على طور عليل ينادي بالعبره لمله باسم
.........
ينادي الحادي بالعبره
شيعو الكاظم لگبره
نودع الکاظم المعصوم
بسجون الطاغيه مسموم
شيعو الكاظم لگبره
........
شیخ الطائفه المهیوب
بشر لاچن یشع انوار
امه فاطمه الزهره
ابن حیدر علي الکرار
من رب العلا تسید
مثل امه حمل اسرار
حسافه مگید ومسجون
من عده خلیه الدار
اهله ینطرو کل یوم
یذكروه بحزن وهموم
اعوام المضت كثره
شيعو الكاظم لگبره
.......
لاواحد دره بحاله
غريب الوحده چتاله
مایعرف نهار ولیل
ثگیله وتوجع اغلاله
رادو ينطفي نوره
حقد بالمصطفى واله
اذا شيعته بسجنه
عليه دموع هماله
يغدروه برطب مسموم
منهو يسنده بهاليوم
هارون النوه بغدره
شيعو الكاظم لگبره
.......
سم الگطع احشائه
وجر بالگلب نیران
مثل جده گضه ضامي
وجهه من الالم ذبلان
یعالج چن لفاه الموت
غريب توسط العدوان
تسجى عالارض ياحيف
يغمض عينه السجان
وبطرف السجن هالگوم
ذبو كاظم المضلوم
واسو امه الزهره
شيعو الكاظم الگبره
.......
منهو الیوصل الهاشم
عن حاله یخبرها
اعوام بسجن هارون
وعياله شيصبرها
مقيد راهب اهل البيت
تشوف الحاله تنضرها
بطاموره الشموس تغيب
قيد الايده حافرها
سلاسل وانسن مظلوم
عليه مقدر ومحتوم
يصبر يا كبر صبره
شيعو الكاظم لگبره
.........
الشیعه وبنحیب ونوح
ترکض للوصي تشيله
تغسله وتعگد اکفانه
تشیعه الوادم دخیله
تدفنه بهیبه کل ناسه
علیه ترابه تهیله
لچن وسفه ابوه حسین
بتراب ودمه تغسيله
من نحره تسيل دموم
تصوب گلبه بالمسموم
مصاب الیستعر چمره
شیعو الکاظم الكبره
...........
للخادمه ام عباس الخفاجي
