تكيس مبايض ...ده الكنت خايفة منو كنت حاسة إني عندي ليهو وعشان السبب ده ما عملت فحص ... د. رحاب قالت لي: ما تشغلي بالك إن شاء الله ح تحملي خلي ثقتك في ربنا كبيرة....قلت ليها: إن شاءالله يا .د رحاب إن شاءالله....قلت ليها : شكراً ليك ماقصرتي بس انا الليلة مابقدر اداوم ممكن أمشي!!؟ قالت لي: طوالي ماعندي مشكلة هو إنتِ دائماً بترهقي نفسك .... وبتحبي تتدامي لي غيرك ....ف دا اقل خدمة اعملها ليك يا مني قلت ليها : شكراً ليك ...شلت شنتطي وضربت لي أسعد قلت لي: ما تجيني أنا الليلة مارقة بدري... قالي: مالك عيانة ولا حاجة...قلت لي: لمن تجي ح تعرف يلا في أمان الله...قفلت وركبت المواصلات...تكلت راسي في الكرسي وأنا بفكر في الحصل ... دموعي نزلوا طوالي مستحتها...القااعدة جنبي قالت لي: في حاجة يالاخت...عاينت ليها ...الشكل ده ماغريب علي....قلت ليها: انا شايفاكِ وين ماعارفة...قالت لي: حتي أنا شفتك في مكان ...بس ما قدرت اتذكرك ....في حاجة آسفة على تطفلي بس لمن شفتك بتكي قلت يمكن في مصيبة....
قلت ليها: إنتِ مرت سليمان صاح ايوا هي إنتِ ذاتك...عاينت لي بي إستغراب وقالت لي: عرفتي كيف...قلت ليها: أنا مني اقصد كنت ...موجودة لمن جابوك المستشفى وكنتِ في حالة اجهاض....قالت لي: وأنا بقول شفتك وين أنا ما متذكرة إنتِ منو بس زي الشفتك مع الدكتورات عشان كدا تاني قالت لي: بس بتعرفي سليمان من وين....قلت ليها: ده ود عمي... استغفرت وقالت : ايواا حسيتها دايرة تقول شي بس اتراجعت قلت ليها: دايرة تقولي حاجة قالت لي: في الحقيقة اي ...قلت ليها: قولي...قالت لي: كيف قدرتي تقري هل أمك من بلد تاني ولا شنو لإنو مستحيل يخلوا بناتهم يقروا قلت ليها: لا امي هي زاتها بت عم أبوي بس العزيمة قالت لي: صدقيني مابعرفوا شي زي ده من البت تتم تامن يزوجوها طوالي ...بس انا مستغربة كيف قدرتي تقري ...قلت ليها: أمي ضحت بي نفسها عشان تخليني اقري...قالت لي: عشان كدا ...بس نحنا المساكين ما بخلونا كان نفسي اقرا واكون دكتورة زيك واي زول يقول دكتورة صابرين جات ودكتورة صابرين مشت قلت ليها: إن شاء الله بتقدري ...قالت لي: ما اظن...شفت دموعها بس هي مسحتهم سرعة...لمن مسحت دموعها شفتة يدها فيها آثار حريق قلت ليها: صابرين ده شنو...عاينت في يدها وقالت لي بي ارتباك مافي شي دي النار تشتني لمن كنت بطيخ....قلت ليها: بس دي ما تشة نار عادي زي الزول القاصد يتشك شوفي كبيرة كيف وعميقة...هي سكتت طوالي....قلت ليها: ما تسكتي قالت لي: مافهتك ....مسكتها من يدها وقلت ليها: ما تسكتي يا صابرين ...البأذيك ما تسكتي ليهو وأنا عارفاك فهمتني....قالت لي والعبرة في خلقها بس ...ح يقتلني كان اتكلمت أنا ما بقدر...دموعها نزلوا مسحتها ليها وقلت .... أنا فاهماك والله اتربيت في نفس بيتك وعارفة تفكيرهم كيف .... ما وريتي أمك...قالت لي: أمي قالت لي الله اصبري وأبوي بضبحكني كان وريتو...قلت ليها : دي المشكلة لمن اهلك ما يقيفوا معاك....تاني قلت ليها: إنتِ ياصابرين ما من قريتنا صاح...قالت لي: اي من القرية الجنبكم قلت ليها:حلو يعني عندكم كهرباء ونت...قالت لي: بنفع شنو كان امخاخهم كدا....قلت ليها: عندك تلفون قالت لي: اي عنديي ...طيب اديني رقمك ...قالت لي: طوالي
