مرة أسبوع وابوي ماجاب لي سيرة ود عمي ده تاني لمن ارتحت وقلت خلاص نسي ما كان في زول قاعد معاي غير خالتي بناتها رجعوا لي بيوتهم كلهم ماشاء الله متزوجات قالت لي: بتفكري في شنو يا منوية؟؟ قلت ليها: بفكر في عرس ود عمي ده....قالت لي: اجي ودايرة شنو يعني يابتي قراية قريتيها عايزة شنو تاني!...قلت ليها: أنا ما عايزة اتزوج من أهلي يا خالتي بحس إني مقيدة أنا .. ما من طموحاتي اتزوج من الأهل قالت لي: بطلي الكلام الخام بارم البتقولي فيه ده ...ده الكنا خايفين منو إنو تتحرري وتقولي كلامك ده أصلاً أنا مناسك دي زمان وريتها بتك دي ما تخليها تتم قريتها عشان ما تركب راس أصلاً البت تقري لحدي ما تعرف الكتابة والقراية بس لكن تتم قرايتها ده قلة ادب بس ما اكتر....قلت ليها: بس يا خالتي أنا ما دايرة اعرس من أهلي اظن عندي حق القبول والرفض وأنا ما دايرة اعرس ود عمي ده اعملوا الدايرين تعملوا ما عندي فيهم شغلة وح ارفض لو دايرين تقتلوني...قالت لي: اسكتي ياخ ابوك مايسمعك خلي ركوب الراس يا بتي وارضي بالواقع زي ما رضينا بيهو نحنا مافي بت بتتزوج براء اهلها لو كسرتي رقبتك وده قانون معروف من زمان...قلت ليها: وأنا ح اكسر القانون ده بإذن الله الزواج ما مقتصر على الأهل بس ...بس إنتوا براكم شايفين. الزواج براء الأهل عيب وما كويس....ما عارفة لي الولد عادي يتزوج من برا بس نحنا ما ننزوج إلا ود اهلنا وده كلو عشان نسبنا ما يضيع ... ده نسب ملكي وأنا ما عارفة ولاشنو!؟
°يااااابت قصدك شنو
عاينت وراي لقيت أبوي قلت لي أنا ما قصدي حاجة يا أبوي بس انا ما نفسي اتزوج من قببلتنا دي بحس نفسي ما انجزت شي....وقبلي ما أتم كلامي جاني منو كف وبدلها بالتانية وقالي أمك ما عرفت تربيك اخر زمن تقولي الكلام ده في وشي أنا مسعود الناس دي كلها مابتقدر تقول كلام ساي تجي أنتِ تقولي كدا ....بقيت ابكي واعاين لي خالتي جات وقالت لي: معليش يا مسعود البت صغيرة وما فاهمة حاجة...قال ليها: صغيرة؟ زولة عمرها٢١ سنة صغيرة القدرها عرسوا زمان واولادهم في الروضة ولسه تقولي لي صغيرة!! تاني رفع اصبعو على وقال: بحذرك لو سمعتك كلمة ما بعرس دي بضبحك ولا بعاين ليك زاتو وكدي ابقي مرة وارفضي عشان تشوفي مني الوش التاني ومشي طوالي قعت في السرير وبقيت ابكي خالتي قالت لي: وريتك أنا يا مني مافي طريقة ارضي زي ما انحنا رضينا ما تركبي راس عشان ما يركبوا فيك سكينة ومشت طوالي كنت ببكي بي طريقة هستيريا أنا ما دايرة كدا ما داير اتزوج زول ما دايراهو ما دايراااا
"""""""""""""""""""""""""""""""""""""""""""""""""""''''"""""""""'
#أسعد
شلت شنتطي وطلعت أمي قالت لي: اجي يا ولدي اشرب الشاي أول بعدين أمشي المدرسة قلت ليها: اتأخرت أنا يا أمي الليلة عاملين اجتماع لي الأباء براك عارفاني بدرس في مدرسة في القرية والليلة عاملين إجتماع وفي شي في بالي داير اقولو قالت لي: أمشي يا ولدي ربنا يوفقك إن شاء الله ...قلت ليها امين يا السمحة ادعي لي كتتير واهم شي تكوني راضية عني قالت لي: راضية عنك وعافية عنك يا ولدي بستها في راسها وقلت ليها: ربنا يحفظك لينا يا احلي أمي في العالم ومشيت وهي بتدعي لي دعواتها السمحة
