يخوتي عدكم خبر. غربه وحبال وسفر
الگلب نار استعر نمشی للشام
.......
جهزو لینه المحامل والعیال مسلسله
جابو الهِزل یخوتي من يرچب العایله
عنکم اخذوها الفواطم والمدامع هامله
نمشي ويسبون بينه وانتو طحتو بكربلا
من يعدل محملي.. عالنهر طاح الولي
ودعتكم ياهلي. كافله ايتام
.......
يلي جبتوني بحماكم انه جنت بهيبتي
من صبح عاشر يخوتي سكته صارت ونتي
روسكم وياي تمشيليها اصد بحرگتي
شمس ورمال ومسافه اه ياحر غربتي
ليه افزع يابدر . ماشيه الدرب اليسر
يل جنت ليه ذخر..شيخ الازلام
......
يخوتي جم طفله طاحت ضيعتهن بالغرب
فاطمه وخوله ورقيه سفر وعليهن صعب
صرخه بدموعي صرختها ذاب من عدها الگلب
بالخرایب نیمونه. مشینه لدیار الغرب
عنكم اخذونه غصب....سوط وصياح وضرب
من ذيج الحرب.. عشنه الام
.....
باب للساعات عدهم يمها خلو محملي
تنضر الوادم علينه صوت منهم يعتلي
شوفو هاي الخارجيه جنها زينب بت علي
ناس تتصدق علينه مايعرفون بهلي
صعبه ياهل الموزمه...وانه بت حامي الحمه
من الضرب متوسمه...بيد ضلام
.........
مجلس الملعون ادخل صرت مرمى للنضر
النسا بخدور تكعد تنكشف اخت الكمر
منكم اتعذر يخوتي مايغضون البصر
وبالطشت راسك يوالي احني لمصابه الضهر
صار كدامي يزيد ..يضرب براس العميد
حاقد ويشمت يريد ...سوده الايام
......
للخادمه ام عباس الخفاجي
