واويلاه يم الخدر
واويلاه
........
انه العقيله الي غصب راحت يسيره
مصايب المرت علي كلها جبيره
شحالي جيت الكربلا بلا عشيره
عبراتي ليكم ياهلي حرا وكسيره
رديت من بعد اليسر ليكم يخوان
واویلاه
........
شميت ريحت كربلا واندبت الحسين
دليني ياكل العمر درب الگبر وین
من ناگتی طحت بفجع ماتت الرجلین
عنك يفارگني الوكت ومخالف البين
صرت الثم تراب الارض والگلب لهفان
واویلاه
.....
وصلت یم گبر الولی واهملت عینی
اگعد یبعد رویحتی وشوگی وحنینی
یبن امی ونیت شگثر اسمع ونینی
بالروح مابقی صبر ضاعت سنيني
وياك اريدن باللحد اختمها الاحزان
واويلاه
....
مالت علي دنياي خويه وشفت گبرك
شحال جرحك يالولي وشحال صدرك
بعده ينازف لو نشف يحسين نحرك
خبرني وبدرب اليسر يالغالي اخبرك
واحجيلك بحالي شجره اسمع يعطشان
واويلاه
.....
ماكلت اختي من مشت المن عفتها
درب اليسر كلش صعب حالي شفتها
جم طفله ماتت باليسر بيدي دفنتها
مجتفه ودواوين الزلم خويه ادخلتها
مامش نهار يمر علي بس ليل الاحزان
واويلاه
٠
......
للخادمه ام عباس الخفاجي.
