رد ليه بسلامه
يانور الامامه
يبويه وعينك تشوف
عليك الگلب ملهوف
رد لیه بسلامه
.....
یبویه ومهجتي وخلي
يافرحتي بدنيايه
ردتك من حدت لضعون
تگولن امشي ويايه
عفتني ولا گلت یحسین
علیله وشوفك دوايه
واعاين ضعنك يسافر
تهل دموم عينايه
نار يشب دليلي
گوه امشی اعله حیلي
صرت المحكم طيوف
يل وجهتكم طفوف
رد ليه بسلامه
.......
بفراگك شفت لوعات
من بعدك مضلمه الدار
بين الحسره والاهات
يوج بيه لهيب ونار
اراقب واحسب الساعات
واترجى الزمن يندار
ماينفع بعد هيهات
عني تبعدك الاسفار
بدروبك اناطر
واضل مكسورة خاطر
وحده ومرض والخوف
مرو البتكم ضيوف
رد ليه بسلامه
......
انشدك ياغلاة العين
چا یمته ترد یمی
محرم صَبح العاشر
احس منه نشف دمي
ضگت طعم الیتم هالیوم
واحسن بالعطش یضمي
من نار التشب بحشاي
حشمت البطل عمي
منه اگطع رجایه
چن اهلی ضحایه
علیهم گلبی ملهوف
واسمع صل السیوف
رد لیه بسلامه
.....
یالمو بالبشر تنقاس
ضي انته ینور العین
اخذني ويه هالاطفال
وياهم اشوف البين
اشوفن تحترك لخيام
لمصابك تهل العين
لو امشي بسبي للشام
واصيحن وين ابويه حسين
واعيشن ساعة وداعك
يم راسك ابطل ونين
افزن من حلم موجوع
واصرخ ياهلي الطيبين
الدار ووحشته
جن تسعر جمرت
يمرني خيالك طيوف
شاطي وانه لضفوف
رد ليه بسلامه
........
للخادمه ام عباس الخفاجي
