أنا أصلاً كنت عارف ده البحصل أمك ماعملت شي غير خلتك ترفضي طلبي ووتجرئي وترفضي كلام أبوك
°انا يا أبوي بس
^اسكتي ما غلطت لمن طلقت أمك هسي غير الفضيحة ما جبتي لي شي لي تعملي كدا وريني أنا قصرت معاك في شنو عشان تعملي كدا دايرة تكسر فانوني تكسري قانون القرية عشان شنو مثلاً اها في الآخر جبتي لي العار وريني سرعة ده منو الغلطي معاهو ده
°يا أبوي أنا
أسكتي ما داير اسمع حسك تاني ...جيبي الجنزير يا وداد....أصلاً مافي شي ينفع معاك غير ده ...ح اقفلك في الخزانة عشان اتاكد إنك ما ح تهربي وح تتزوجيني ود عمك غصباً عنك ونشوف ركوب الراس ده ح يعمل ليك شنو ويا أنا ويا إنتِ في البيت ده
*
قال كدا وطلع قفل الزنزانة بي المفتاح ما كنت فاهمة الحصل في الآونة الأخيرة فجأة الخبر انتشر في القرية كيف ما عارف وأبوي قفلني هنا وهو ماشي يعقد لي على ود عمي كنت ساكتة بس البكاء كملتو ما عارفه أعمل شنو وكيف اتخلص من العرس ده شكلي ح اتزوجو أحسن ارضي بي الحصل لي أحسن أرضي بي سليمان خلاص أنا ما عندي خيار تاني أبوي ما اظن يخليني في حالي زي ما قالت خالتي كتر خيرو الماقتلني فجأة باب الزنزانة فتح لقيتها خالتي أبوي قاليها دقيقة بس وإلا اقفلك معاها قالت لي: ح أمشي يا بتي قلت ليها: ح تمشي وين وتخليني يا خالتي أنا مافضل لي زول في أهلنا غيرك كلهم ما بحبوني ح تخليني معاهم واتعذب ....سكتت مسافة وقالت لي: في الحقيقة يا بتي أنا ما كنت دايرة اخليك بس الخضر قالي تعالي عشان قعت معاكِ كتتير وما تنسي هو راجلي وعندي أطفال...سكت مسافة ودموعي نيزل قلت ليها: الافهمو إنو ما دايرك تقعدي معاي بعد الحصل صاح ...هي بكت وجات ضمتني وقالت لي: والله ما كان نفسي اخليك يا بتي بس أعمل شنو أنا مجبورة امشي هددني بالطلاق وقال لي لوماجيتي ح اطلقك أنا ما نفسي اخليك اعذريني يا بتي ضمتني مسافة وقالت لي ودعتك الله وفاتت طوالي أنا هنا البكاء شرطني خالتي كانت مصبراني وماحسستني إني فقال أمي بس هسي زي الفقتها ....
تكون قاعد عادي فجأة يجيبوا إشاعة فيك وأنت مظلوم ماعامل شي وخصوصاً هنا في قريتنا الاشاعة تنطلق زي النار في الهشيم ومافي زول تسلم منو وكمان بحبوا يكبروا الموضوع ويزيدوا من عندهم أنا تعبت من القرية دي تعبت من قوانينها ومن الظلم الفيها نفسي بس يعرفوا إنو البعملوا فيهو ده غلط نفسي بس يعرفوا
كانت صامته ، ولكن عيناها حكت انهزاماً كبيراً .!💔
زي ماقالت ليكم أبوي مشي يعقد لي استسلمت وانتظرت مصيري لحدي ما سمعت جوطة شديدة برا كنت خائفة ومقلقة ما عارفة اطلع كيف والحمدلله أبوي ما ربطني بالجنزير زي ما كان بقول قمت وأنا جسمي كلو واجعني من كترة الضرب عاينت بي قدة صغيرة كدا شفت أبوي ماسك السكين وداير يضرب شاب كدا أظن في التلاتين من عمرو قلبي بقي يضرب شديد ...في شنو؟! وده منو ؟!والحاصل شنو !!؟ما كنت شايفة كويس من كترة الناس الكانوا واقفين بقيت مافاهمة شي وانا براقب الحاصل برا من بين الناس الكتيرة شفت خالتو وداد جاية علي وشايلة المفتاح من شفتها جاية على مشيت قعت في مكاني فتحت الباب وجات وقفت في راسي وقالت لي معقول يا مني ده هو الزول الكنتِ معاهو قلت ليها: منو هو أنا مافاهمة إنتِ قصدك شنو قالت لي تعالي مسكتني من يدي وقفتني قدام الباب وفتحتو حبه كدا عشان مافي زول يشوفنا وقالت لي شوفي الشاب ده هو زاتو الكنتِ معاهو ولالا ....قلت ليها: شنو!!! يعني إنتوا بتصدقوا اي شي الشاب ده لا بعرفو ولا هو بعرفني وجبتوا من وين إنتوا وروني دايرين مني شنو بس انا عملت ليكم شنو عشان تسوا فيني كدا اتجاهلت كلامي كلو وقالت لي: الزول ده جاي وكان يسأل عنك قلت ليها: شنو؟؟ بتقولي في شنو إنتِ ويسأل عني انا لي؟! قالت لي: أنا بعرف المفروض أنا الأسئلك ده منو ما إنتِ بعد العملتي ولسه بتعملي نفسك مافاهمة شي مشششم نفس حركات أمك ....قلت ليها: لو سمحتي يا خالتو وداد ما تجيبي سيرة أمي بالكعبة أنا ما عارفة إنتِ بتكرهي أمي كدا لي من اول يوم جات فيهو هنا إنتِ ما ريحتيها أنا ما عارف لي بتكرهي أمي كدا قالت لي: ماعارفة؟! ولا بتستعبطي فيني .. اتخيلي إنتِ عروس شهر ما تميتي يجي يوم راجلك ماسك ليهو وحدة من يدها ولمن تسألي دي منو يرد ليك بي كل برود دي مرتي؟ اتخيلي كلام الناس فيك إنتِ عروس وعرس فيك كلهم بخطوا الوم فيك وإنك ما نافعة عشان كدا جابوا فيك وحدة وإنتِ شهر ما تميتي ...اتخيلي إنو مافي زول يقيف معاك واخير ترجعي بيت أبوك جنازة أحسن مما ترجعي مطلقة....وبعد ده كلو تقولي لي أمي عملت ليك شنو ...وريني أمك الما عملتها لي شنو عشان ما اشيل الكره ده كلو ليها....قلت ليها: إنتِ براك عارفة أمي اهلها الغصبوها للزواج براك عارفة إنو هي ما عندها ذنب فيهز كم وكم حبت تكون صحبتك بس إنتِ صديتها وما اكتفيتي بي كدا لا خليتي أبوي يكرهها ومشيتي لي دجالين وفقرة وإنتِ عرفة إنو الشي ده حرام وعارفة كدا إنتِ اشركتي قاطعتني وقالت لي: أنا مشيت عشان ارجع راجلي ما مشيت عشان شي تاني أنا مشيت عشان نفسي أنا ما ضريتها زي ماهي ضرتني ضحكت وقلت ليها: مع إحترامي ليك يا خالتي وداد بس الشيوح ولا اقوليك الدجالين ديل كل البعملوا حرام في حرااام مهما كان البعملوا بتمني تعرفي وترجعي لي ربك قالت لي: بدل كلامك ده كان تقولي لي نفسك أنا علـ الأقل ما مشيت اتصايعت مع زول غريب عاملة فيها الشريف الرضي وإنتِ شكلك تميتي الصياعة هنا في الجامعة
سكت منها ما عشان ما عندي كلام اقولوا بس عشان الكلام معاها لا بودي لا بجيب وأنا شوية وكدا ح اهيج فيها كلامي ده كلو قلتو بي كل احترام وزوق
طبعاً كلامنا ده كلو ونحنا واقفين جنب الباب
لمن عاينت لقيت مافي زول ماعرفت مشوا وين هي طلعت طوالي وخلت الباب مفتوح !! قعت ١٠دقايق أبوي شايفاهو جاي علي وكان فاير وقف قصادي وعاين لي شديد وقالي: سليمان قال ما دايرك....لمن قال كدا فرحت بس ما أظهرت ليهو إني فرحانة...بس فرحتي اتلاشت لمن قالي لكن ح نعقد عليك على الزول الكنتِ معاهو ....انصدمت من كلامو قلت لي: بس مافي... قاطعني وقالي: اقفلي بلاعتك ما داير أسمع صوتك ده وانا جيت عشان اوريك عشان بعدين ما تقولي لي عقت لي على زول غريب قلت لي: وأنا موافقة ما عارفة قلت كدا لي قالي: ما منتظر مواففتك أنا وطلع طوالي...قعت في مكاني وأنا في مصدومة الحصل ده ابي يدخل في راسي كنت قايلة سليمان عمل كل ده عشان يتزوجني بس من ما قال ما دايرني معناها ده ما هو طيب ده منو العمل كدا وداير سمعتي تخرب !! ده منو المترصدني كدا...
قعت زي ربع ساعة شفت ترتيل جات جارية وقفت جنب الباب وقالت لي يا مني عقدوا عليك على الزول الغريب إنتِ أول وحدة تكسر قانون القرية أول شي تقري وتاني تتزوجي زول غريب قلت ليها: بتضحكي علي يا ترتيل !!ضحكت وقالت لي: عجبني ليك ومشت...بعد مسافة أبوي جاء وقالي يلا قومي مسكني من يدي وما خلاني اقوم على خيلي حتي ...بقيت زي البكروا فيني النسوان كلهم بعاينوا لي ويهمسوا دخلني الأوضة وقالي شيلي هدومك ويلا راجلك منتظرك برا ....كنت بعاين ليهو و مصدمة منو...قالي بي نهرة يلا يا بت قبل ما اتهور واقتلك...شلت اقرب شنطة وبقيت الملم هدومي وأنا دموعي دي ابت تقيف من قبيل كنت عاملة نفسي صامدة بس هسي ما قدرت بعد ختيت هدومي في الشنطة كراني معاهو وطلعنا برا لقيت نفس الزول واقف وكان ظاهر عليهو الضيق حاسة كأني بعرفوا أبوي قالي: يلا شيلها وتاني ما داير أشوف وشها ده ولو جات هنا أتأكد إني ح اضبحها ...هو كان ساكت وهادئ ماقال شي بس قالي أمشي وراي مشيت بي وراهو ظهر جنبنا تاكس ركبنا هو كان ساكت وأنا راسي داير يدقك ما فاهمة شي نفسي زول يفهمني ...كسرت عاجز الصمت وقلت لي أنت منو ؟ سكت مسافة وقالي: ما عرفتني يا مني قلت ليهو: لا ماعرفتك
كان بتكلم معاي وهو بعاين قدام قبل على وكان ظاهر عليهو الضيق قالي: أنا أسعد أستاذ اسعد يا مني
____________________________________
"آني غريب، فليس لي في زحامهم أحد
