أنا لي بقيت ضعيفة كدا ...صاح قلت ادي نفسي هدنة عشان أقوم من جديد واقدر ادمرهم...بعد ما أسعد طلع وكان خايف على منى شديد مسكتني قصة في قلبي رغم إنو ما مظهر الخوف...بس حسيت بيهو خوف لي زول بتحبو أكتر من روحك أنا احاسيسي مابتخيب...قلبي وجعني شديد ..ضربت لي ترتيل طوالي هي ورتني الحصل ليها...دايرين تعرفوا كيف عرفتها صاح؟ ح اوريكم أنا
في يوم كنا كلنا قاعدين في الصالون ومنى زي كـ العادة جوه غرفتها الباب دقة قلت ليهم اقعدوا أنا بمشي أفتح الباب ...فتحتو لقيت بت بتشبة منى ..لي وهلة قلت ده هي بس طلعت مشوار وجات...البت قالت عفواً ده بيت منى اقصد منى ساكنة هنا...قلت ليها: اي بتعرفيها!! قالت لي بي توتر ملخوظ اي أنا قريبتها زحيت من الباب وقلت ليها: اتفضلي...هي دخلت وبقت تتلفت كانت زي الخايفة قالت لي: مني موجودة؟! ااانا دايرة اشوف نسيبتها قلت ليها: كنت قايلاكِ دايرة تشوفي منى!!!...قالت لي: لأ قصدي اي بس أول أشوف نسيبتها هي قاعدة معاها؟! ..قلت ليها: لا مني في غرفتها فوق...لمن قلت كدا شفتها زي التوتر خفه منها عرفت إنها دايرة تعمل شي ...دخلتها جوا وخالتو أسماء من شافتها...قالت: منى؟!!...قلت ليها: لا دي قريبتها ...قالت : إيوا منى قاعدة في غرفتها فوق على جهتك اليمين طوالي....قالت ليها: جيت أتكلم معاك...خالتو أسماء استغربت بس قالت ليها: طيب مالو تعالي اقعدي...قالت ليها: لاااا قصدي نتكلم برانا لو سمحتي......لمن قالت كدا عرفت إنو في حاجة...خالتي قال ليها: طيب ارح معاي...ترتيل مشت معاها وأنا قلت لي: أمونة عطشانة ماشة اجيب موية...قالت لي: طيب أمشي...مشيت منها كدا طوالي لفيت على جهه غرفت خالتي وقفت جنب الباب وبقيت أسمع في كلامهم
_أسمعي أنا دايرة اوريك السبب الخلا ولدك يتزوج منى بس احلفي لي إنك مابتوري زول إني أنا الوريتك
=يعني إنتِ عارفة ولي دايرة توريني وهل السبب خطير لي درجة توريني براي
_اي خطير شديد بس في الأول دايراك تحلفي بالله ما بتقولي أنا الوريتك
=والله العظيم ما بجيب سيرتك ولا حتي بلمح بيك ولابقول أسمك
_طيب إسمعي منى دي كانت بتحب واحد وهو كمان بحبها كل يوم بتلاقوا وأنا بي صفتي قريبتها ودايرة ليها الخير بقول ليها لا يا منى ده حرام مابرضي ربنا وده غيب بس ما كانت بسمع كلامي لحدي ما في يوم قبضوها معاها
=شنو؟!! بتقولي في شنو إنتِ؟ ده كلو طالع من الوش البرئ ده
_ما تشوفي وشها دي زي ثعبان ال متنكر على هيئة حيوان اليف(مهما صار ما تنبذوا زول بي أسامي الحيوانات)
=طيب ولدي الدخلهو شنو ولي اتزوجها
_اصبري أنا جاية ليك في الموضوع... ولدك جاء لقرية صدفة ساي وهم عشان شافوهو لابس لبس كدا عصري قالوا ده هو عشان القبضوا مع منى كان لابس زيو
