گلبي عفته. حرگته رحت لطفوفك
لطفوفك يالاكبر
گلبي عفته حرگته رحت لطفوفك
لطفوفك يالاكبر
.........
ساكن بدلالي ياذخري وحياتي
چنت اضنك باقي تحضرني بمماتي
انته ابني الغالي يالماخذ صفاتي
لجلك ادعي الربي وانخاه بصلاتي
تچوی عینی بونینی جگر دلالي
الیبرالی یالاکبر
......
یاورد يوليدي بسنيني رَويتك
احسب بايامك بس تكبر تانيتك
ماحسبت حسابي تفجعني بمنيتك
اركض واتعثر للحومه اعتنيتك
انه اشوفك ضروفك تَغير الواني
احزاني يالاكبر
.......
امفصليك لگیتك ومصابك فجعنه
هالزمن بفراگك يالغالي ذبحنه
متربات خدودك يالحالك جرحنه
تنزف من اوصالك وبهمنه نزفنه
ياولدنه فجعنه مصاب اخبارك
اخبارك يالاكبر
......
حرت بيش وبيمن جثمانك ارفعه
گمت الم باوصالك چن صتك اسمعه
صرت اقبل جسمك بثيابي اجمعه
شرد اگول اليله وبياحال ارجعه
عني تغفه اعله چتفه ردت تصحالي
امال يالاكبر
......
انته شمس ايامي حلمي الزاهي طوله
يازرع داريته فاجعني بذبوله
ياشبيه الهادي من عهد الطفوله
جبتك اعله خيامي يامعنى الرجوله
بعيني اشاهد واكابد فگد محبوبي
بدروبي يالاكبر
.....
ياوداع احبابي ويادرب النهايه
بيدي ازفك يااكبرلحتوف المنايا
يبني روح الجدك واحجيله اعله هايه
گله سبطك ضامي وعيالك سبايا
عالشريعه گطیعه تضل چفینه
الحامینه یالاکبر
.......
للخادمه ام عباس الخفاچی
