فارگنه الزمان. بعیونك حنان
يل گربك امان /يابويه
.......
يالماخذ وياك الهوه عني تريد تباعد
فارگت لیش بنیتك. انه اعله حسرة والد
محتاجه حضنك يالابو. چایمته لیه تعاود
الدار ویایه بچت. ماضلي منكم واحد
يابويه ضليت وحدي غريبه
دلالي معلول وانته طبيبه
يالرايد تروح اون ولوعه بالروح
عفتني بحسره وبنوح//يابويه
........................
ويايه لن جار الزمن. وعنك ايباعدني
مفاركني لديار الغرب. من غيرك يسندني
يالطيفك برمشي غفه. ملزوم ليك يردني
تردني الالام وابقه حزينه
يالماخذ وياك كل الضعينه
بويه بنار الغياب. شبحت عيني للباب
صرت اتوسد تراب //يابويه
...................
بعيني شفت القافله هوادج ومحامل
رايات بضعونك مشت شايلها بيده الكافل
ناديت اخذني ويه الاهل. يلي تِعَدل المايل
يل كلمتك كول وفعل ماعوفج انته الكايل
تتركني چا لیش وانه ضعیفه
دلالي مجروح هاجر وليفه
يلي ناوي اعله المسير. تركتني ليا مصير
مضلمه دارك تصير //یابویه
............
رد ليه عبدالله الطفل بوحدتي يسليني
يناغي ليه ويبتسم. ببعدك يواسيني
خافن ياذيه السفر. خافن يزيد ونيني
مايحمل سهام ونبل. نار الطفل تجويني
بالطف اكو اشرار ماترحم اطفال
خافن يفطموه. ابرمي النبال
خافن تصيبه اخطار. خل يبقى وسط الدار
بعده بعمر لصغار ///يابويه
.......
ياعطر زهره الزاجيه. من الله نزلت ايه
احجيلي عن عمي البطل واخبار حال الرايه
باحلامي شفته اعله النهر الجود ناشف مايه
جفوفه ليش مرملا. جن بالدمه محنايه
وبعينه الخيام تسعر لهيبه
الحرم واطفال كلها سليبه
لاتنصبها الخيام. تصير اطفالك ايتام
زينب تمشي للشام //يابويه
...........
للخادمه ام عباس الخفاجي .
