مودعه روحي جزت يم بابهم
عافوني بغربه واريد عتابهم
هودي ياروحي الحنينه
العمر ماترجع سنينه
مودعه وروحي جزت يم بابهم
........
بفراش المنيه وتهمل العين
مشتاگه اشوفن خويه لحسين
ماتمت اعله فراگه سنتين
ودمع الحزن سلمني للبين
ياخوتي خامت صوتي
شو چنه ساعة موتي
محتاجه خوتي وعذباني غيابهم
مودعه وروحي جزت يم بابهم
.......
يالمخبر اگصد كربلا واخبرهم
گلهم عقيلة حيدره تنطرهم
رادت يتجيها الاخو تودعهم
رادت سند لو غربت من عدهم
خافن تشيع لو متت ضلامهم
مودعه وروحي جزت يم بابهم
.......
حان الاجل ولياني واترجاكم
اخذوني للطف لو متت وياكم
نسيت موتي وعايشه بذكراكم
لسه بامل يرجع يرف لواكم
اقبل يوافيني الاجل
اتوادع انه ويه الاهل
وبكربلا دفنوني حدر ترابكم
مودعه وروحي جزت يم بابهم
......
مرتين بالشام احتضر وبلا ولي
مرتين اتنخه واصيحن ياعلي
ميسره ويحمل عدوكم محملي
والثانيه الي يشيع عاذلي
من همي بفراشي طحت
ياريت وياكم متت
اتنخه بالخالي يضل محرابهم
مودعه وروحي جزت يم بابهم
.....
وحدي اندفن عن اهلي بعيد
حتى الگبر ياحسرتي وحيد
يعزازي يل كلكم صناديد
روحي تهيم وياكم تريد
ماضل ولي يبرالي
حال الغريبه حالي
الهج باسمهم ما يردلي جوابهم
مودعه وروحي جزت يم بابهم
........
للخادمه ام عباس الخفاجي
