كلها تصيح لحكي علينه ياعمه
والحره تصيح السابح بدمه
ضلمه خلافكم دنيه اصبحت ضلمه
صاحت لاخوها
وين راعي الرايه
..........
ماباقي ضعن صار الضعن طشار
بين خيول ولحومه ولهيب النار
اليوم تمحنت بت حيدر الكرار
يلد الصوت وتحشم اهاليها
......
تصد للمشرعه اكعد يراعي الجود
عهد الاولي وياك اريد يعود
ماموجود طاح حسين ماموجود
عوف الماي
خويه سلبو سكينه
......
توجع طلعت النسوان للحومه
عالتربان ولياهن فرد نومه
والوالي تشوفه سلبو هدومه
والسبعين الف
هجمو على الحره
........
ركضت للحسين وتجذب العبره
تكله ياهلي ياضنوة الزهره
رجب فوكه الشمر وتعاين الحره
ماجاوب عليها
بس يون نحره
.........
تصب ليها المصايب صبة الشلال
بتل الزينبي تجمع حرم واطفال
جم شامت يهد جم جزر جم جتال
العيال جتفوها
فرهود صاحو عالضعن
.......
للخادمه ام عباس الخفاجي
