كنت بتقلب في السرير ماقادر انوم ماعارف لي شايل همها كدا يمكن عشان هي الوحيدة القدرت اساعدها الليل كلو ما قدرت انوم اليوم التاني قمت واستحميت داير اطلع أمي قالت لي :علـ وين؟! الليلة الجمعه ما عندك مدرسة قلت ليها: ماشي هنا قريب وجاي دايرة أطلع قالت لي: استني علـ أقل اشرب الشاي بتاعك قرب يبرد ...رجعت وقعت بي سكات كانت بتعاين لي بي تمعن قالت لي: أنت الليلة مالك يا ولدي من امبارح ما علـ بعضك!! قلت ليها: ما تخافي على يا أمي أنا كويس شربت الشاي سرع عشان ما تسألني تاني...قمت وقلت ليها: يلا ماشي أنا يا أمي...قالت لي: سمح استودعتك الله ...طلعت ركبت المواصلات وأنا متوجه لي القرية تكلت راسي في قزاز العربية وأنا سرحان ما عارف لي متين كنت بالوضعية دي...فقت من شرودي لمن الكمساري طقطق لي وقال لي: معليش يا اخينا دي آخر محطة قلت ليها: ايواا طيب قمت طوالي ونزلت من العربية وتاني ركبت وحدة متجة للقرية وصلت بعد ربع ساعة دفعت لي القروش وهو فات وقفت وأنا ماعارف أعمل شنو ..أنا زاتو الجابني هنا شنو ولي جيت ...بقيت الوم في نفسي وأقول ما كان في داعي اجي هنا ...فكرت لي وهلة إني ارجع بس وقفني مشهد شاب كان بكورك واصحابوا يهدوهوا مشيت عليهم قلت في شنو باشباب هو زاتو عاين لي بي نظره تفحص وقالي: وأنت مالك ...قلت لي: شايفك زهجان وقلت اساعدك...قالي بي صوت جهوري وأنت مالك يا اخينا ما تتدخلع في شي ما يعنيك وتاني عاين لي من فوق لي تحت شكل ملابسي كان غريب لانهم هنا يلبسوا الجلاليب...واحد من الشباب قالي: شكلك غريب من وين أنت؟ قلت لي: من بحري قالي: والجابك هنا شنو؟! ماعرفت أقول لي شنو بس فضلت اسكت ..الكان ماسكنوا قال : يلا من هنا ده شكلو ح يضيع زمان نحنا لازم نعمل حاجة للمصيبة دي!..واحد من اصحابوا قال لي: أسمع كلامي يا سليمان ما تتزوجتها دي ح تجيب لي العار والسمعة الكعبة وما معروف بتكون صاعت مع منو....لمن قال كدا قلت ليهم وأنا ما واعي لي تفسي قصدك مني؟! لمن قلت كدا كلهم عاينوا لي الاسمو سليمان داك جاء علي وعاين لي وقال: يعني ده أنت
..قلت لي عفواً بتتكلم عن شنو ما فاهمك.... قالي: وكمان بتمثل نفسك اهبل أنت الكنت معاها صاح ...ضحك مسافة وقالي نفسك الابس لابسوا هو كان نفسي اعرفو هو منو بس الصورة ما ظاهرة زي الناس وووشك ما كان ظاهر لكن وقعت في يدي الليلة ما بخليك...نفض يدي منو وقلت لي: أحسن تحترم نفسك فاهم وإياك تجيب سيرتي بالكعبة أمشي شوف الكانت معاهو بعيد عني مسكني تاني وقالي ح تندم يا جميل مرق سكينة صغيرة دايرة يطعني اصاحبوا مسكوهوا وقالوا لي أحسن نوديهو لي عمو مسعود كلهم مسكوني وأنا بقاوم فيهم .... واحد قالي: أحسن تمشي بي ارادتك أنت ما ح تقدر لي خمس اولاد...قلت لي: فكوني أول كلهم فكوني صلحت لياقت القميص ومشيت معاهم ما مشيت عشان أنا خايف بس قلت كدا أحسن عشان يعرفوا إني ما نفس الزول وصلنا بيت كدا دخلنا جوا سليمان قال: احرسوا لحدي ما أنادي عمي مشي وزي خمس دقائق جاء وجاء معاهو واحد خمسيني كدا عيونو حمر من الغضب قالي: ده انت ... أنت هو الجبت لي المصايب دي الليلة ما برحمك طلع سكين وداير يضربني بس الأولاد حجزوهوا واحد قال لي: يا عمي ده ما ينفع أحسن تجبروا يتزواجها...قالي: ولي يتزوجها هو وسليمان؟ ...سليمان قالي: معليش يا عمي أنا كنت على وعدي بس الكلام الكتير الإتقال عنها ما هين والله كنت دايرها وبريدها بس أنا لازم اعاين للنسب البشرف معليش علي الأقولو ليك بتك بقت سيرتها علي كـ لسان وانا خايف على اولادي بعدين.... عم مسعود عروقو لمن برزت قالي: يعني اتراجعت من كلامك حق امبارح يا سلييمااااان مافي راجل يتراجع من كلامو...سليمان قالي بي صوت عالي وماااف راااجل يتزوج عاقرة لمن قال كدا عم مسعود ضربو كف ...سليمان عيونو بقت حمرا ومافضل إلا يضرب عمو... عم مسعود رفع اصبوا وقالي اعرف من هسي انا ما عندي ود أخو اسمعو سليمان ....سليمان رمقو بي نظرات نارية ومشي منو....عمو خت يدوا في راسو وشفت دمعة منو نزلت ...في الحظة دي حنيت عليه وماعارف كيف قلت لي: أنا ح اتزوجها يا خالي...قام مسكني من لقياتي( لياقتو دي انتهت عديل😂) وقالي: أصلاً ما عندك حل غير ده وقالي لو انت راجل ما تتهرب من كلامك ده زي ما عمل سليمان...قلت لي: أنا راجل وعلى وعدي ساقني للجامع الجنبهم...في واحد كان قاعد من شافو وشافني استغرب وقالي وين سليمان....عم مسعود اتوترت وقالي: سليمان خلي أنا جاي أعقد على بتي وده هو الدايرها المازون عاين لي بي اندهاش بس ماقال كلمة وقال طيب ما مشكلة...قعدنا كدا عم مسعود قال دقيقة وبجيكم ....طلع وأنا ما فاهم هو مشي وين وده ما بهمني المازون قالي: بجد أنت دايرها يا ولدي؟قلت لي: أعمل شنو فجأة لقيت نفسي مخطوط في الموقف ده وماعندي مفر هو هز راسو وكان بعاين لي بي تمعن بعد مسافة عم مسعود جاء وعملنا العقد قالي يلا سوقها وما توريني وشها تاني ...مشينا بيتهم أجرت بوكس انتظرتها لحدي ما تجي من شفتها حنيت عليها آثار الضرب ظاهر في وشها معقول في أبو يعمل في بتو كدا💔 هي كانت تعاين لي بي استغراب ونظرة حزينة كمان قلت ليها: ارح وراي ركبنا البوكس وكنا الاتنين ساكتين بعدين هي اتكلمت وقالت لي: أنت منو؟! قلت ليها ما عرفتني يا مني؟! قالت لي: لا ..سكت مسافة قبلت عليها عاينت ليها جوا عيونها وقلت ليها أنا أسعد أستاذ اسعد يا مني
