°هههههه إنتِ مفتكرة إني ح اقيف على كدا هو انا لسه ما بديت أصلاً
^ ما فهمتك قصدك شنو؟!
°اممم أنا يادوب دايرة أفكر كيف اخرب علاقتهم
^ يعني إنتِ ماخربتيها ما شايفاهو بي سببك ضربها كف تسنيم إني مخبية شنو؟؟
° شكلك لسه ما عارفه تسنيم الحقيقة صاح أنا عملت كل التمثيل ده عشان يخليها
^تمثيل لي درجة تأذي جنينك مش
°الجنين ما مهم كان مات بجيب جيرو
^وكان متي إنتِ
°يابت بطلي خلاص في النهاية أنا عايشة
^والله بديت اخاف منك
°لازم يا حبيبتي😂😂
^لي إنتِ دايرة تعملي ده كلو أسعد ما مقصر منك في شي ولا يوم زعلك لي بتحبي تجيبي لي نفسك المشاكل
° أنا أسعد ده حطمني وكسر قلبي مشي عرسها ولا حتي فكر فيني ولا في شعوري ودايراني اخليهو كدا بدون ما اندمو
^بس هو بحبك
° منو القاليك كدا هو ما بحبني بحب مني وده ظاهر من لمعة عيونو مهما حاول يعدل بيناتنا ....ظاهر هو بحب منو وأنا ما بخليها تكون سعيدة معاهو وح اخرب علاقتهم الجميلة دي
^بري منك خووووووفة
°يلا أقفلي رصيدي شكلو صفر
*
نزلت السماعة من اضاني ورجعت شعري لي ورا وقلت لازم أعمل خطة تخليهو يطلقها وقبلت على جهه الباب لقيت أمونة! كانت بتعاين لي بي نظرة غريبة كدا هي أصلاً البت دي ما مفهمومة ولا عرفنها بتحب شنو ولا دايرة شنو ...قلت ليها: اوو أمونة دايرة شي عاينت لي مسافة ومشت بدون ما تقولي شنو ...ماتكون سمعت الكلام القلتو لي رؤي لو سمعتو ح تبقي مشكلة طلعت برا كانت قاعدة وماسكة كتاب بتقرا فيهو ...قعت وقلت ليها: أمونة تصدقي نفسي نكون صحبات وكدا أنا هسي كسبت خالتو أسماء فضل إنتِ وبجد دايرة احسكم اسرتي ما اسرة أسعد....هي ما ردت لي بس كانت بتقرا ولا رفعت راسها زاتو...قلت ليها: أمونة إنتِ سامعاني
..قفلت الكتاب وعاينت لي وقالت : والمانع شنو ما مشكلة تكون صحبات....لمن قالت كدا ارتحت معناها ما سمعت القلتو لي رؤي بس حبيت أتأكد قلت ليها: قبيل كنتِ دايرة حاجة شفتك واقفة جنب باب غرفتي....عاينت لي مسافة لمن شكيت وبقيت اقول ياربي عرفت ولالا خطتت الكتاب في الطربيزة وقالت لي بي برود اي كنت دايرة اسألك عن حاجة بس لقيت الجواب ... قامت ومشت على غرفتها....البت دي ح تجنني أنا ماعرفتها كويسة ولا نصيحة بس لو كان عرفت شي ما كان سكتت كدا ماعلينا بيها وما عندها دليل أصلاً كان قالت ....
أنا لازم أمشي علي خطتتي الباردة دي بعدين ح اشعل الحرب ...مشيت المبطخ لقيت خالتو أسماء بتطبخ قلت ليها: الليلة طابخة لينا شنو يا خالتو ضحكت وقالت لي: بامية مفروكة اسعد بحبها شديد والايامات دي كان متوتر عشان كدا قلت أعمل ليهو الشي البحبو قلت ليها: جددد طيب علمني ليها عشان اقدر اعملها لي...قالت حاضر يابتي ربنا يوفقك إن شاء الله وإنتِ نعمة الزوجة ما زي الشرشوحه ديك خلتو يرحلها وخايفة كمان تخلي ينسانا عديل يعمل ليها اي حاجة وهي بالمقابل دايرة تقطع علاقتو بينا بعد العملتو معاك كان يطلقها ...قلت ليها: ما تهتمي بيها وده ظاهر إنها ما دايراكم وهي بتعمل فيها مسكينة قدامنا وده كلو عشان أسعد يكون خاتم في صباعها بس ماعلينا بيها اسعد في النهاية ح يعرف وماتشيلي هم الحمد لله ولدي كويس ....قالت : إن شاء الله يابتي....قلت ليها: في شي اعملو ليك...قالت لي: مافي شي يابتي وإنتِ حامل زاتو امشي ارتاحي ما تشتغلي شي...قلت ليها: حاضر يا خالتو وبستها في راسها وطلعت .... الليلة اسعد معها ...عشان كدا اليوم كلو كنت بتونس مع الأولاد اي أنا بعمل نفسي زولة كويسة بس أنا في الحقيقة غير كدا وكان ما ندمتك يا مني ما بيبقي إسمي تسنيم
