ما تقتلوني لالالالالالالا ...
جيت ووقف في نصهم سليمان نزل السكين وقال لي : زحي من هنا ....قلت لي: لا مايخليك تقتلو... أسعد قالي: مني ...أحسن تزحي...قبلت عليها ودموعي في عيني قلت لي: لا ما بخليك ...مابحليهو يقتلك...
سليمان قال لي: زحححي ممكن هناااا... عاينت ليهو لقيت عيونو حممر قلت لي: لا ما بخليك تأذي أسعد ...كان في عكاز في للأرض رفعة ولزاني بيهو وقالي زززحي قلت ليك ....من قوتها وقعت في الأرض ... أسعد ..قال بي صوت عالي مننننى ...جاني ورفعني قال لي: إنتِ كويسة...هزيت ليهو راسي بمعني اي وأنا ببكي... ختاني بي وراهو ...وعاين لي سليمان وقال لي: تضرب مرتي قدامي وبالشكل ده انت قايل نفسك منو يا زول عشان سكت ليك أنا ...وووقع فيهو ضرب ...لمن الشباب الكانوا واقفين حجزوا ... أول مرة أشوف أسعد هايج كدا ...كان زي التور ...لز الشباب وتاني وقع في سليمان ضرب لمن ...قرب يقتلو مسكت يدو وقلت لي: أسعد خليهو ...خلي يا أسعد ...قالي: ده ما يستاهل يعيش قلت لي: كدا ما صح يا أسعد أنت عاقل ما زيهم ما تنزل لي مستواهم ...خليهم وارح من هنا ...
كنت دايرة أمشي بي اي طريقه عشان ما تحصل عقبة تاني. تمنع مشينا ..
صابرين جات وقالت لي: أحسن تمشوا الناس هنا مخلوعين ما ح يركزوا معاكم ... عاينت لي أسعد وقلت لي: شفت مش وريتك يلا ارح... أسعد عاين لي سليمان وقالي: أسمع الكلمة دي وختها حلقة في اضانك مني حقتي أنا وبس فاهم حقتي أنا وبس ... سليمان مارد عليها كان بعاين لي صابرين ...قلت ليها: صابرين شوفي بعاين عليك كيف خايفة عليك أنا قالت لي: ما تخافي على إنتوا امشوا من هنا بس..... أسعد قالي: ارح قبل ما أفقد صوابي واضربو تاني ...قلت لي: طيب يلا ...مشينا وأنا بعاين وراي صابرين رفعت لي يدها أنا كمان رفعت ليها يدي وقلت ليها بي صوت وااطي شكراً شكراً ليك ياصابرين
مشينا لحدي ما وصلنا العربية ركبنا طوالي....قلت لي: أنت كويس قالي أنا كويس إنتِ كيف قلت لي: كويسة الحمدلله...قالي: اذوك في شي ولا عملوا ليك شي...قلت لي لا ما عملوا لي حاجة....قال: الحمدلله ...
قلت لي: جيت متين..قالي: والله يعني مابعيد كدا ... تاني ضحك قلت لي: بتضحك مالك؟! ...في شي بضحك ... وهو بضحك هز راسو وتاني قالي: اااي ....إنك جيتي وماهميك إذا يأذيك ولالأ جيتي عشان تساعديني...قلت لي: دي حاجة بضحك بدل ما تقول لي الحمدلله الما عمل ليك شي تضحك...قلبك ميت...قالي: لا ماقصدي كدا دائماً بتفهميني غلط والله خفت عليك بس أنا قصدي دايرة تأذي نفسك عشاني...قلت لي: ذي ما انت داير تأذي نفسك عشاني برضو ...مفتكر براك البتعرف تساعد ضحك وقال لي: يا زولة ...قلت لي : جاااادة معاك ...قال لي: لالا تمام كان كدا
الوقت كلو كنا بتنونس ما حسيت بالزمن إلا لمن وصلنا لقيت نفسي في بيتهم قلت لي: شكلك نسيت .. أنا ما ساكنة هنا...قالي: عارف بس خايف يجوك في بيتك هناك عشان كدا هنا أمن لمن تكوني جنبي...قلت لي: لالا تمام كان كدا قالي: ما تحاكيني يازولة قلت لي: ابيت قالي: عويرة صريت لي وشي وقبلت بي الشبكاك قالي خلاص معليش كنت بهظر معاك قلت لي: ماتتكلم معاي بس....سكت وقالي: طيب...عاينت لي بي خلعة...ضحك وقالي: يلا يلا انزلي...نزلنا. ودخلنا وهو فتح الباب بالمفتاح...
