ادورك يالولد يالخدك مترب
اخاف تفز يغالي لو الك اكرب
اشمك والقلب نار
يبني وعمر الصغار
دمعي يهل دمعي
.......
ينفحة والدك ياضي العيون
ياطير السعد يالبي يفرحون
عبدالله جنيني تغمض شلون
تنام اعله الترب ويه
الينامون
يبني الصدري اضمك
اشهك وابجي يمك
دمعي يهل دمعي
.....
كلي بياذنب يوليدي صوبوك
محروم الحليب وضامي ذبحوك
فجعو قلبي بيك وعني بعدوك
عز الماي يبني ومايشربوك
لفكدك تسعر حشاي
بروحي اشتري الماي
دمعي يهل دمعي
.....
يبني صوبن قلبي اليالي
وانه ارض وسمه تبجي اعله حالي
جنيني وفركتك موش اعله بالي
شلون احمل مجانك يبقه خالي
واذكر من اناغيك
تسليني واسليك
دمعي يهل دمعي
....
شلون اكدر اعوفك وين اخليك
ترف وخيولهم لو داست عليك
منك مايضل ليه اثر ليك
لوعنك رحت منهو يباريك
يبني شاهت العين
ادير النضر لاوين
دمعي همل دمعي
.....
حبيبي افتح عيونك ارد اناغيك
قبل ما امشي للشام واخليك
احط اذني اعله شفتك ها نفس بيك
واهزك بلكت ترد روحك عليك
منك خاب ضني
حارك قلبي يبني
دمعي همل دمعي
....
اصد لحسين اكله بالك عليه
عبدالله صغير الشمس تاذيه
يالوالي احيرن وين اخليه
خل نحره اعله نحرك وانته باريه
توج روحي للاثنين
عبدالله والحسين
دمعي همل دمعي
.......
للخادمه ام عباس الخفاجي
