نزله شجاعي لمسلم
.....
اندعيله يطوعه اندعيله
اندعيله يطوعه اندعيله
......
اليله مسلم سوه كوفه كربلا
علم الوادم اصول المرجله
سيفه يرعد والجنود مجندله
دار بيهم دايره
ملحمه ماصايره
اندعيله يطوعه اندعيله
......
خله يوم الكوفه اكشريومها
جرد الصارم يريد علومها
يشبع الطير بجثير لحومها
عالسطح حط الصكر
موت احمر مو بشر
اندعيله يطوعه اندعيله
.....
برق خاطف والبرق ماينلزم
زلزل الكوفه خِلاها من الزلم
السفير اسمه يمحله هالاسم
مثل ابن عمه الكمر
تاج نوماس وفخر
اندعيله يطوعه اندعيله
.......
موت فوك الروس كام يهيله
مسلم اليوكف كباله ويله
صبحه مايطلع يموت بليله
ولوحضر عباسه
حزام ضهره وناسه
اندعيله يطوعه اندعيله
......
صاح يالمضلوم ارجع لا تجي
ناس متلونه ينكرون الحجي
مو سند بيهم ابد لاتنتجي
حضرولك كربلا
والذبح وسط الفلا
اندعيله يطوعه اندعيله
..........
للخادمه ام عباس الخفاجي
