اليله ليلة حزن ارد اكضيها
اندب اخواني بدمع احييها
....
اليله احييها بدمع سيل النهر
خامس أصحاب العبا حيف انغدر
حسين ابجي عليه وانعاه للكمر
رحت لحسين ودمعتي اهميها
........
كتله يحسين القلب ماله يون
خايفه ياخويه لو دار الزمن
صبح عاشر منه قلبي ممتحن
تبجي لحسين الهضم عاليها
......
منخطف لونه ودمعت هومت
دنيته بعينه عليها ضلمت
كلها يختي عليج روحي غيمت
كلمه مني يالعزيزه اخذيها
.......
اكلها يختي باجر يصير النحر
شدي يالحره حيازيم الصبر
بخيمتج نيرانهم جن تستعر
بخيمتي اطفالج تجمعيها
.......
ودع المضلوم والقلب انفجع
وانه الها وعبره مهضومه سمع
تكله ردنه ديار اهلنه ومانفع
حسين لخته زينب يواسيه
.......
يكلها يختي مايخلونه نرد
من دمه الشبان يخضر ورد
على صدري الشمر يختي لو كعد
على التله عيلتي تلميها
.......
باجر اعله الخيم تهد الخيول
ما رعو حرمة نبيهم والبتول
والاطفال اعليهم العسكر يجول
وعالنهر راية علي راميها
.....
سهام وجفوف وعلى الهامه الطبر
عالنهر يوكع ولا يسلم كتر
لابد تشوفين جفه ينبتر
دمعتج للجافل تضخريها
....
ارد اوصيج بدمعتج لاتهل
لايسمعنج تونين لاهل
صبري يختي لو يربطوج بحبل
لاتجزعين العده تشمتيها
......
حضنته زينب وشهكت بالهوه
تكله ليت نهار عاشر لاضوه
ذوبت روحي يبن حامي اللوه
ليله العاشر دمع تحييها
.....
للخادمه ام عباس الخفاجي
