مرمي اعله الجسر ومگيدينه
امام الطائفه يخمد ونينه
........
رمو موسى بن جعفر قعر السجون
واهله بحالته ماعاد يدرون
اعوام الگضت تبجيله لعيون
مغيب الامام مگيدينه
......
شمس الله بسجن مابين ضلام
بطاموره مضلمه نور الاسلام
محرومين منه اعوام واعوام
لاشفناه لا وياه حجينه
......
مسجون وولاهم منه الخوف
اسد بغداد بالصعبات معروف
سموه برطب والفعل مكشوف
منهو الغمضه واسبل ادينه
.....
حماميل التشيله بموته اليوم
وبطرف الجسر ذبو المعصوم
يالكاظم حسافه تموت مسموم
صحنه الله واكبر ياولينه
....
تسجى عالجسر مكطوع الانفاس
جتى اعله الوعد تتراكض الناس
مسموم الوصي وبفعل الارجاس
اجته گلوب تنعاه وحزينه
.....
للمغسل يشيعونه الموالين
ينصبوله عزه وتهمله العين
نذكر كربلا ومصاب الحسين
وسفه اعلى التراب موذرينه
......
للخادمه ام عباس الخفاجي
ن
