخر لقاء لهم في المطعم لما رفعت شعرها لانه ضايقها من النسناس " بنسبة هاذا هاذا اجمل يوم ما تقدر توصفه لا حروف ولا قوافي ، كل ما نامت ترجع تتخليه حتى وقت شغلها تحبه وكلمة اتُحب مو قليله ، ابتسمت تطالعه : البحر ماله نهاية مثل حبي لك !
مشاري شتت انظاره يحاوط خصرها يقربها منه : كيف بطلع من غرامتس ! علميني !
الود رفعت اكتافها بعبط : مدري
مشاري ابتسم: والله ؟
الود ضحكت تحط راسها على كتفه لاإرادي : تصدق
سمعو ضرب على الباب وكانت الجده غدير : ادخل ؟
مشاري ضحك : ادخلي يا جده ادخلي
الجده غدير ببتسامه: خلاص خلص وقتك نبغاها !
مشاري ابتسم: انتبهو لها خلاص !
الجده غدير تاشر على عيونها : ابد من عيوني
الود ضحكت من فهمت مقصده ، لف عليها يبتسم ونطق يهمس : تحصني مره ! ومرتين وثلاث !
الرد همست نفس همسه : من عيوني !
مشاري ضرب صدره : ياويل قلبي بس !
الود وسعت عيونها بصدمه تضحك : ميم !
« مجلس النساء »
كان المجلس يصدى بسوالف والضحك ، وبينهم نايا الي تتنقل تسوالف بحماس مع الجادل ونطقت : يا هناي شيلي بنتك ! لا اكلها !
هناي اخذت نايا تحظنها : يمه وش فيك صرتي قرش !
الجادل ضحكت : لا تضحكيني ترا اولد عليك هنا !
نايا نطت تصفق : بيبي اخيرآ بيبي !
جُند : بنتك كل يوم تجلطني والله
هناي ميلت راسها بوزت : اشبكم على بنتي !
الجوهره قامت من جاتها رسالة من محمد انه يبغها ونطقت الجده غدير : ما يقدر يصبر يعني !
الجوهره ابتسمت بخجل ترفع اكتافها ، ونطقت الجده غدير: روحي روحي لا يموت علينا !
الجوهره ضحكت تهز راسها : انشاء الله
اتجهت اللخارج وهي مشغوله بلجواله ما حست الا بـ الي حاوطها يُقبل خدها ونطقت تبتسم : اهلاَ !
ابتسم يوقف قدامها يتاملها من الى ، غطت وجهه بيديها تنطق : تخجلني ! لا تطالع كذا !
نزل يديها يحط يده على خدها : وش اسوي حلوه !
ابتسمت تمد يدها لـ يده : تعال نجلس ؟!
تلاشت ابتسامته : مقدر
ميلت راسها بتسأل : ليش ؟
مسك يديها يطالع عيونها : بسافر كم يوم
الجوهره : ليش ؟ والزواج !
محمد ابتسم : يعني متحمسه مره ؟
الجوهره ضربت كتفه تبوز : ما يضحك ! ترا ازعل حمود !
محمد : خلاص اقولتس لا تزعلين ولا شي
الجوهره هزت راسها : يا الله !
محمد : رايح كم يوم لجده الان هناك فيه مُهمه
الجوهره عقدت حجاجها : ايش يعني ؟
محمد اخذها يجلس على رجله ومسك يدها : يعني مارح ارجع الا اذا نجحت المهمه واذا ما رجعت
الجوهره بخوف شدة على يده : الا بترجع لا تقول هاذا الكلام ! تخوفني !
محمد ابتسم بهدوء : افا !
الجوهره حظنته تنطق بعبرة : لا تروح ! ولا اخذني معاك !!
محمد حاوطها : نقدم الزواج ؟
الجوهره اشرت على عنقها : بس باقي ما راحت !
محمد ابتسم: بس ما اشوفها موجوده ! ما تبغين نتزوج ؟
الجوهره هزت راسها : الا بس خايفه !
محمد ميل راسه يشوف وجهها وابعد شعرها خلف اذنها : من وش ؟ مني !
الجوهره : لا بس خايفه من الزفه و هاذي الاشياء مع اني متحمسه !
محمد رجع ظهره على ورا ياخذها معاه يتاملون النجوم الي مزينة السماء : وش جهزتي الحين ؟
الجوهره تحس يدينه تحاوط خصرها وراسها جنب راسه : كل شي ! ليش ؟
محمد : خلاص يوم الجمعه العرس !
الجوهره فزت تطالعه : وشلون ؟
محمد تنهد : ليش خايفه ! ليش !
الجوهره تهز راسها : مو خايفه بس توتر !
محمد ابعدها عن حظنه وقام يتركها خلفه ونطق بتمثيل يبغاها تثبت على كلمه مدامها تحبه : ماودك بتوصلك ورقة طلاقك !
الجوهره ركضت ناحيته : حمود ! لا تتركني عادي لو بكره بس لا تتركني وتروح لـ جده زعلان علي !
محمد لف عليها : صادقه !
الجوهره طالعته : تشكك في صحة كلامي !
محمد ابتسم : لعبت عليتس ! اخيرآ ثبتي على كلمه !
الجوهره غرقت عيونها ؛ محمد !
محمد تغيرت ملامحه من دموعها مسك ملامحها : يا قلبه !
الجوهره ضربت صدره تبكي : خوفتني ! خوفتني !
محمد حظنها : والله اني اسف والله !
الجوهره بادلته ونطقت : ليش تسوي كذا !
محمد باس راسها فوق المليون يحس بذنب : والله اسف يا بعدهم !
الجوهره ابعدت عنه : ليش طيب سويت كذا !
محمد مسك ملامحها : ابغاتس تطلعين الي في خاطرتس ! انا داري انه ودس في عرس بس متى الى ان نعجز !
الجوهره غطت وجهها : انت مو فاهمني مو فاهم !
محمد تنهد يرجع يجلس جنبها : طيب انا ما فهمت فهميني !
الجوهره ابعدت يديها تقوم من مكانها : خلاص غير الموضوع
محمد سحبها تصير قدامه : الجوهره!
الجوهره طالعت عيونه وفيها العبرة : محمد !
محمد ابعدها عنه ونطق بحزن : كانك تبين البعد علميني !
الجوهره طالعت فيه بحزن شديد : ماودي في البعد ولا اطيقه طيب !
محمد حط يده على راسه : الجوهره ما ودي اجبرك !
الجوهره اتجهت توقف قدامه : محمد ! طالع فيني !
محمد رفع راسه لها يطالع ملامحها : عيني !
الجوهره ميلت راسها تنزل ادموعها لاإرادي بس تحاول تتماسك لكن داخلها متدمر ، فيه شي يردها ما تدري وش : ادري اني اماطل بس .. والله اني احبك !
محمد : دامك تحبني وافقي !
الجوهره تنهدت تنطق : خلاص تم !
محمد : اوعدك اني بخلي هاذا التوتر يتلاشى في الزفه !
الجوهره: ايش بتسوي ؟!
محمد ابتسم بخفه : تعالي نغير جو الحين ؟
الجوهره حطت يدها فرق يده : مقدر فيه ناس !
محمد : ترا اشيلتس !
الجوهره تنهدت : بروح اجيب عبايتي !
محمد تلاشت ابتسامته بعد رحيلها كل جزء في جسمه يخاصمه على الي حصل جلس يتامل النجوم ، جات بعد دقائق وقام من مكانه يتجه لها يُقبل راسها : اسف اني زعلتس
الجوهره نطقت : عادي ! انا اصلاَ الغلطانه
محمد جلسها على رجله وعيونها تقابل عيونه : زعلانه مني ! اذا زعلانه نراضيك ونزيدتس رضى !
سكتت ما ردت تحاول تشتت انظاره عنه ونطق بمزح : يا مقوى زعل حبيبي ! يا مقواه صژ !
الجوهره نطقت : ما زعلت !
محمد نطق : من تلعبين عليه ! محمد ! اقدر المح الرضى الزعل من عينس لا تحاولين !
الجوهره ماردت تمسك يده ، محمد ابتسم : يعني كذا بتشتتيني ! هو صدق انتس شتتني بس الشكوى الله !
الجوهره تحس بحراره غير طبيعيه من كثر الخجل ونطقت : حمود !
محمد : يا عينه وقلبه وروحه و شريين قلبه ! امري ؟!
الجوهره خجلت وما تنكر ابدآ : نمشي !؟
«قصر الجد منصور ، غرفة جُند »
جُند: والله كذب تصدقينها انتِ !
قصيد ضحكت : والله انها في وادي الكوكب كله في وادي !
جُند مسكت يد قصيد : شوفي قاعده ارجف !
قصيد رجعت تمسك يدها تتاكد : يمه ايش فيك !
جُند : وش الي ما فيني ! بكره اول يوك جامعه مستوعبه !
قصيد ضحكت : يختي عايدي ترا ! مدرسه بس بشكل ارعب
- يا مرحبااا 🩷 ، اتمنى اشوف دعم على هاذا البارت لانه مليان احداث وتفاعلوا بـ الكومنت لاني استنانس وانا اقراها واتحمس فوق ذا كله عشان نكمل ~ لا تنسون النجمه ⭐️ .
أنت تقرأ
اهوجــس وياخذنـي علـى بــابــك الهوجاس .
Romanceمُبهرتي الاولى ～ كُتبت بواسطِة : النِور ✍🏻
