انا بس كنت بردد في كلمة ما عافية ليك دي وما حاسة بي اي شي لحدي ما ابوي قالي : قومي وصلنا ....عاينت لفيت نفسي في القرية نفس القرية الاهانوني والاتهموني وانا مظلومة. ....في الوقت ده صحيت من الصدمة وقلت لي ابوي ما نازلة أنا يا ابوي انا ما نازلة قالي : تنزلي غصباً عنك عشان ما اهرس ليك راسك كدا كنت شايلة الموبايل في يدي قالي: جيبي الموبايل ده وشالو مني طوالي....مسكني من يدي وبقي يجرني قدام الناس ...اي اتنين تلاتة بهمسوا لي بعض ويعانوا لي ....ابوي دخلني جوه الاوضة وقفلني فيها....بقيت ابكي بس ما عرفت أعمل شنو يعني أبوي ح يطلقني من أسعد المشكلة أبوي لمن يقول شي بعمل اي شي عشان يحصل .... اتكرفست في السرير وبقيت ابكي قريب الساعة فجأة الباب فتحت...كانت صابرين شايلة ليها اكل ...يدها كانت بترجف وبقت ضعيفة وبهاتة شديد ختت لي الصينية وقالت لي: سامحيني عشان وريت ترتيل عن مكان والله يا مني هددتني وخفت عشان كدا وريتها وبقت تبكي ....قلت ليها: صابرين انا حاسة بيك والله وماعارفة ترتيل قاعدة تعمل ليك شنو عشان بتخافي كدا من تهديتها بس شكلو الأمر متعلق بي سليمان ..خلاص أنا ما زعلانة منك بس ممكن طلب لو سمحتي...قالت لي: اتفضلي قلت ليها: اديني تلفونك اضرب لي راجلي ....قالت لي: طوالي دقيقة اجيبو ليك ..طلعت برا وقفلت الباب ...جاتني بعد مدة طويلة لمن فقد الأمل وقلت خلاص ما ح تجي فتحت الباب وبقت تتلفت يمين وشمال ...مدت لي التلفون ..قلت ليها: شكراً ليك ...ابتسمت لي بس...شلت التلفون وكتبت رقم اسعد ضربت لي مرة ومرتين وتلاتة بس ما كان في رد ...ختيت التلفون في السرير وبقيت ابكي...صابرين ربتت على كتفي وقالت لي: ما تحزني ح اخلي التلفون هنا لحدي ما تتكلمي معاهو إن شاء الله ...دايرة ارد ليها كدا التلفون ضرب ...لمن شفت الرقم كان أسعد فرحت ...وطوالي فتحت الخط ...قال : الو منو معاي ...قلت لي: أسعد ...قالي: مني!! مالو صوتك كدا والتلفون ده حق منو ....قبل ما أرد عليهو بكيت هو اتخلع وبقي يقولي مالك في شنو احكي يا مني ما تخوفيني ...قلت لي: أسعد أبوي جاني في المستشفى وساقني وهسي انا في القرية وقافلني في بيت كدا والتلفون ده حق وحدة صحبتي ....قالي: شنو!!! بتقولي في شنو يا مني وده متين...قلت: قبيل لمن جيت المستشفى ....قالي : طيب ما تخافي أنا هسي ح اجيك ...قلت لي: اسرع قالي: ما تخافي يا مني طيب ...قلت لي: طيب سمح ...قلت لي: أسرع بس أنا خايفة ...قالي: طيب أنا هسي ح ركبت العربية جاي عليك ....
بعد اتكلمت معاهو رجعت التلفون لي صابرين قالت لي: خلي معاك ح تحتاجي ليهو ..قلت ليها: لالا شيلي ...قالت لي: لا خليك معاك أنا مامحتاجة ليهو زي ما إنتِ محتاجة لي...قلت ليها: شكراً يا صابرين بجد إنتِ زولة طيبة ...قالت لي: العفو قالت لي: أكلي ...قلت ليها: ماعايزة قالت لي: أنا حاسة بالبتمري عليهو بس مافي داعي تعملي في نفسك كدا اكلي يا مني....قلت ليها: صدقيني ما نفسي يا صابرين مانفسي قالت : طيب ح اخلي معاك لمن تجوعي اكلي طيب ...ماردت عليها ...تاني قالت لي: مُضطرة اقفلك هنا يا مني براك عرفاهم قلت ليها: ما مشكلة يا صابرين إنتِ ساعدتني ...وأنا عارفاك ما بترضي تقفليني هنا ...اتكلمنا مسافة وهي طلعت طوالي
