على طور حيدر البياتي مايحاجيها
........
تعاين عالنهر عباس مطروح
فرت والخيم نيرانها تلوح
تكله الياكتر اطفالك تروح
روعونه يجافل ذابت الروح
،((خيل جيوش اميه هجمت علينه))
.......
جيتك يبو فاضل ناعيه حسين
من شفت النحر شبحتلك العين
جف مني الدمع واصفك بالايدين
بيمن انتخي وكلها مطاعين
،((دنهض يبو فاضل ذبحو حسيني))
.....
يابدر التمام مكطعه ايديك
مكطوع الرجه ما لحك عليك
اريدنك يخويه لو نفس بيك
تكعديالبدر بدموع احاجيك
((افزع ويايه حسين اعله الترايب))
......
باصرني يغالي شلون اداويك
ماضلك نفس ماظل امل بيك
سابيها الحرم وتوجهت ليك
يضربوني يخويه واجهب عليك
((ياخويه الذبحكم ترضه يسبيني))
...........
صولاتك يبدري صارت احلام
ماضل بس حرم واطفال وايتام
شعمل بينه الوكت بعدك والايام
من حر الجمر وسمنه الجدام
((ضرب الصوت خويه حيل ياذيني))
.......
ترضه نعوفكم نيام التراب
نمشي للسبي وبولية اغراب
انهض يبو فاضل رد الاطناب
احلفك بالزجيه وداحي الباب
((اليمشوني سبيه حيل هضموني))
..........
للخادمه ام عباس الخفاجي
