عليك الروح هامت وشيردها
تدورك يالولد والضيم هدها
هروش القلب حالك مردها
عكبك يالولد ردت المنيه
..........
لون بيه الدهر يوليدي يعود
اشمنك يغالي شم الورود
يعطر المسج ياريحة العود
اشم ثيابك توج نار بيه
.......
يهز الهوه بمهده فزعت ليه
احس بعده الولد نايم الوليه
حسبالي يرد واكعد واناغيه
مهده والقلب يبجن سويه
......
يعبدالله يغالي خذني وياك
شلي بالعمر يبني بلياك
يالمسلهم عيونك ضايع دواك
دواك الماي وانه يعز عليه
......
يالب الحشا ياضنوة الروح
جرحك يالضنه مو مثل الجروح
بنبلة حرمله صفيت مذبوح
صغير اعله الذبح عبدالله يبني
.......
للخادمه ام عباس الخفاجي
