على طور يسالوني لمسلم الوائلي
.....
على ضنوني يهل عاشور واحتار
وعلى عيوني يمر الدمع خطار
يفز كلبي اعله ذكرك
واعيش ايام حزنك
على ضنوني على ضنوني
..............
عيني لو كرب عاشور
نهر المدمع تهله
رايد للطفوف حسين
بيهَ الوكت يوصله
حي اعله الحزن ناديت
للماينوجد مثله
جرحك ينزف ويه الروح
منهو اليكدر يشله
وسافه تطيح ضامي بين عدوان
يوج بيك العطش واستعر نيران
كثر همي ويه همك
واعيش ايام حزنك
على ضنوني على ضنوني
...................
يمرني بكربلا يحسين
وانضر حالتك صعبه
عجيبه سيد الاكوان
خدك يحضن التربه
اشوفن بالخيم دخان
اشوف بعينك اللهبه
تصرخ روحي يامضلوم
ليش هدومك مسلبه
ما احسب بعد يالغالي للعيد
ماريدن فرح يحسين ماريد
بدمي مصاب نحرك
واعيش ايام حزنك
على ضنوني على ضنوني
.............
عليه لو يمر عاشور
توجع فجعة ايامه
المح بالطفوف هناك
ضعنك طاحت اعلامة
واحس بشهكة الاطفال
واسمع لوعة ايتامه
حسافه اعله الارض
مولاي طاحت اشرف عمامه
احسن بالعطش وبشحة الماي
توج نار الحزن وتجمر حشاي
تلوذ الحرم يمك
واعيش ايام حزنك
على ضنوني على ضنوني
........
تدوسك خيل يامضلوم
واشعر جن يدوسوني
لون بيه الزمن يندار
بين ايدك ينحروني
اعيش بروجة الالام
لجلك ينخطف لوني
يامحله الشهاده وياك
بطفوفك يوذروني
كل عاشور اموتن ويه الهلال
انحب يالولي والحزن جتال
بوسط الروح اضمك
واعيش ايام حزنك
على ضنوني على ضنوني
............
ذيج الرايه يامضلوم
بيد الحيد ساريه
لجن وسفه والف ياحيف
الهامه طبر بيها
جفوفه مكطعه ياويل
عينه النبله تطفيها
وعيالك تصيح الماي
تريد اليوم يرويها
مايكفي اللطم ماينفع نياح
بدر اعله النهر وعليك ذباح
هل دمعي ويه دمك
واعيش ايام حزنك
على ضنوني على ضنوني
...... .
للخادمه ام عباس الخفاجي
