قلت ليها: الجابك هنا شنو قالت لي: أنا أسألك ولا إنتِ ...قلت ليها: جيت لي صحبتي كانوا عاقدين عليها..قالت لي: توتة!! دي بت عمي انهجمت وقلت ليها: كيف ده بس البت دي قرت جامعة خلاها كيف ؟!...قالت لي: ادخلوا أول الشمس حارة...دخلنا جوا سلمت على توتة بعد موال السلام والشوق قالت لي: لي أول امس ما جيتي زعلت منك...قلت ليها: اعذريني والله كان عندي ظروف وحتى ما مشيت الشغل...قالت لي: ما مشكلة المهم جيتو
جابوا لينا الضيافة وصابرين كانت قاعدة معانا...قلت ليها: توتة ممكن سؤال قالت لي: اتفضلي...قلت: اممم أنا مابحب اتدخل في خصوصيات الناس بس إنتِ من هنا مش وهم مابرضو لي بناتهم إنهم يقروا إنتِ كيف قريتي....قالت لي: شوفي أصلاً أبوي ما عندو مشكلة مع التعليم بس عندو مشكلة واحدة وهي ما اتزوج برا الأهل قالي:مابمنعك تقري ولا حتى بجبروك على زواج بس برا الأهل ما بتعرسي...قلت ليها: أبوك أحسن من باقي الناس... أمونة قالت : فعلاً بس مافيها شي لو عرستي من برا المهم زول يكون زو خُلق ودين...قالت : والله أنا ما يقدر أقول ليهم كدا اهلي ديل صعبين شديد من الناحية دي ...قلت ليها: كدي انسي اي شي إنتِ ود أهلك ده ديراهو ولالا...قالت: والله مابقول ليك اي ...بس مافي شي بخليني ارفضو هو زول ماشاءالله متعلم برضو وحافظ قران...قلت ليها: كان كدا ما مشكلة العرس من الأهل ماعيب..... وما لازم تعرسي من الأهل أو لازم من برا المهم زول يفهمك وتفهميهو واهما شي زي ماقالت أمونة يكون زو خُلق ودين....قالت: فعلاً..... ...قلت لي صابرين ... سبحان الله بت عمك خلوها وإنتِ لا بجد أنا مستغربة من الحته دي...قالت لي: تقولي شنو بس لكن الحمدلله ...توتة قالت : أنا في الأول كنت زعلانة عشان ح اعرس من اهلي بس بجد ما كلهم كدا ...هو مختلف تماماً عنهم ولمن قلت لي: دايرة اشتغل ما عارضني نهائي وقال لي: بعدين كان ربنا رزقنا أطفال ح اخليهم يتعلموا...وبناتي يمكلوا الجامعة...وقالي: القانون بتاع اهلنا ده ح اكسر زي ما خالي كسر القانون وخلاكِ تتتمي دراستك....قلت ليها: بجد في ناس كدا!!! أنا كلهم...قايلهم مخهم واحد... أمونة قالت لي: ماتظلميهم كلهم ما واحد...قلت لي توتة...هو متعلم!! قالت لي: لالا بس قال الشفتو ما داير اشوفو في اولادي...قلت ليها: إن شاءالله يعمل كدا...
صابرين..قالت بجد لقيتي يا توتة وربنا يرزقكم الأطفال وسعادة البال💜 قالت ليها: اللهم آمين وربنا يفتحها في وشك يا صابرين قالت ليها: اللهم امين
المهم اتونسنا كتير ومارعينا للزمن إلا أسعد ضرب لي قلت لي أمونة الليلة اتأخرنا ارح هسي أسعد ضرب لي نسيناهو عديل...قالت لي: فعلاً كلامك صاح يلا قومي مستنية شنو ...ودعناهم وطلعنا ...قالت لي: ما يشاكلنا بس قلت ليها : أدعي ربنا يسترها علينا... طلعنا من البيت ومشينا عليهو كان زهجان قال مابالغتو لكن...قلت لي: وريتك ح نقعد كتير وانت وافقت نعمل ليك شنو طيب... أمونة قالت لي: الونسة كانت حلوة وماراعينا للزمن قال لينا بي آخر نفس اركبوا يلا....ركبنا كدا داير يدور العربية شفت صابرين سليمان كان مسكها من يدها وبجر فيها...قلت لي: أسعد شوف صابرين ...قالي: دي منو كمان! قلت لي: ياخ مرت سليمان ...الماسكها سليمان من يدو ديك لازم نساعدها هي ساعدتني اليوم داك ونفس الضربت بيك من رقمها... أمونة قالت لي: مجنونة إنتِ خليهم مادايرن مشاكل...قلت ليها: لا ما بخليهم ما شايفاهو بجرها كيف...قبلت على أسعد وقلت لي: الله يرضي عليك...البت دي مسكينة والله....قالي: طيب نعمل ليها شنو!! عندك حل؟؟ ...قلت لي: ماعندي بس مانخلي يوديها معاهو البيت...اخد نفس وفتح باب العربية وطلع طلعت معاهو وامونة برضو....مشي على جهه سليمان مسك يدو ... سليمان عاين لي مسافة وقال: أنت؟؟ داير مني شنو ...مالك ماسك يدي كدا...قالي: فكها... سليمان عاين لي بي إستغرب أول وتاني ضحك ضحكة قوية وقال: شلت منى ودايرة تشيل دي في احلامك وفجأة طلع سكين وطعن أسعد.. امونة قالت : أسعددددد أنا اطرافي بردو وبقيت ماقادرة اتكلم دموعي نزلوا جريت عليهو ...داير يطعنو تاني وقفت في نصو والطعنة جات فيني....بقيت داخية وماقادرة اثبت نفسي وفجأة ما حسيت بي شي تاني
