منهو يحضر دفنتي
كلها بالطف اخوتي
آيدنيا آيدنيه
......
منهو يحمل محملي
دمعي لخواني همه
زينب انه والاجل
اذه گلبي والمه
من يشيع جنازتي
واهلي ماتو بالضمه
وحدي اضل بغربتي
وانه بت حامي الحمه
آآيناري ولوعتي
اليوم حانت ساعتي
آآيدنيا آيدنيه
.......
عادت الميت لون
نام بفراش الاجل
كلها تحضر موتته
محاوط بصحبه واهل
وين ابو اليمه صفه
وين عباس البطل
درت عيني ولا شفت
منهم الاخته وصل
وحدي اجر بونتي
عليه جارت دنيتي
آآيدنيا آيدنيه
.....
صرت احشم والدمع
عالوجن مثل النهر
احلم بين اخوتي
گمر یماشی گمر
ضعن مثله مامشه
قائده حسين الفخر
ريت ماشفت السبي
ولاشفت درب السفر
يوم حرگو خیمتی
صارموتی بغربتي
آآيدنيا آيدنيه
.....
ساعه اغفه وساعه اون
ساعه اريد اخواني
من يشيل جنازتي
اعله النهر دفاني
كون حاضر جافلي
جن يشد اجفاني
شلون يرضاها الغرب
وحدي اضل خلاني
منهو يبجي الموتتي
ياخذ عزاه بدفنتي
تاليها اموت بحركتي
ام الصبرعنواني
.....
للخادمه ام عباس الخفاجي
