بين سم وضمه العمر يختمه
گضه عمره الوصي
قيده ينزف دمه
.............
يادرب هذا المشيته مفارگ احباب
كل وكت يتنطروك بعتبة الباب
بالسجن تگضي العمر بليه اسباب
ماتعودنه الشمس تطول غياب
ماشي ليا درب مقيد بيا ذنب
ليش عنه رحت والگلب تلچمه
.........
لاخبر عنك وصلنه والقلب نار
لا الك من عدنه توصل يالوصي اخبار
موخطر واحد يحفك كل الاخطار
لا اهل يمك يوالي تحوطك اشرار
مقيدين الاسد والسمه والعمد
طايح بسم الدعي بمدمع همه
......
بين ظِلام وضَلام تمر الايام
والزناجيل الثگیله تخسف جدام
الگلب مسموم ضامي وسفه تنضام
بالبشر ماكو مثيلك انته الاسلام
ترف مثل الورد چبدك وينمرد
نور من جثتك وصل حد السمه
......
موسى ابن جعفر على الموعد اجينه
شفنه جثه اعله الجسر نحنه وبچینه
صرنه نشهگ ننعی حسری یاولینه
اختنگ حتی الهوی فجر حنینه
یانبع یاضوه ليك ماصح دوه
بالسجن ودعت يبن حامي الحمه
........
ان چان جسمك يالوصي مشيعينه
حسين ابوك بنينوى مسلبينه
تشيعك كل الخلايق ياولينه
تلث ليالي حسين عاري ساحكينه
بين سم ونحر الدليل استعر
الموالي منفجع يزداد همه
........
للخادمه ام عباس الخفاجي
