حتى الاشياء التي كنتُ أخشى خسارتها، أصبحتُ انا من اتنازل عنها . .
طلقني
لمن قلت الكلمة دي حسيت مالمحو اتغيرت ...عروقو ظهرت وقال لي بي كل هدوء...لي ...قلت لي بس كدا دايرة الطلاق...قال لي بي نبرة حادة مننننى.....
خلتني ارجف عديل...سكت مسافة وكأنو بيمتص غضبو وقال لي: زهجت أنا...قلت لي: نعم!!! ..قال لي: زهجت ياخ
وريني عايزة شنو إنتِ ما ممكن معاك أنا خسرت حاجات كتيرة عشانك زعلت أمي كم مرة عشانك ...زي ما قلتي خليتك بعيدة عن مشاكل الأهل ده كلو عشانك...اتحملت لوم وكلام فارق طالع من اهلنا وكلهم قطعوها معاي ستة صفر عشانك وبعد ده كلو كنت بحاول بقدر المستطاع اقدم ليك اي شي اي شئ يا منى عشان الشفتي في حياتك ماهين. ... وكان عادي جدغا اطلقك واخليك تواجهي مصيرك براك بس انا ده كلو ما عملتو عارفة لي: بالواضح كدا عشان بحبك ....وهسي إنتِ بي كل برود دايرة تقولي لي طلقني بجد مافاهم....لي بتعملي كدا...قلت لي وأنا ببكي عملت كدا عشانك...
الجو بقي صاني هو كان مصدوم وبعاين لي...قلت لي: عملت ده كلو عشانك انت ...أنا شايفة حياتي كلها مشاكل في مشاكل وخايفة عليك يحصل ليك شي صدقني يا أسعد أحسن ترجع لي تسنيم...علـ أقل هي ما عندها مشاكل طويلة وعربضة زي كدا وعادي تمشي لي اهلها واهلك يرضوا عنك ...أنا قلت ليك كدا عشان الضغوطات الشفتها دي كلها بي سببي أهلك ..قاطعوك وخالتو أسماء ...في الطالعة والنازلة تهينك وظاهر إنها ما راضية عنك والمشاكل الجاتك من أهلي وآخر مشكلة حصلت وشوف في النهاية دخلت المستشفى وده كلو من شنو!!
أسعد حكم عقلك زي ما أنا عملت وأعرف قرار الطلاق ده افضل لي وليك عشان المشاكل دي تخف
قالي: قلتي طلبتي الطلاق عشاني!! جادة إنتِ يا منى عشاني...إنتِ عارفة داير شنو أنا...لو بجد بتعرفي داير شنو ما كان قلتي كدا بس إنتِ أنانية عارفة لي ...عشان بتقرري اي شي دايرهو ولا حتى هاميك أنا داير شنو
_أسعد
=نعم
طلقني...
سكت مسافة وطوالي طلع بالباب...هو مافاهم أنا قلت كدا لي مافاهم أنا ما أنانية يا أسعد بجد لو كنت أنانية كان ماقلت كدا وخليتك معاي بس طلبت الطلاق عشان ابعدك من المشاكل بس والله ما عشان شي تاني
اليوم كلو قضيتو بكاء وهو ما جاء نهائي ..انتظرتو لحدي نص الليل بس النعاس قابلني وماقدرت اقاومو...
صحيت بي مكبرات الصوت بتنادي للصلاة قمت وأنا مخلوعة عاينت يمين شمال بس هو ما كان في ..مشيت الغرفة برضو ماف ..فتشت البيت كلو ...مالقيتو
معقول!! معقول يا أسعد للآن ما جيت...قمت واتوضيت وصليت.
..مشيت رقدت بس ما جاني نوم كيف يجيني نوم واسعد مافي ولا عندو حس ولا خبر ....قعدت في السرير وبقيت منتظراهو ...بس ما جاني ...شلت التلفون ضربت لي كان مقفول هنا خفت عديل ماتكون حصلت لي شي ... أنا زاتي غبية ومجنونة لي عملت كدا.... الوق كلو قلقانة وبعاين بالباب عسى ولعلى يجي
