على المسموم ننعى بگلب محزون
نشیع النعش وتشیله المتون
هذا ابن الرضا تبچیله لعیون
لعینه سمته بنتك يمامون
(انطالب بثاره ابنك ياعلي)
.......
ننصبله عزه ونقيم الاحزان
جواد وللكرم والجود عنوان
جمرة گلوبنه تستعر نیران
شماته اعله الوصي صارت العدوان
( اجينه لمرقده نندم يمسموم)
....
الیله نشیع المات مضلوم
عليه تامرت ضلام هالگوم
ماطر الصبح بس لیل هالیوم
شمس من ال هاشم طاح مسموم
(کل الشیعه صاحت راح والینه)
........
الله یساعدك يالمهدي هاليله
يوميه نجم تدفن من العيله
دمع لال النبي يوميه تهيله
يوميه نعش من هاشم تشيله
(يوج نار الگلب لمصايب العتره)
.....
على مصاب الجواد الروح خلصانه
وسافه ينغدر ومغلقه بيبانه
اويلي اعله الشباب البيد دفانه
نايم عالارض ومسبله ذرعانه
(صغير بالعمر ويريد لطميه)
...
یحگ لابن الرضا تشیعه احبابه
وبهیبه تدفنه وینغلق بابه
وسفه على الطاح مدمه بترابه
هدومه مسلبه ومحروكه خيامه
(واجب كل عزه لحسين لطامه)
.......
للخادمه ام عباس الخفاجي
